1070, 18 mars. — Paris.
Philippe Ier, à la prière de Gautier, abbé de Ferrières, renonce aux coutumes qu'il percevait sur les terres de ladite abbaye, se réservant l'achat du vin à Burcy, et, au cas où il serait nécessaire de clore son château, le charroi des bœufs des hommes établis au delà du Loing.
A. Original perdu.
B. Copie du xviiie s., Archives départementales du Loiret, fonds de Ferrières, 1re liasse, cahier de papier, fol. 6 v°, d'après une copie collationnée à l'original, le 25 janvier 1547, par le greffier du bailliage de Sens.
a. Dom Morin, La naissance miraculeuse de la chappelle de Bethléem en France, p. 146, d'après A, ou plutôt d'après la copie de 1547 mentionnée en B.
b. Sainte-Marthe, Gallia christiana, t. IV, p. 371, publication partielle.
c. Gallia christiana, t. XII, instrumenta, col. 13, n° xii, d'après b.
d. E. Jarossay, Histoire de l'abbaye de Ferrières en Gâtinais, dans Annales de la Société histor. et archéolog. du Gâtinais, t. XVIII (1900), p. 233, n° v, d'après c, avec référence à un «original en parchemin» qui doit être B.
Indiqué : Bréquigny, Table chronologique, t. II, p. 117.
In nomine sancte et individue Trinitatis, Patris et Filii et Spiritus Sancti, amen. Quoniam auctenticis sanctorum patrum institutionibus ab eterne regionis amenitate in hanc vallem miserie cecidisse pro illicito appetitu cognovimus prothoplastem, scilicet parentem nostrum, et ejus mortis propagine propagatum in laboris miseria omne genus humanum, optimum judicamus ut aliquibus bonorum operum fructibus illius superne civitatis gloriam quam perdidimus indefessa mente requirere studeamus, cujus glorie salubris reditus et via, duce Christo, nobis aperitur, si mandatum ejus de dilectione Dei et proximi, mentis arcano et foris operando, custoditur. Vigilandum ergo nobis est ut viam dilectionis primum aggrediamur et pro facultatibus nostris pauperibus, scilicet fratribus nostris, misericordiam erogemus, ecclesias Dei per orbem diffusas pro posse nostro decoremus, ut, suffragantibus sanctorum meritis et charitatis administrationibus, ad patriam jam dictam nostram quam amisimus cum exultantibus animis regredi valeamus. Quapropter ego Philippus, gratia Dei rex Francorum, notum fieri volo sancte matris ecclesie fidelibus tam futuris quam et presentibus quoniam Gualterus, abbas loci qui vocatur ab antiquis Bethleem sive Ferrarias, fundati in honore sancte Dei genitricis Petrique, beati apostolorum principis, mei presentiam adiit quatenus malas consuetudines quas antecessores mei injuste terris ejusdem loci immiserant, auferrem et in melius ad salutem et honorem ecclesie transmutarem humiliter et obnixe deprecans. Cujus humilitati precibusque condescendens, pro salute anime mee antecessorumque meorum condono omnes consuetudines quas predecessores mei et ego hactenus habuimus in omnibus terris ejusdem loci, preter emptionem vini de illa terra que dicitur Bursiacus, et, si opus clausionis castelli mei fuerit, prepositus meus veniens ad abbatem impetrabit prece non pro consuetudine carrariam boum illorum qui ultra Lupam fuerint. Ut autem preceptum istud firmum et inviolabile permaneat, signo karacteris mei ibidem et sigillo meo, presente curia meorum procerum, corroboravi. Ꞩ. Simonis. Ꞩ. Hugonis, fratris regis. Ꞩ. Rodulfi comitis. Ꞩ. Rotgerii comitis. Ꞩ. Alberti. Ꞩ. Ursionis vicecomitis. Ꞩ. Gualterani camberarii. Ꞩ. Adelelmi constabularii. Ꞩ. Guillelmi. Ꞩ. Balduini dapiferi. Ꞩ. Ayrici coci. Ꞩ. Milonis orphani.
(Monogramma.) Signum Philippi gloriosissimi Francorum regis.
Anno .M.LXX., indictione octava, epacta sexta, concurrentes quatuor, ciclo lunari quarto, mense martio, quinto decimo kalendas aprilis, feria quinta, anno duodecimo Christo propitio regni donni Philippi gloriosissimi regis. Datum et actum civitate Parisius. Eustachius subscripsit ad vicem Petri cancellarii.