Vers 1107.

Philippe I^er, voulant relever l'église Saint-Éloi de Paris réduite à rien, prie Galon, évêque de Paris, de l'attribuer à un ordre religieux.

Référence : Maurice Prou et Henry D'Arbois de Jubainville (éd.), Recueil des actes de Philippe Ier (1059-1108), Paris, 1908, n^o60.

A. Original perdu.

B. Copie du xv^e s., Archives nationales, S 1182, n° 4, fol. 9.

Philippus, Dei gracia Francorum rex, G., eadem gracia Parisiensium episcopo, karissimo suo salutem et graciam. Quia beati Eligii Parisiensis ecclesia nostris temporibus fere ad nichilum redactam cognovimus, nisi divina ac nostri providencia resurrexerit, ut a nobis dampnose requiratur pertimescimus, et licet a multis, sub specie sacri ordinis in eadem apponendi, multociens ut eam committeremus ipsis postuletur, quia nichil ad eos pertinet, universis hactenus subtrahitur. Vobis autem, cui a Deo et a nobis, dictante justicia, commissa est, cum universis que ad eam intus et exterius omnimode pertinenciis, regali potencia, omni cura procurandam commendantes committimus, rogamus etiam et obsecramus in Domino Ihesu quatinus, juxta disposicionis vestre sentenciam et ad intellectus vestri voluntatem, cujuslibet ordinis conventum pastorali providencia ad Dei servicium inibi licencia nostra imponere studeatis. Quod ut qualibet usurpacionis invidia non valeat infirmari, litterarum memorie commendantes, impressione majestatis nostre signari voluimus et corroborari precipimus. Valete.