1082. — Paris.
Philippe Ier confirme la donation du monastère de La Celle près de Crécy faite par Eble de Roucy, et Hugues, comte de Dammartin, à l'abbaye de Marmoutier.
A. Original perdu.
B. Copie de la fin du xviie s., faite pour Gaignières, Chartularium Majoris Monasterii, Bibliothèque nationale, ms. lat. 54411, p. 51, d'après A.
C. Copie du xviiie s., dans Dom Martene, Histoire de Marmoutier, Bibliothèque nationale, ms. lat. 12878, fol. 270, d'après A.
a. Mabillon, Annales ordinis S. Benedicti, t. V, appendix, p. 645, n° xxii.
b. Du Plessis, Histoire de l'église de Meaux, t. II, p. 14, n° xx.
Indiqué : Bréquigny, Table chronologique, t. II, p. 197.
In nomine sancte Trinitatis. Philippus, Dei gratia Francorum rex. Noverit dilectio fidelium nostrorum tam presentium quam futurorum locum, quem Cellam appellant, in terra comitis Tetbaldi, prope Criciacum, et monasterium in ipso loco cum omnibus monasterio pertinentibus, que omnia Ebolus de Rociaco et Hugo, comes de Domnomartino, fratribus sancti Martini Majoris Monasterii largiti fuerant, id ipsum, annuente prefato comite Tetbaldo, et nos ipsos eidem Monasterio Majori et fratribus ibidem Deo militantibus, rogatu et petitione domni Bartholomei, abbatis ipsius Majoris Monasterii, et ceterorum fratrum jure perpetuo concessisse possidendum et habendum. Annuimus etiam et volumus quatenus quicquid fideles anime fratribus prefati Majoris Monasterii largiti vel largituri sunt in regno nostro, fratres ipsi tam presentes quam posteri auctoritate nostre majestatis pari jure ubicumque locorum in perpetuum possideant et habeant. Et ut hoc nostre largitionis donum et concessio nostra firma et inconcussa permaneat, memoriale istud inde fieri et nostri nominis caractere et sigillo, presentibus de palatio nostro quorum nomina subtitulata sunt, signari et corroborari precepimus.
Ꞩ. Galeranni camerarii. Ꞩ. Gervasii. Ꞩ. Tetbaldi constabularii. Ꞩ. Adelardi buticularii. (Monogramma.)Hi testes interfuere Gilo de Soliaco, Hugo de Castello Teoderici ; fratres monasterii : Archembaldus et Droco. Ꞩ. Hugonis, fratris regis.(Locus sigilli.)
Actum Parisius, anno incarnati Verbi millesimo octogesimo secundo, regnante Philippo rege anno .XXIII°. Gislebertus, regis clericus, ad vicem Goisfridi cancellarii, Parisiorum episcopi, relegendo subscripsi.