1085. — Nesle.
Philippe Ier, à la prière de Robert le Frison, comte de Flandre, confirme l'église Saint-Pierre de Cassel dans la possession de ses biens et l'exempte de la juridiction épiscopale.
A. Original perdu.
B. Copie du xive s., sur un rouleau de parchemin, Archives départementales du Nord, B 1509 (ancien B 2, n° 34), d'après un cartulaire, comme l'indique cette note, à la fin : «Ista copia continebatur in dicto cartulagio».
a. Miræi Opera diplomatica, éd. Foppens, t. II, p. 1138, extr. des archives de la Chambre des Comptes de Lille.
Indiqué : Bréquigny, Table chronologique, t. II, p. 212.
Indiqué : J. de Saint-Genois, Monumens anciens, 2e partie, p. cccclxviii.
Indiqué : Wauters, Table chronologique, t. I, p. 562.
Indiqué : E. de Coussemaker, Inventaire analytique et chronologique des archives de la Chambre des Comptes à Lille, t. I, p. 16, n° 35.
Indiqué : Le Glay, Inventaire sommaire des archives départementales, Nord, t. I, p. 1.
In nomine sancte et individue Trinitatis. Ego Philippus, Dei gratia Francorum rex. Quoniam hominum quidem, sicut ait Apostolus, «non est distinctio : omnes enim peccaverunt et egent gratia Dei», dignum est, ymmo saluti nostre valde necessarium, quatinus, diligenter habita tante rei consideratione, universitatis Domino quem sepe innumeris peccatis offendimus, virtutum muneribus placere studeamus. Opportunum ergo nobis est sincera mente religionis et dominici gregis augmentum diligere et diligendo promovere et promovendo roborare, ut qui divinis laudibus ad hec quippe constituti die noctuque inserviunt, eorum interventionibus adjuvemur, qui mundi quidem impediti sollicitudine Creatori minus debito famulamur. Idcirco autem hec commemoravimus quoniam comes Robertus, ecclesiastice institutionis amator, regie celsitudinis reverentia nostram adivit presentiam, pie devotionis affectu petens et obsecrans, ut precepti nostri auctoritate muniremus abbatiam quamdam canonicorum, quam ad honorem Omnipotentis pro remedio scilicet anime sue fundaverat in monte qui Cassel nuncupatur et in titulo et memoria sancti Salvatoris et sancti Petri apostolorum principis prenotatur. Sunt autem hec que illi venerabili loco concessit, scilicet : duas partes decimarum parrochie Cassellensis cum curti quadam in eadem parrochia ; in villa de Fleternes, curtim et terram quamdam in villa Bissingesella ; item, terram apud Hotkerka et, excepto equitatu equitum, totum servicium et totum fodermolt ejusdem ville ; et in villa Hersela totum fodermolt ; et apud Gormolt .XXII. fodres et dimidium, sex berquarias in Bercla ; duas partes decimarum, in castellatura sancti Audomari et Casletensi et Curtracensi, earum videlicet terrarum que a diebus comitatus sui date et ulterius dande sunt ad colendum ; altare de Hersinga ; censum et redimationem de Cassel. Hec omnia sub vere dispositionis professione ordinata confirmando precipimus et precipiendo confirmamus et etiam sigilli nostri impressione astipulando solidamus, ut, sicut Attrebatensis sancti Vedasti abbatia precellentissimi regis Theodorici institutione a Cameracensi episcopo et cujusque exactionis dominatione libera esse comprobatur, ita ista a Teruanensi episcopo nostre majestatis absoluta solidetur imperio. Si quis autem huic nostre constitutioni et corroborationi obviare presumpserit, dignitatis sue cingulo privatus, quicquid possessionis habuerit fisco nostro, omni restitutionis nostre spe remota, conferatur, immo et sue impugnationis calumpnia omni tempore irrita maneat. Ꞩ. Philippi, regis Francorum. Ꞩ. Gileberti cancellarii. Ꞩ. Galteri, Noviomensis thesaurarii. Ꞩ. Johannis sancti Quintiniensis. Ꞩ. Gervasii, dapiferi regis. Ꞩ. Galeranii camerarii. Ꞩ. Yvonis de Nigella. Ꞩ. Roberti de Perona. Actum Nigelle, anno dominice incarnationis .M°.LXX°XV°. et anno regis Philippi .XXIIII°., indictione .VIIIa.