1085. — Orléans.
Philippe Ier, à la prière de son parent Renaud, abbé du monastère de Flavigny, et à celle d'Aganon, évêque d'Autun, confirme ledit monastère dans la possession de tous ses biens.
A. Original perdu.
B. Copie du xviie s., dans le Cartulaire de Flavigny, Bibliothèque de Châtillon-sur-Seine, manuscrit n° 6, fol. 73 (anc. p. 522), d'après l'ancien cartulaire de Flavigny.
C. Copie du xviie siècle, par André Du Chesne, Bibliothèque nationale, Collection Baluze, vol. 40, fol. 35, d'après le même cartulaire que B.
D. Copie du même Du Chesne, Bibliothèque nationale, Collection Du Chesne, vol. 80, fol. 39, d'après le même cartulaire que B et C.
a. A. Du Chesne, Histoire généalogique des ducs de Bourgongne, preuves, p. 27, d'après l'ancien cartulaire de Flavigny.
Indiqué : Bréquigny, Table chronologique, t. II, p. 212.
Indiqué : E. Petit, Histoire des ducs de Bourgogne, t. I, p. 404, pièces justificatives, n° 71.
In Dei omnipotentis nomine. Ego Philippus, gratia Dei Francorum rex. Notum esse volo omnibus sancte Dei ecclesie fidelibus quia adiit nostre serenitatis presentiam venerabilis vite vir et honorabilis persone Raignaldus, Flaviniacensis cenobii abbas, quod est constructum in honore principis apostolorum Petri et incliti martiris Christi Prejecti, postulans fieri sibi et posteris suis nostre auctoritatis preceptum de rebus ad predictum locum pertinentibus. Cujus petitionem nos justam censentes, tum ejus amore qui nobis carnis junctus est affinitate, tum etiam domni Aganonis, Eduensis episcopi, rogatu, in cujus diocesi locus idem situs est, benigne postulata annuimus, quatinus predicti loci fratres, in eo quiete per nos degentes, liberius valeant Domini clementiam exorare pro nostri regni stabilitate et nostra nostrorumque heredum pace et salute. Statuimus itaque per hujus nostre auctoritatis decretum, statutumque et firmum in perpetuum esse volumus ut omnes res ad ipsum locum pertinentes circumquaque quiete absque ulla calumpnia possideant et maxime has ecclesias, de quibus predictus abbas hoc preceptum fieri specialius rogavit, videlicet ecclesiam sancti Georgii martiris Christi, juxta castrum quod dicitur Colchos sitam, et ecclesiam sancte Marie, Dei genitricis, in confinio castri quod Sinemuro dicitur, et ecclesiam sancte Sophie in villa que dicitur Bellus locus constitutam, et ecclesiam sancti Martini in villa que dicitur Cicunias, et ecclesiam sancti Marcelli, que est posita in confinio Glennonis ville, et ecclesiam sancti Johannis euvangeliste, que est infra moenia Eduorum sita, et ecclesiam sancte Trinitatis cum capella Tilii castri, que est fundata in villa que Prisciacus dicitur. Has igitur ecclesias et cuncta tam ad ipsas quam ad locum predictum pertinentia et quicquid deinceps adquirere poterint, volumus ut regia auctoritate in aeternum quiete possideant. Quod si quis aliquid ex his subripere eis presumpserit, si, visa hujus decreti nostri auctoritate, non resipuerit, reum se noverit regie majestatis et insuper eterne subjaceat maledictioni. Ut autem hoc nostre munificentie decretum perpetuum predicto loco prebeat tutamentum et ut omni tempore maneat firmum et inconvulsum, proprie manus subscriptione et sigilli nostri impressione corroboravimus et manibus nostrorum optimatum corroborandum tradidimus. Affuit ibi Agano episcopus, qui fieri postulavit et factum laudavit. Philipus. Actum Aurelianis, anno incarnati verbi .M.LXXX.V°., domni vero Philippi regis .XXIII.