1076, 9 octobre. — Poitiers.
Philippe Ier confirme de sa souscription la charte d'affranchissement concédée par les chanoines de Saint-Hilaire de Poitiers à leur collibert Aimon.
A. Original. Parchemin, troué. Hauteur, 265 mm. à gauche, 270 mm. à droite ; largeur, 590 mm. Archives départementales de la Vienne, G 489, fonds de Saint-Hilaire, carton 4.
B. Deux copies du xviiie s., par Dom Fonteneau, Bibliothèque de Poitiers, Collection Fonteneau, t. X, fol. 359 et 361, d'après A.
C. Copie du xviiie s., annexée à l'original, Archives départementales de la Vienne, d'après A.
a. [Rédet], Documents pour l'histoire de l'église de Saint-Hilaire de Poitiers, dans Mémoires de la Société des antiquaires de l'Ouest, t. XIV (1847), p. 96, n° xc, d'après A.
Indiqué : Louis Rédet et Alfred Richard, Inventaire sommaire des Archives départementales, Vienne. Archives ecclésiastiques, série G, t. I, p. 73, G 489.
In nomine sanctȩ et individuȩ Trinitatis. Canonici beati Hylarii omnibus sanctȩ mat[ris eccles]iȩ alumpnis tam presentibus quam futuris volumus manifestari quia quidam homo noster co[mmu]nis colib[ertus...], [2] nomine Aimo, ad nos veniens deprecatus est ut eum servitutis dedecore exueremus [et libertat]is ornatu indueremus. Cujus preces benigne suscipientes pro illius amore, qui nos sui sancti sanguinis effusione ab[dam]na[tionis] [3] liberavit servitute, omniumque Dei fidelium, per concessum nostri abbatis, videlicet Goffredi Aquita[norum] ducis, et per concessum Goscelini, Burdegalensium archiepiscopi, beati Hylarii thesaurarii, eum servitute detersimus et libertate orn[avi]mus, [ita ut] [4] ab hac die in antea ei libero permanenti libera quicquid ei placuerit faciendi potestas permaneat. Accepimus quidem ab eo decem libras denariorum ad restauracionem argenteȩ crucis, de qua argentum sumptum et distributum fuerat in dispensa [5] pauperum. Si quis igitur contra hanc libertatis cartam calumpniando insurrexerit, iram omnipotentis Dei incurrat et, judice cogente, centum argenti libras persolvat ejusque calumpnia irrita permaneat. Ut ergo firma per[maneat], [6] eam Goffredo, duci Aquitanensium, et Goscelino, archiepiscopo Burdegalensium, ad firmandum tradidimus et nos ipsi nostris manibus eam firmavimus et aliis quoque optimis viris, quorum nomina subscripta sunt, eam ad f[ir]ma[n]du[m] [7] tradidimus. [8] Ꞩ. Otgisii, [c]antoris. Ꞩ. Guillelmi, subdecani, beati Hylarii cancellarii, qui hanc cartam dictavi[t]. [Ꞩ. Vivi]ani, subcantoris. Ꞩ. Tetbaldi, scolarum magistri, Aquitanorum ducis cancellarii. Ꞩ. Guillelmi prepositi, de cujus prepositu[ra] ... [9] Ꞩ. Hugonis hospitalis. Ꞩ. Rainaldi Letardi. Ꞩ. Ramnulfi. Ꞩ. Girardi. Ꞩ. Arber[ti]. [Ꞩ. Gos]berti. Ꞩ. Aemari. Ꞩ. Arnaldi. Ꞩ. Guillelmi. Ꞩ. Rotberti. Ꞩ. Petri. Ꞩ. Fulconis. Ꞩ. Ro[der]i[ci].
[10] [Si]gna laicorum. Su... Ꞩ. Aldeberti, comitis de Marchia. Ꞩ. Guidonis de Nav[ernis]. [Ꞩ. Gau]terii Corloanarii. Ꞩ. Chaalonis mercatoris. Ꞩ. Petri de sancto Savino. Ꞩ. Goscelmi militis.
[11] Ꞩ. Goscelini, Burdegalensium archiepiscopi et beati Hylarii + thesaurarii. Ꞩ. Philipi + Francorum regis.
[12] Ꞩ. Goffredi, Aquitanorum + ducis.
[13] Acta sunt hȩc septimo idus octobris, millesimo septuagesi[mo sext]o anno ab incarnatione Domini, epacta existente vigesima tertia, quando Phylipus, rex [14] Francorum, venit Pictavim pro auxilio in Normannum comitem, scilicet [Willel]m[um, Anglorum reg]em. § Tunc temporis nullus erat decanus in ȩcclesia beati Hylarii.