1100, après le 23 mai. — Melun.
Philippe Ier confirme la cession faite à l'église Saint-Sauveur de Melun, par Augier «de Fertiaco», de la demi-prébende qu'il avait dans ladite église.
A. Original perdu.
B. Copie du xviiie s., dans Recueil des notes Gauthier, fol. 127, Archives municipales de Melun, d'après A.
a. G. Leroy, Notice historique et archéologique sur le prieuré Saint-Sauveur de Melun, dans Bulletin de la Société d'archéologie, sciences, lettres et arts du département de Seine-et-Marne, t. VII, p. 77, d'après B.
In nomine sanctæ et individuæ Trinitatis. Philippus, Dei gratia Francorum rex. Notum fieri volumus tam presentibus quam futuris sanctæ Dei ecclesiæ fidelibus Robertum, ecclesiæ sancti Salvatoris, que est Miliduni, canonicum, mundana volentem postponere et suo creatori famili[ari]us servire, Gosberto, ejusdem ecclesie abbate, et communi capitulo concedentibus, dimidiam prebendam suam, pro remedio anime sue, predicte ecclesie ad omnimodam procurationem devotissime dedisse, alia vero dimidia parte ipsius prebende David fratrem suum canonicasse, post aliqua vero temporum curricula David mortuo, Hildegarium de Fertiaco a Raginaldo, Milonis filio, ejusdem ecclesie abbate, et a canonicis, predicti David predictam dimidiam prebendam impetrasse eidemque ecclesie, pro remedio anime sue et suorum antecessorum, et ut dies sui anniversarii in eadem ecclesia memoriter celebretur, eam, dicto abbate et omnibus canonicis libentissime concedentibus, nostro jussu ex toto concessisse. Quod ut firmum et inconcussum permaneat, karactere nostri nominis et impressione nostri sigilli firmari precepimus, istis presentibus : Huberto, Silvanectensi episcopo ; Manasse vicecomite ; Adam Verzello ; Erfredo ; Adam, Stephani filio ; Galeranno ; Godefrido, Herici nepote ; Simone de Cronis ; Girmundo venatore, et multis aliis quos enumerare longum est.
Actum est hoc Miliduni in novo palatio, anno ab incarnatione Domini millesimo centesimo, regni autem Philippi regis .XLII., indictione octava, epactis et concurrentibus septem, Herberto relegente capellano, regnante Domino nostro Jhesu Xpisto, cui est honor et gloria per infinita seculorum secula.
Signum + Philippi regis.
(Locus sigilli.)