1077, avant le 23 mai. — Orléans.
Philippe Ier, à la demande des chanoines de l'église des saints Gervais et Protais d'Orléans, leur donne l'église Saint-Remi à Chanteau et un clos de vigne sis au même lieu et qu'avait fait planter Baudouin, comte de Flandre.
A. Original perdu.
B. Copie partielle, du xiiie s., dans un fragment de cartulaire, Bibliothèque du Vatican, ms. Regina, n° 566, fol. 34 v°, sous la rubrique : «Item preceptum ejusdem (Philippi regis) de Cantoilo et clauso reg[io] .XV.».
C. Copie de l'an 1723, dans Dom Chazal, Historia monasterii Floriacensis, t. II, p. 761, Bibliothèque d'Orléans, ms. 491 (anc. 270 bis), d'après un ancien cartulaire, au fol. 90.
D. Copie du xviie s., dans Dom Estiennot, Fragmentorum historiæ tomus XIII, Bibliothèque nationale, ms. lat. 12775, p. 126, probablement d'après le même cartulaire que C.
E. Copie du xviiie s., dans le Cartulaire 1 de Saint-Benoît-sur-Loire, p. 205, Archives départementales du Loiret, d'après un ancien cartulaire.
F. Copie de l'an 1764, par Dom Gérou, Bibliothèque nationale, Collection Moreau, vol. 31, fol. 215, d'après E.
a. Prou, Les diplômes de Philippe Ier pour l'abbaye de Saint-Benoît-sur-Loire, dans Mélanges Julien Havet, p. 190, d'après BCE.
b. Prou et Vidier, Recueil des chartes de l'abbaye de Saint-Benoît-sur-Loire, t. I, p. 225, n° lxxxvi, d'après BCDE.
In nomine sancte et individue Trinitatis. Ego Philippus, Dei gratia Francorum rex. Sicut est regie celsitudinis ac dignitatis secularis miliciȩ stipendia dispensare, ita etiam et eo studiosius, preterire namque videmus figuram mundi hujus et gloriam, momentanea pro sempiternis commutantes, in ecclesia Deo militantibus caritatis dexteram debemus extendere eisque in humanis usibus ad serviendum Deo viventi, in quantum licet ac possumus, ministrare, ipsi namque incessanter pro statu et incolumitate regni nostri deprecantur et postulant Deumque, nostris offensum excessibus, nobis repropiciando conciliant. Unde notum fieri volumus fidelibus sanctȩ matris ecclesiȩ tam presentibus quam futuris quod fratres, videlicet canonici ecclesiȩ beatorum martirum Gervasii et Protasii, que sita est non longe foris muros Aurelianȩ civitatis ad orientalem plagam, Johannes et Heribertus cum ceteris eidem loco professis adiere presentiam nostram, humiliter obsecrantes ut prefate ecclesie supranominatorum martirum et fratribus inibi Deo servientibus ecclesiam sancti Remigii de Cantoilo cum omnibus ad eam pertinentibus, pro nobis ac nostris predecessoribus, caritatis ac religionis amore, concederemus. Quorum justȩ quidem ac piȩ petitioni, astantibus personis de palacio nostro quorum nomina subtitulantur, annuimus. Ad hoc etiam donum clausum nostrum vinearum, quod in supradicto loco habebamus et nostrȩ procurator pueritiȩ plantari fecit Balduinus, Flandrensium comes, addidimus. Precipiendo etiam firmavimus et firmando precepimus ne nos aut nostri successores vel noster ministerialis aut nostrorum successorum, venator seu cujuscunque ministerii fuerit nostri vel alterius, aliquid consuetudinis vel exactionis in ecclesia supradicta et in his que ad ecclesiam pertinent et in prefatis vineis, in datis a nobis et a quibuslibet dandis, ulterius requirat aut exigat. Et ut hec concessio nostra firma et inconcussa permaneat et hoc donum nostrum supradicti fratres quietum et solutum, sine qualibet consuetudine vel exactione que ab eis inde requiratur nostra vel ceterorum, in perpetuum teneant et possideant, memoriale istud inde fieri et nostri nominis caractere et sigillo nostro, propria manu nostra signatum, corroborari precepimus. Signum (monogramma) Philippi, regis Francorum. Signum Ricerii, Senonum archiepiscopi. Signum Frederici, regis dapiferi. Ꞩ. Waleranni camerarii. Ꞩ. Hugonis constabularii. Ꞩ. Hervei, magistri pincernarum. Ꞩ. Gosfredi de Calmonte. Ꞩ. Roberti de Castello. Ꞩ. Hugonis de Pusiaco. Ꞩ. Mauritii prepositi. Interfuit Hugo nomine Filius, et Adelardus Damuini. Datum publice Aurelianis, anno incarnati Verbi .M.LXXVII., anno vero regni nostri .XVIII., Gosfrido, Parisiorum episcopo, cancellario nostro.