1059, 11 décembre. — Paris.
Philippe Ier donne au monastère de Saint-Florentin de Bonneval la métairie du Boulay.
A. Original prétendu. Parchemin, avec repli au bas et double queue de cuir. Hauteur, 157 mm. ; largeur, 298 mm. Archives départementales d'Eure-et-Loir, H 762.
B. Copie authentique, de l'an 1602, Archives départementales d'Eure-et-Loir, H 762, d'après A.
C. Copie authentique, du xviie s., collationnée à l'original le 16 novembre 1604, par Jacques le Febvre, sergent royal du bailliage d'Orléans, ville et châtellenie d'Yenville, demeurant à Bonneval, Archives départementales d'Eure-et-Loir, H 762, d'après A.
D. Copie du xviiie s., par Dom Verninac, Bibliothèque d'Orléans, ms. n° 394, t. III, fol. 40, d'après A.
E. Copie de l'an 1765, par Dom Gérou, Bibliothèque nationale, Collection Moreau, vol. 26, fol. 55, d'après «une copie vidimée et authentique de l'abbaye de Bonneval».
a. Histoire abrégée de l'abbaye de Saint-Florentin de Bonneval des RR. PP. Dom Jean Thiroux et Dom Lambert, publ. par le docteur V. Bigot, p. 45, publication partielle.
In nomine summi et eterni regis, amen.
[2] Philipus, Dei gratia Francorum rex. Nichil sane regiam sublimitatem magis decere videtur quam inprimis supremum illum Regem, qui solus reges regnare [3] facit, recognoscere, et ex cujus largitatis rivulis cuncta imperia et regna nobis emanant. Nos igitur ea consideratione impulsi, qui regni Franciæ apicem tenemus, licet indigni, [4] ecclesias et monasteria, in Dei honorem constructa, sincero mentis affectu donis et elemosinis quamplurimis cumulare desideramus, potissimum ea monasteria, in quibus [5] personæ religiosæ, sub illius Regis excelsi militia pugnaturæ, ultro bonis suis temporalibus se abdicarunt mundoque et illius illecebris renuntiantes in claustris [6] se recluserunt, ut, a terrenis negotiis et actibus segregati, facilius et melius salutiferis inhereant disciplinis. Cujusmodi personas reperimus in monasterio [7] sancti Florentini Bonævallis, sito in nostro vicecomitatu Dunensi, et multis jam terris, dominiis, feodis et censibus a predecessoribus nostris, regibus Francorum, dotato, ita ut illius [8] veri fundatores credantur ; in quo sunt monachi regulæ beati patris Benedicti professores. Quibus, majorum nostrorum vestigiis insequendo et beneficia in eos et alios ecclesiasticos [9] continuando, dedimus unam medietariam vulgo Bouleyum appellatam, quæ se consistit in domibus, granchia et hebergamentis plurimis et etiam in quindecim modiis terræ [10] aut circiter, tam in vineis, virgultis quam arrabilibus una cum dominio, proprietate et justitia omnimoda predictæ medietariæ, villagiorum dicti Bouleii et Martiniarie te-[11]-rritoriique eorumdem ; duodecim quoque solidos turonenses censuales et octo sextarios et sex modios avenæ accipiendos et recipiendos annuatim in die sancti Stephani protomartyris [12] super dictas domos, vineas et prædia, tam in dictis villagiis de Bouleio et Martiniaria quam in territorio eorumdem locorum et a locis prædictis dependentium. Cujus medieta-[13]-riæ, locorum predictorum et eorum dependentiarum ponimus predictos Hugonem, abbatem, et monachos Bonævallis in eadem possessione et saisina qua sumus et fuit aliquando fidus noster servus [14] Franciscus Blouet, dux militum custodie corporis nostri et ultimus eorum dominus et possessor ; qui quidem abhinc semestri servitio nostro feliciter interiit sine heredibus, [15] eoque modo predicta omnia ad manus nostras devenerunt et jure regio pertinuerunt et pertinent ; excepto quod idem abbas et monachi eorumque successores nobis successoribusque nostris, [16] vicecomitibus Dunensibus vel aliis dominis quibuscumque presentibus et futuris, nullum umquam feodum neque coustumam solvent, imo gaudebunt predictis omnibus quiete et pacifice [17] in perpetuum ac si semper nostris in manibus remanerent. Pro qua donatione illi eorumque successores monachi singulis diebus in una missarum, que in eodem monasterio [18] celebrabuntur, Deum orare pro remedio animarum predecessorum nostrorum, regum Franciæ, et pro salute nostra regumque futurorum viventium tenebuntur. Sed quoniam nos et prædicti [19] abbas et monachi timebamus ne per successionem temporum aliquatenus super præmissis turbarentur hiisque pacifice non gauderent, sicque nostra devotio fraudaretur mensaque [20] et redditus illorum minuerentur, illis, [H. abbati], fratribus Silvestro et Aniano, religiosis prædicti Bonævallis presentibus, et aliis prefati monasterii religiosis absentibus atque [21] futuris, prædictam donationem aliaque supradicta per curiam parlamenti nostri confirmari, corroborari et approbari fecimus, [hæc etiam] consentientibus et laudantibus : Floro, episcopo Carnotensi ; Bartholomeo, archidiacono Pinserecensi ; Marcelino, predicti episcopi sigillifero ; Roberto, comite Flandriæ ; Raymundo, comite sancti Ægidii ; Stephano, comite [22] Blesensi ; Guillelmo, duce Normanniæ ; Alexandro, vicecomite Dunensi ; Stephano, comite..... ; Felice comite Drocensi ; Brinamonte, principe de Puilla ; Johanne de [23] Merevilla ; Francisco de Petronvilla ; Stephano Deschamps ; Arnulpho de Pusato et..... multis aliis principibus, nobilibus et dominis. In quorum etiam fidem, ut nota sint [24] omnibus tam præsentis temporis quam futuri, præsentes litteras sigilli nostri impressione corroborari præcepimus. Actum publice Parisiis in curia, anno Domini M. L. IX°, III° idus d[ecembris].