1102, avant le 4 août. — Paris (Saint-Éloi).
Philippe Ier, et son fils Louis, confirment la cession faite par Avoie, abbesse, et les religieuses de Saint-Éloi de Paris, à Renaud, abbé, et aux moines de Morigny, de la terre de Maisons, que lesdits abbé et moines tenaient en gage, cession faite à charge d'un cens annuel de vingt sous parisis payable à la Nativité de saint Jean-Baptiste.
A. Original perdu.
B. Copie de la seconde moitié du xiiie s., dans le Cartulaire de Morigny, Bibliothèque nationale, ms. lat. 5648, fol. 96, n° lxxxx, sous la rubrique : «Hec est conventio facta inter Rainaldum, abbatem de Maurign., et Adouisam, abbatissam sancti Eligii Parisiensis».
C. Copie du xviie s., par Du Chesne, Bibliothèque nationale, Collection Baluze, vol. 41, fol. 100, d'après B.
D. Copie du xviie s., faite pour Colbert, Bibliothèque nationale, ms. lat. 5439, 2e partie, p. 217, d'après B.
a. Fleureau, Les antiquitez de la ville et du duché d'Estampes, p. 499.
b. Menault, Morigny, son abbaye, sa chronique et son cartulaire, pièces justificatives, p. 5, d'après a, et p. 169, d'après B.
c. R. de Lasteyrie, Cartulaire général de Paris, t. I, p. 153, n° 130, d'après D.
Indiqué : Bréquigny, Table chronologique, t. II, p. 346.
Indiqué : Luchaire, Louis VI, p. 12, n° 21.
In nomine sancte et individue Trinitatis. Regnante Philippo, Francorum rege, et Ludovico, filio ejus, jam militari juvene, facta est hec conventio inter Rainaldum, abbatem, et monachos Maurigniaci, et inter abbatissam Haduisam et sanctimoniales sancti Eligii. Maurigniacenses siquidem monachi habebant in vadimonio pro undecim libris denariorum, locum qui Mesons dicitur, et terram ejusdem loci. Qui monachi rogaverunt predictam abbatissam et sanctimoniales ut sibi supradictam terram concederent denominato annuo censu. Hoc idem petiverunt a Guillermo, tunc temporis episcopo, ad quem pertinebat ipsa sancti Eligii abbatia. Assensit autem Guillermus episcopus petitioni monachorum, pactis sibi pro hac re solidis .LXta. Assenserunt eciam abbatissa et sanctimoniales, et cum jam monachi in capitulo sancti Eligii conventionem predictam, presente Guillermo episcopo, perfinire vellent, orta est occasio quedam qua conventionis effectus differretur, in qua dilatione contigit ut Guillermus episcopus Iherusalem proficisceretur. Quo Iherusalem profecto, monachi volentes rem ceptam perducere ad effectum, venerunt iterum in capitulum sancti Eligii. Ibi, presentibus plurimis clericis et laicis, abbatissa, consensu ceterarum sanctimonialium, tradidit Rainaldo abbati et monachis Maurigniaci, predictam terram, quantum ad vadimonium pertinebat, censu viginti solidorum parisiacorum denariorum denominato, in nativitate beati Johannis Baptiste quotannis reddendo ; quod si monachi censum statuto die non reddiderint et ultra ebdomadam reddere distulerint, pro forisfacto quinque solidos superapponent, et quot ebdomadas ultra prefinitum terminum reddere distulerint, tot quinos solidos superaddent. Huic rei affuerunt et hanc rem confirmaverunt Stephanus archidiaconus, Fulco decanus, Rainaldus archidiaconus, in quorum manu Guillermus episcopus dimisit curam et providenciam episcopalium rerum. Nomina testium qui affuerunt scribere necessarium duximus. Ex parte sanctimonialium testes nominati sunt : Stephanus archidiaconus, Fulco decanus, Herluinus pedagogus Ludovici regis filii, Galterius filius sue matris, Hudo de sancto Clodoveo, Ingenulfus pictor, Hugo prepositus sancti Eligii, Mangoz et Johannes famuli sancti Eligii. Ex parte monachorum : Rainaldus archidiaconus, Albertus et Fulbertus canonici, Mangoz de Meleduno, Hugo de Valenton, Herveus camberlanus, Robertus filius Algrini, Fulbertus de Stampis, Bartholomeus de Monasteriolo, Robertus de sancto Clodoveo, Guillermus de Bistigi, Brunest prepositus. Tempore quo hec firmata sunt erat in Iherusalem Guillermus, Parisiorum episcopus, et episcopatus erat in manu Philippi regis ; qui benigno animo hec omnia concessit et regali auctoritate firmavit et cirographum hoc, adibito sigillo suo, roboravit. Eodem modo et eodem animo concessit hec Ludovicus filius ejus, sapiens et strenuus. Actum publice in capitulo sancti Eligii, anno dominice incarnationis millesimo centesimo secundo, regni Philippi regis quadragesimo secundo. Nomina sanctimonialium que capitulo affuerunt et conventionem concesserunt : abbatissa Haduisa, Senecheldis adhuc laica, Eremburgis, Hermensendis, Hildeardis, Richeldis, Lescelina Normanna, Adelais Stampensis, Avelina neptis decani, Tescelina, Emelina, Ingeneldis, Aya soror Bernardi Figuli, Hodierna infans.