1060-1101.
Philippe Ier confirme la sentence rendue en sa présence par des évêques contre le comte de Vermandois, et condamnant celui-ci à restituer à l'église Saint-Pierre de Beauvais les biens et droits qu'il avait usurpés à Monchy, terre dont il tenait l'avouerie.
A. Original perdu.
B. Copie du xviiie s., par Dom Grenier, Bibliothèque nationale, Collection de Picardie, vol. 255, fol. 75, d'après le Cartulaire du chapitre de Beauvais, fol. 83.
C. Copie du xviiie s., collationnée par Dom Grenier, Bibliothèque nationale, Collection Moreau, vol. 32, fol. 237, d'après le même cartulaire.
D. Copie du xviiie s., collationnée par Dom Grenier, Bibliothèque nationale, Collection Moreau, vol. 32, fol. 238, d'après le même cartulaire.
E. Copie du xviiie s., Bibliothèque nationale, Collection de Picardie, vol. 233, fol. 241, d'après le même cartulaire.
Philippus, Dei gratia Francorum rex, omnibus orthodoxis in Domino Ihesu Xpisto salutem. Quoniam, dispensante superna clementia, ad regni honorem et culmen provecti sumus, summopere nobis enitendum est ut ad conditoris nostri laudem et gloriam atque ecclesiarum ipsius defensionem actiones nostras tota cordis intentione dirigamus. Unde in presentiarum sancte Belvacensi ecclesie consulere decernentes, notum fieri volumus tam futuris quam presentibus canonicos prefate ecclesie nostram adisse presentiam et conquestionem super H., Veromandensium comitem, multotiens fecisse, qui in terra eorum Montiacensi, cujus advocatoriam comes ipse tenet, plurima que, contra preceptum ecclesie, eorum sunt, usurpabat. Vocatis ergo utrisque, videlicet comite et canonicis, ante presentiam nostram, audita quamplurima utriusque partis objectione, tandem recitato ecclesie precepto, judicium ab episcopis qui aderant illatum est, comitem debere exsolvere que contra preceptum illicita presumptione invaserat. Facto autem judicio, postulavit prefatus comes ut canonici ad ipsum pergentes ablata reciperent ac deinceps absque ulla inquietudine, secundum precepti institutionem, cetera possiderent, qui profectis ad se canonicis et ablata restituit et reliqua secundum precepti normam quiete habenda concessit. Cujus precepti scriptum infra annotari facimus, ut manu nostra, presente predicto comite, corroboratum, sigillo etiam nostro signatum, abhinc maneat firmum atque ratum.
(Cetera desunt.)