1086, avant le 4 août. — Dreux.
Philippe Ier, à la prière de l'abbé Eustache, confirme la donation faite par Herbert et sa femme Ingeburge, au monastère de Saint-Père de Chartres, de deux arpents et demi de vigne, d'une maison, d'un grenier et d'un four, avec le mobilier, sis à «Area Braca», interdisant en outre à qui que ce soit d'imposer au gardien, que les moines y établiront, aucune corvée ni exaction, à la réserve des redevances en argent et en nature dues au roi.
A. Original perdu.
B. Copie du xiie s., dans le Vetus Agano, Bibliothèque de Chartres, ms. 1061, p. 209, sous le titre : «De vineis Herberti concessis a Philippo rege in Area Braca».
a. André Du Chesne, Histoire généalogique de la maison de Montmorency, preuves, p. 26, fragment.
b. Guérard, Cartulaire de l'abbaye de Saint-Père de Chartres, t. I, p. 245, d'après B.
[I]n nomine sanctȩ et individuȩ Trinitatis, Patris et Filii et Spiritus Sancti. Cum regalis solium dignitatis multiplex virtutum cultus exornet, liberalitas tamen atque munificentia precipuum locum tenet, quarum effectus multorum necessitatibus condescendat et justorum petitionibus satisfaciat. Notum ergo esse volumus ego Philippus, gratia Dei rex Francorum, omnibus sanctȩ Dei ȩcclesiȩ fidelibus et nostris, tam presentibus quam futuris quod Eustachius, abbas videlicet sancti Petri coenobii Carnotensis, nostrȩ serenitatis adiit presentiam, obnixe postulans ut munificentiȩ nostrȩ aurem ejus precibus inclinare regali pietate dignaremur, quatinus, pro incolumitate nostra et statu regni nostri, liberalitatis nostrȩ assensum preberemus cuidam Herberto atque ejus uxori, Ingelburgi nomine, ut quod, Deo inspirante, longo tempore maturaverant implere, nostra licentia ducere quivissent ad effectum, scilicet ut de rebus propriis, quas habebant in Area Braca, sanctum Petrum et monachos ejus heredes facerent, videlicet de duobus aripennis et dimidio vineȩ, de domo sua, horreo et furno omnique supellectili eorum. Cujus justam petitionem judicantes, cum nostris fidelibus qui nobiscum presentes aderant, dignum duximus, pro anima patris mei Hanrici regis atque pro nostra salute, assensum prebere donationi predicti viri et uxoris ejus. Placuit etiam serenitati nostrȩ regia interdicere actoritate ne quis umquam per succedentia tempora huic nostrȩ munificentiȩ operi, quod cudimus, aliqua temeritate presumat contraire neque de concessis jam dictis rebus, neque in parvo neque in magno, quicquam minuere audeat, neque custodem quem ibi monachi posuerint, qualibet corveda seu exactione premat vel gravet, sed liber ab omni consuetudine seculiarium hominum secure ibi maneat et monachis serviat ; tantummodo, statuto tempore, quindecim denarii, quatuor vini cantari, mina avenȩ, panis et gallina una, nobis habenda, officio nostro reddantur ; quod si in reddendo monachi tardi extiterint, emendent et res nominatas non perdant. Mandavimus itaque hanc cartam nostro nomine nominibusque primatum nostrorum atque regiȩ dignitatis sigillo corroborari, ut rata et inviolata permaneat in evum. Ꞩ. Philippi regis. Gausfridi, episcopi Carnotensis. Amalrici clerici. Frogerii de Catalaunis. Rodberti de Rupe Forti. Guausfridi, comitis Maritaniȩ. Gervasii, dapiferi regis. Philippi capellani. Tedbaldi, stabularii regis. Lancelini, pincerne regis. Gisleberti de Tegulariis. Hugonis de Curte Sexaudi. Fulconis pincernȩ. Udonis, dapiferi episcopi. Vuibaldi clerici. Adventii. Johannis Brustini. Arroldi. Richerii et Girardi de sancto Georgio. Actum est hoc Drocis castro publice, ante portam sancti Vincentii, anno ab incarnatione Domini millesimo .LXXX°.VI°., indictione nona, regnante Philippo rege anno .XX°.VI°. Ego Gislebertus notarius, ad vicem Gaufridi, Parisiorum episcopi, summi cancellarii regis, relegendo subscripsi.