1085. — Compiègne.
Philippe Ier confirme la donation faite à l'église de Charroux par Robert de Péronne, Emma, sa femme, et leurs enfants, de tout ce qu'ils possédaient dans la paroisse d'Allouagne.
A. Original perdu.
B. Copie du commencement du xive s., dans le Quatrième Cartulaire de Flandre, Archives départementales du Nord, B 1564, fol. 27, pièce 88, sous le titre : «Privilegium prepositure de Breuveliere».
C. Copie du xviie s., par Dom Le Pez, Bibliothèque d'Arras, ms. 316, fol. 195, d'après le Cartulaire M de Saint-Vaast d'Arras, fol. 30.
D. Copie du xixe siècle (don de M. de Godefroy), Archives de la Société des antiquaires de l'Ouest, 1re série, 6e carton, pièce n° 218, d'après B.
Indiqué : De la Fontenelle, Notice sur une charte de 1085 offerte par M. de Godefroy, de Lille, concernant l'abbaye de Charroux, dans Bulletins de la Société des antiquaires de l'Ouest, années 1838-1840 (t. II, 1841), p. 74.
Indiqué : Desplanque, Inventaire sommaire des archives départementales, Nord. Archives civiles, série B, t. II, p. 21.
In nomine Patris et Filii et Spiritus Sancti, amen. Philippus, Dei gratia Francorum rex, omnibus xpistiane fidei cultoribus diligere et colere pacem et veritatem, ut omnis ambiguitas ab opere karitatis excludatur, ea que nostris temporibus sub testimonio nostro facta sunt, tam futuris quam presentibus ad conservandam veritatis tutelam notificari decrevimus [quod] Robertus, siquidem castri et terre Perronensis dominus, et Emma, uxor ejus, et eorum filius Odo, et filia Adeliz, dederunt Deo et Karrofensi ecclesie in perpetuam elemosinam quicquid habebant infra parrochiam Aloannie preter id quod jam ecclesie de Monte sancti Quintini contulerant et quedam homagia quorumdam wavassorum que sibi retinuerunt. Et ne de ignorantia inter monachos Karrofenses et incolas Aloannie perturbatio possit suboriri, jura et loca sue donationis nominatim astruxerunt. Dederunt plane mansionem suam propriam, cum pomerio et curtillo herbario, quam habebant prope atrium super vivarium, et cum vivario totam piscationem vivarii ab ortu scilicet vivarii usque ad poncellum Aloannie qui est inter Lilies et Choces. Dederunt etiam et omnes hospites et redditus et census et corveas karrucales et corveas manoperarias et terras cultas et incultas, silvestres et nemorosas, et omnem terram et boscum del Fai et de le Otoie et de Wifontainne et del Burcfontaine, et omnem prorsus terram et boscum Pineti Aloannie, et arbores super caminum regium et super vias publicas et super omnes vicos Aloannie plantatas, et quicquid prorsus dominii et justitie habebant infra parrochiam Aloannie, bannum scilicet, latrones et latrocinia, inventiones et emendationes, placitationes, submonitiones, et hiis similia que ad dominium et justitiam pertinere videntur. Concesserunt etiam ut si quilibet vavassorum ipsius Aloannie, quorum homagia sibi retinuerunt, de feodo suo conferre aliquid in elemosinam Karrofensi ecclesie vellet, libere et absque contradictione id agere posset. Homagium vero majoris Aloannie et omne jus ipsius majoratus et dominium et justitiam prefate Karrofensi ecclesie predictus R. de Pierronne et uxor ejus in elemosinam contulerunt. Astruxerunt etiam quod prior de hominibus suis et hospitibus scabinos facere potest et eos a scabinatu amovere singulis annis et alios subrogare qui, quamdiu fuerint scabini, debent ad jussionem prioris convenire, sedere etiam in bancum et judicia facere et reddere secundum usus et consuetudines scabinorum a quibus judiciorum suorum inquisitiones accipiunt. Quandocumque autem quilibet possessor tenementi monachorum obierit, successor et heres ejus infra quindecim dies hereditatem suam ad gratiam prioris relevabit ; quod si plus tardaverit, prior tenementum sibi retinebit donec possessor hereditatem suam priori satisfaciens relevaverit. Concesserunt etiam hujus elemosine largitores ut ecclesia et monachi Karrofenses habeant in perpetuum in omni tenemento suo teloneum, cambagium, foragium, stalagium, herbagium et totius forisfacti et infracture dominium et justitiam et emendationem, quicumque miles aut rusticus, nobilis aut ignobilis tenementum de monachis infra parrochiam Aloannie quocumque modo tenuerit. Quia ergo reges Francorum, predecessores nostri, a tempore incliti Francorum regis Karoli, qui Karrofensem ecclesiam fundasse dinoscitur, ejusdem ecclesie defensores et advocati extiterunt et ego hanc elemosinam apud Compendium, in consilio nostro, anno Domini. M°.LXXX.V°. renovari feci et hac carta sigillo nostro communita et testium subscriptione confirmari precepi et petitione et voluntate abbatis et monachorum Karrofensium immo et Roberti, Perrone domini, ut summus post Deum advocatus tuendam et manutenendam benigne suscepi, et quia a partibus Flandriarum remotus a monachis Flandrensibus multoties vix possem inveniri, hujus advocationis curam egregio comiti Flandriarum Roberto, voluntate abbatis Karrofensis et monachorum, commisi eo tenore ut eos defendat et manuteneat et in omnibus in cura hujus advocationis pro Deo et pro elemosina vices nostras suppleat, ita tamen ut ipse et successores ejus, comites Flandriarum, hanc advocationem in manu sua teneant et nulli alii dare vel commendare presumant, quia monachi de omnibus suis negotiis ad me et ad successores meos, reges scilicet Francie, cum necesse habuerint, ex jure advocationis recurrent. Testes coram quibus hec acta sunt tempore domini Gregorii .VII. pape : Renaldus, Remorum archiepiscopus ; Rabodi, Noviomensis episcopus ; Elinandus, Laudunensis episcopus ; Rogerus, Catalaunensis episcopus ; Rorico, Ambianensis episcopus ; Gerardus, Morinensis episcopus ; Helgotus, Suessionensis episcopus ; Ursio, Belvacensis episcopus ; Gofridus, Parisiacensis episcopus ; G., Cameracensis episcopus ; Ursio, Silvanectensis episcopus ; Walterus, Meldensis episcopus ; Robertus, comes Flandriarum, qui curam hujus advocationis de manu regis suscepit ; Robertus, Betunie advocatus ; Hugo de Albenni ; Anselmus de Ribemont ; Gerardus, Hamensis abbas ; Johannes et Garinus, monachi de Ham ; Herbertus, comes Viromandie ; Ivo de Neelle ; Ingelrannus de Liraumont dominus ; Fulcraldus abbas Karrofensis ; Gardradus et Johannes de Niort, Willelmus Angolissmensis, monachi Karrofenses.