1077, 31 mars. — Crépy.
Philippe Ier confirme de sa souscription une charte de Simon, comte de Valois, portant donation de la terre de Boneuil à l'église Saint-Arnoul de Crépy.
A. Original perdu.
B. Copie du xviiie s., par Dom Grenier, Bibliothèque nationale, Collection de Picardie, vol. 177, fol. 159, d'après A.
C. Copie du xviiie s., collationnée par Porlier, conseiller maître à la Chambre des Comptes, Archives nationales, K 185, n° 46, d'après A.
D. Copie du xviiie s., Bibliothèque nationale, Collection de Picardie, vol. 11, fol. 93, d'après les «Mémoires sur la ville de Montdidier, mss. de Mr de la Morlière».
E. Copie partielle, du xviie s., dans les notes de D.D. Menard et d'Achery, Bibliothèque nationale, ms. lat. 13817, fol. 27.
F. Copie partielle, du xviiie s., par Dom Grenier, Bibliothèque nationale, Collection de Picardie, vol. 177, fol. 157, d'après E.
a. Mabillon, Acta sanctorum ord. S. Benedicti, sæc. VI, part. II, p. 371.
b. Carlier, Histoire du duché de Valois, t. III, pièces justificatives, p. vii.
Indiqué : Bréquigny, Table chronologique, t. II, p. 158.
In nomine sancte et individue Trinitatis, Patris et Filii et Spiritus Sancti, amen. Omnis qui semetipsum intelligit, hominem duabus naturis, anima videlicet rationali et corpore, constare cognoscit. Qua in re saluberrimum videtur esse parti utrique digne que sua sunt providere et quia justum est de resurrectione cogitare, valde necessarium est pro peccatis offerre, unde beatus Augustinus animas inquit defunctorum posse relevari pietate suorum viventium. Quapropter ego Simon, Dei gratia comes, de salute mee anime, immo et patris mei, venerabilis comitis Radulfi, precavens, in futurum presentis vite dies nichil esse conspiciens atque mentem pro posse in consideratione aeternitatis figens, supradictum Radulfum, patrem meum, de Monte Desiderio, jam per tres annos post sui dissolutionem corporis ibi jacentem, asportare feci et ecclesie sancti Arnulphi, que ab eodem et ab antecessoribus nostris in castello Crispiacensi honorifico scemate fundata est, in qua etiam ex aqua et Spiritu Sancto renatus fuerat, reddidi ibique, more antiquorum, juxta sepulcrum matris mee, uxoris sue, necnon et predecessorum nostrorum, cum psalmis et orationibus in spelunca duplici collocare feci et, ut melius apud Deum eumdem archiepiscopum et martirem, videlicet beatum Arnulfum, habeamus pro animabus nostris intercessorem, eidem ecclesie per anulum aureum totam terram de Bonoculo, quam hactenus in dominio habebam, cum servis et omnibus appendiciis suis concedo, tali vero tenore quod in vita mea medietatem habeam ejusdem terre, ecclesia autem similiter, post mortem vero meam tota pertineat ad ecclesiam. Dono etiam ecclesie eidem duo candelabra valde preciosa quatinus per merita sancti martiris animam patris mei lux eterna possideat. Hec autem dono et voluntarie concedo et manu propria firmo, et ut aliorum manibus hec cartula roboretur postulo. Si quis vero, quod futurum esse non credo, de heredibus meis contra hanc donationem aliquid calumpniaverit, ejus repetitio effectum non habeat, sed cum Simone mago et Juda Iscariote, Datan quoque et Abiron iram omnipotentis Dei incurrat ; qui vero bene administraverit, particeps hujus elemosine fiat. Actum est hoc in Crispiacensi castello, .II°. kalendas aprilis, anno incarnati Verbi .M°.LXXVII°., indictione .XVa., epacta .XXIII., concurrente .VI°., regni autem Philippi Francorum regis anno.....
Signum Philippi, regis Francorum A†ω.