1074, avant le 4 août. — Paris.
Philippe Ier confirme la cession faite par Amaury au monastère de Saint-Pierre de Bourgueil, de l'église Saint-Christophe construite par ledit Amaury à Châteaufort, et les privilèges accordés à cette église par son fondateur.
A. Original. Parchemin, avec traces de sceau plaqué. Hauteur, 513 mm. ; largeur, 265 mm. Bibliothèque de Reims, Collection Tarbé.
B. Copie de la fin du xviie s., faite pour Gaignières, Bibliothèque nationale, ms. lat. 17127, p. 149, d'après A.
In nomine sanctæ et individuæ Trinitatis. Ego Philippus, gratia Dei Francorum rex. Notum [2] facio omnibus xpistianæ religionis cultoribus quod quidam vir xpistianissimus, nomine [3] Amalricus, ȩcclesiam de Castello Forti, quæ in honore sanctæ Trinitatis et sancti [4] Xpistofori omniumque sanctorum est, domni Widonis concessu simulque domni Hugonis, de [5] quorum beneficio erat ipsa ȩcclesia, cum ornamentis que in ea erant et mansionibus quas [6] murus circumductus determinat, pro redemptione animæ suæ suorumque parentum, [7] sanctorum apostolorum principi Petro Burgulii monachisque ibi Deo servientibus concessit ; [8] insuper quicquid habuit seu quodcumque sine calumpnia potuit loco eidem condonavit ; supra-[9]-dicti autem domini, scilicet Wido cum Hugone, hoc pro animabus suis suorumque parentum addi-[10]-derunt quod, si quis vinculis cujuslibet absolutus intra monachorum habitationem vel intra [11] muri, qui circum ȩcclesiam est, ambitionem confugerit, nullam denique oppressionem paciatur ; [12] nullus equidem intra eorum clausulas, nisi ipsi, justiciam faciet. Aliud quoque addiderunt, [13] quod et ego concedo, quia, si quid, cujuscumque fisci sit, monachis ejusdem loci in rebus vel in terris [14] donatum vel venditum sive in vadimonium missum fuerit, ita tamen ut domini homines suos non [15] perdant, perpetualiter absque inquietatione possidere liceret. Ut autem hȩc cartula [16] firmior consisteret, quatinus elemosinæ illius particeps essem, sigillo meo corroboravi [17] meisque fidelibus ad corroborandum tribui ✠.
Ꞩ. Gaufridi, Parisiorum episcopi. (Monogramma.) Ꞩ. Radulfi comitis. Ꞩ. Simonis, filii sui. Ꞩ. Frederici dapiferi. Ꞩ. Adelelmi constabularii.(Locus sigilli.) Ꞩ. Hugonis camerarii.Actum publice Parisius, regnante Philippo rege anno .XIIII.
Anno incarnati Verbi millesimo .LXXIIII., indictione .XIa.
Willelmus cancellarius legi et subscripsi.