1070, après le 18 mars et avant le 4 août. — Paris.
Philippe Ier, à la prière de l'abbé Gerbert, confirme l'immunité accordée par les rois ses prédécesseurs au monastère de Saint-Pierre-le-Vif, de Sens.
A. Original perdu.
B. Copie du xiie s., à la suite de la Chronique de Clarius, Bibliothèque d'Auxerre, ms. n° 212 (anc. 179), fol. 124 v°.
C. Copie du xiiie s., à la suite de la même Chronique, Bibliothèque d'Orléans, ms. n° 315 (anc. 267bis), p. 194.
D. Copie du xviie s., par André Du Chesne, Bibliothèque nationale, Collection Baluze, vol. 46, p. 383, d'après B.
E. Copie du xviiie s., dans les Anecdota, t. XIII, Bibliothèque nationale, ms. lat. 11898, fol. 128, d'après B.
F. Copie de la fin du xviie s., dans Dom Cottron, Chronicon ecclesiae Sancti Petri Vivi Senonensis, Bibliothèque d'Auxerre, ms. n° 213 (anc. 180), p. 493, d'après C.
G. Copie du xviiie s., incomplète de la fin, Bibliothèque nationale, Collection de Champagne, vol. 42, fol. 35, probablement d'après F.
a. Labbe, Éloges historiques des rois de France (Alliance chronologique, t. II), p. 166, publication de la date et des souscriptions.
b. Duru, Bibliothèque historique de l'Yonne, t. II, p. 570, d'après B.
c. Quantin, Cartulaire général de l'Yonne, t. I, p. 186, n° xcvii, d'après F.
In nomine Patris et Filii et Spiritus Sancti, gratia Dei Philippus, propicia divinitate Francorum rex, cunctis fidei catholicȩ pie et vere credentibus æterne felicitatis optabile munus. Licet inmeriti sanctorum, exigentibus quam nimie culpis, caremus deviantes suffragiis, tamen oportet patrocinia eorum ubique et signa amplecti, que cotidiana aspicientes fieri credimus, et vestigia vel in aliquibusdam bonȩ actionis operibus obsecundantes feliciter sequi, quo eorum interventu assiduo possimus contingere perhenniter promissa gaudia siderei celi. Prodigiis quorum et continuis exemplis per totum, Dei gratia, ego Philippus, Francorum rex, munitus, mando notificans cunctis nostrȩ curiȩ fidelibus et multum perobto ut omnis audiens intelligat nostrorum fidelium coetus hoc regale preceptum, quod Deo et sancto Petro ceterisque apostolis et martiribus sacris, Saviniano videlicet et Potentiano, et ejusdem cenobii ceteris sanctis eorumque monachis, [Domino et ipsis] deservientibus, ad plenum firmare studemus. Igitur volo ut audiatis clamorem abbatis Gerberti et monachorum sancti Petri de nostris prepositis et ministris Senonensibus de valde injustis et malis consuetudinibus quas injuste per terras sancti Petri vim facientes obponunt. Nam de omni seculari inquietudine et potestate reges Francorum, antecessores nostri, preceptum inviolabile eidem casȩ Dei luculenter statuentes firmaverunt et postmodum avus meus, rex Robertus, ob amorem Dei et beati Petri sanctique presulis ac martiris Saviniani, cujus venerabile corpus idem avus meus a solo elevans auro et gemmis ornavit. Ergo illud quod prefati reges Francorum preceptum corroborantes statuerunt, similiter et nos regali auctoritate firmiter consolidamus ita ut ab hodierna die jam ulterius sub integra defensione, ab omni strepitu et judiciariȩ potestatis inpulsione sit omnis terra ejusdem abbatiȩ libera et inmunis et ut nullus nostrorum ministrorum judex publicus nec in burgio nec in villis nec in viis nec in terris ullam consuetudinem accipere presumat, nec rotaticos nec pedaticos nec teloneos nec homines ipsius aecclesiȩ distringere, tam servos quam ingenuos, neque ullas redibitiones aut inlicitas occasiones audeat vindicare. Et ut hoc preceptum firmum et stabile permaneat, manu propria firmavimus et nostro sigillo sigillari jussimus. Actum Parisius publice, anno ab incarnatione Domini .M.LX.IIII., regnante Philippo anno .X. + Signum Philippi regis.
+ Signum Richerii, archiepiscopi Senonensis. + Signum Arraudi, Carnot. episcopi. + Signum Galterii, Meldensis episcopi. + Signum Waleranni camerarii. + Signum Froderici dapiferi. + Signum Widonis, pincerne magistri. + Alelmi conestabularii. + Signum Hugonis de Puteolo. + Signum Hugonis de Donno Martino. + S. Gaufridi de Calvo monte.
+ Gaufridus cancellarius relegendo subscripsit.