1071. — Saint-Benoît-sur-Loire.
Philippe Ier confirme, par l'apposition de son seing et de son sceau, la donation faite à l'abbaye de Saint-Benoît par Hugues de Pithiviers, de la villa de Baudrevilliers, à charge d'y construire une église desservie par les moines et de céder à ces moines ce que ladite abbaye possédait à Escrennes.
A. Original perdu.
B. Copie du xviiie s., Bibliothèque nationale, Collection Moreau, vol. 30, fol. 169, d'après A, avec fac-similé des premiers mots et des souscriptions.
C. Copie de l'an 1723, dans Dom Chazal, Historia monasterii Floriacensis, t. II, p. 756, Bibliothèque d'Orléans, ms. 491 (anc. 270 bis), d'après A.
D. Copie partielle, du xviiie s., dans les notes de Dom Poirier, Bibliothèque nationale, ms. fr. 20838, fol. 321, d'après A, avec fac-similé de la première ligne.
E. Copie de l'an 1672, dans le Cartulaire 2 de Saint-Benoît-sur-Loire, fol. 285 v°, Archives départementales du Loiret, d'après un ancien cartulaire.
F. Copie du xviiie s., dans le Cartulaire 1 de Saint-Benoît-sur-Loire, p. 153, Archives départementales du Loiret, d'après un ancien cartulaire.
G. Copie abrégée, de l'an 1682, dans Dom Estiennot, Antiquitates in diœcesi Aurelianensi Benedictinæ, Bibliothèque nationale, ms. lat. 12739, p. 469.
a. Prou, Les diplômes de Philippe Ier pour l'abbaye de Saint-Benoît-sur-Loire, dans Mélanges Julien Havet, p. 179, n° iv, d'après BCEFG et le fac-similé du Nouveau traité de diplomatique.
b. Prou et Vidier, Recueil des chartes de l'abbaye de Saint-Benoît-sur-Loire, t. I, p. 208, n° lxxx, d'après BCDEFG et le fac-similé du Nouveau traité de diplomatique.
Fac-similé : Fac-similé : gravé de la première ligne, de la date et des souscriptions, Nouveau traité de diplomatique, t. III, pl. lxviii.
Omnis homo, quandiu hac fragili carne circumdatus [2] in hujus exilii miserrima relegatione a Domino peregrinatur, semper debet sibi ante mentis oculos tremendi judicii discussionem ponere et omni vigilantia satagere ut per bona opera et maxime per eleemosinarum largitionem et dignam ad Deum conversionem mereatur redire ad suum creatorem a quo discessit per primi parentis temerariam offensionem. Noverit enim esse scriptum quia «sicut aqua extinguit ignem, ita eleemosina extinguit peccatum», et illud : «fili mi, ne tardes converti ad Dominum». Quapropter ego Hugo, Petverensis castri miles, sanctæ conversionis flagrans desiderio et labentis sæculi transitoriam pompam ducens pro nihilo, res hæreditatis meæ trado habendas et possidendas in perpetuum ecclesiæ sanctæ Dei genitricis Mariæ et sancti patris Benedicti, ubi ipse sanctus pater humatus veneranter divina prædestinatione et sua electione habetur, ubi etiam domnus abbas Guillelmus pastoris officio fungitur. Sunt autem res quas ego dono sancto patri Benedicto non longe a Petverensi castro super fluvium Exona : id est manusfirmam quæ Baldrivillare dicitur, sicut eam possedit pater meus Tescelinus omni tempore vitæ suæ, exceptis his quæ ipse dederat diversis militibus in beneficium, cum donatione ecclesiæ parrochialis quæ est in honore sancti Martini, cetera vero omnia, id est totam villam Baldrivillare cum omnibus quæ ad eam pertinent, scilicet terris cultis et incultis, pratis, vineis, aquis aquarumve decursibus dono a die præsenti et deinceps sancto patri Benedicto et fratribus ei famulantibus ad possidendum ; cui etiam dono me ipsum ad sibi serviendum, eo tenore ut ipsi fratres alteram ecclesiam in eadem villa, quæ tota sit eorum propria, cum officinis ad cohabitandum et Deo serviendum aptis construant et fratribus ibidem Deo servientibus quicquid ipsi habent in villa quæ Scrinias dicitur ab hodierna die et deinceps possidendum concedant. Hæc itaque omnia, sicut præsenti scripto continentur, dono Deo et sancto patri Benedicto, annuente matre mea Milesinde et fratre meo Alberto cum filiis suis, ut Deus omnipotens propitietur animæ meæ et parentum meorum et eorum omnium qui eundem locum meliorare curabunt. Hoc etiam decreverunt tam prædictus abbas quam et fratres sub eo degentes ut quicquid evenerit eis de sepultura in vicaria Petverensi in vineis vel domibus vel terris, si fratres ejusdem loci habere voluerint, facilius habeant quam alii emptores. In terra autem ista nullus homo habet aliquam consuetudinem, excepto sancto Aniano Aurelianensi qui in festivitate sua hiemali ex ea recipit pro censu decem solidos denariorum, nec ecclesia debet synodum aut circadam aut vicarium aut aliam consuetudinem nisi solummodo præsentiam presbiteri in synodo. Si quis vero, quod absit ! huic meæ donationi calumpniam inferre temptaverit, quod tamen minime futurum credo, conatus ejus irritus fiat et insuper ipse, nisi resipuerit, æternæ maledictioni subjaceat, sanctus autem Benedictus cum filiis suis hæc libere et absque ulla inquietudine omni tempore possideat. Ut autem hæc carta omni tempore firmior haberetur, ego Hugo et frater meus, Albertus, domino nostro Philippo regi eam obtulimus ad corroborandum qui libentissime eam dignatus est corroborare et sui sigilli auctoritate et proprii nominis subscriptione. Albertus, filius Tescelini, Petverensis castri miles, dat sancto patri Benedicto fratrique suo Hugoni consuetudinariam partem villæ quæ, Scrinias dicitur. Istæ sunt consuetudines, scilicet villicariam, justitiam, carricatum boum, equorum, asinorum, adhuc etiam et prandium quod accipere cum suis solitus est hominibus et corveiam hominum et saccorum.
Actum Floriaco publice, anno ab incarnatione Domini .M.LXXI., regnante Philippo anno .Xmo.
Signum Philippi regis.
+(Locus sigilli.)Signum + Hugonis, filii Tescelini, Petverensis militis, qui hanc [] donationem fecit.
Signum + Alberti, fratris Hugonis. Ꞩ. Milesindis, matris eorum.
Ꞩ. Tescelini filii Alberti.