1061, 30 avril. — Compiègne.
Philippe Ier, à la prière de son chevalier Galeran, accorde l'immunité à la petite abbaye de Saint-Christophe en Halatte, que ledit Galeran tenait en bénéfice de l'église Saint-Pierre de Beauvais, et confirme les donations faites par le même à cette abbaye.
A. Original perdu.
B. Copie de l'an 1326, dans un vidimus du roi Charles le Bel, donné à Saint-Cristophe, en juin 1326 : expédition originale, parchemin autrefois scellé, Archives départementales de l'Oise, H 2348.
C. Copie de la même date, dans le même vidimus, Archives nationales, JJ 64, fol. 113, n° ixxxxviii, sous la rubrique : «Confirmatio plurium privilegiorum concessorum ecclesie sancti Xpistofori, Belvacensis dyocesis».
D. Copie du xviiie s., Bibliothèque nationale, Collection de Picardie, vol. 192, fol. 277 v°.
E. Copie du xviiie s., Bibliothèque de Senlis, Collection Afforty, vol. 13, p. 353, d'après B.
F. Copie du xviiie s., Bibliothèque nationale, Collection de Picardie, vol. 233, fol. 193, d'après B.
G. Copie du xviiie s., Bibliothèque nationale, Collection Moreau, vol. 27, fol. 153, d'après B.
H. Copie du xviie s., incomplète du préambule, par André Du Chesne, Bibliothèque nationale, Collection Du Chesne, vol. 66, fol. 11, d'après C.
I. Copie du xviiie s., Bibliothèque de Senlis, Collection Afforty, vol. 1, p. 159, d'après une chronique manuscrite de Notre-Dame de la Charité-sur-Loire, p. 730.
a. Gallia christiana, t. X, instrumenta, col. 245, n° vii, «ex schedis dom. de Nulli, canonici Bellovacensis».
b. A. Vattier, Cartulaire du prieuré de Saint-Christophe-en-Halatte, p. 3, d'après B et I.
c. R. de Lespinasse, Cartulaire du prieuré de la Charité-sur-Loire, p. 204, n° xcv, d'après un cartulaire de La Charité, du xviie s., appartenant à M. Girerd, qui reproduit B.
Indiqué : Bréquigny, Table chronologique, t. II, p. 82.
Indiqué : E. Roussel, Inventaire sommaire des archives départementales, Oise. Archives ecclésiastiques, série H, t. II, p. 279.
In nomine sancte et individue Trinitatis. Ego Philippus, gratia Dei Francorum rex. Cum status sacre religionis quam maxime fulciatur multimodis bonorum studiis, magis tamen augmentari creditur sacrorum constructione locorum ubi semper Deum exorent vota fidelium, unde remunerationis premium apud Deum habet repositum quisquis sacra loca vel edificaverit vel terrenis opibus ditaverit. Innotescat igitur solercie omnium tam presentium quam futurorum quod quidam miles noster, nomine Walerannus, nostram adiit presentiam unacum fratribus suis, scilicet Waltero, archidiacono, et Hugone necnon Balduino atque Rainoldo, petens ut abbatiolam, quam constructam in memoria sancti Xpistofori martiris tenebat de beneficio sancti Petri Belvacensis ecclesie, annuente ejusdem ecclesie Gausberto antistite, cum consensu clericorum suorum et militum, nostra manu firmam faceremus, ita ut nemo deinceps fratres ibidem Deo regulariter servientes vel locum ipsum inquietare audeat vel consuetudinem aliquam exigere, sed perpetualiter absque aliqua inquietudine vel contradictione sub nomine immunitatis permaneat. Dedit autem supradictus miles ipsi ecclesie de rebus sue proprietatis ipsam scilicet villam nomine Hermene ubi ea ecclesia sita est, et omnes consuetudines que sibi in eadem villa debebantur, et hospites et servos et ancillas et clausos vinearum et terras arabiles et prata, silvam quoque eidem ville adjacentem, et milites de eadem villa beneficia tenentes ; villam similiter nuncupatam Florinas cum omnibus ad eam pertinentibus ; in villa quoque Pomponiensi, partem altaris sancti Petri ecclesie que dicitur Cella, cum sua decima et cum censu viginti trium solidorum, et servos et ancillas sui juris, clausos quoque vinearum et terram arabilem et prata et adjacentem silvam ; juxta suburbium Clarimontis, in villa que dicitur Rostolum, unum clausum vinearum ; item, in pago Belvacensi, in villa que vocatur Reus, tres arpennos vinearum et dimidium ; in villa que vocatur Pontis, ancillam quandam, nomine Richildem, cum infantibus suis ; in civitate vero Silvanectensi, unum clausum vinearum et unum furnum ; in villa eciam Aminiacensi, unum hospitem et terram arabilem ; in territorio vero Meldensi, villam que vocatur Sineverie, omne hoc quod Walterus, pater suus, ibi in proprio jure tenuerat. Dono etiam ego ipse cum matre mea censum vinearum et de denariis et de vino, quas habet predicta ecclesia in villa que vocatur Reus, ob remedium anime patris nostri Henrici regis. Item, in territorio Silnectensi, predictus Gualerannus dedit eidem abbacie duas partes de decima ejusdem ecclesie sancti Xpistofori quam sub manu firma tenebat de canonicis sancte Marie Silnectensis ecclesie, annuente Frodlando episcopo cum clericis, ad quos ipsa decima pertinebat. Ut igitur hec omnia inconvulsa et imperpetuum permanerent, petentibus supradictis fratribus, Gualeranno scilicet et aliis fratribus, manu nostra subterfirmavimus et principibus nostris firmandam tradidimus. Si quis vero, quod absit ! hoc preceptum violare presumpserit, centum libras auri coactus regio fisco reddat. Actum Compendio, anno incarnationis Domini nostri Jhesu Xpisti millesimo sexagesimo primo, indictione .XIIIIa., regnante Philippo rege anno primo. Datum pridie kalendas maii. Balduinus cancellarius scripsit.