1077, avant le 23 mai. — Orléans.
Philippe Ier confirme, dans une assemblée royale, la donation de l'église Saint-Symphorien d'Autun, faite à l'abbaye de Saint-Benoît-sur-Loire, par Ponce de Glenne, avec l'autorisation du pape et celle de Hugues, duc de Bourgogne.
A. Original perdu.
B. Copie de l'an 1723, dans Dom Chazal, Historia monasterii Floriacensis, t. II, Bibliothèque d'Orléans, ms. 491 (anc. 270 bis), p. 761, d'après un ancien cartulaire, au fol. 170.
C. Copie du xviiie s., par Dom Gérou, Bibliothèque nationale, Collection Moreau, vol. 31, fol. 195, d'après le même cartulaire que B.
D. Copie de l'an 1681, dans Jandot, Apparatus chronologici sive collectanea ad historiam universalem monasterii S. Benedicti Floriacensis, p. 535, ms. de la bibliothèque de M. Jarry, à Orléans, d'après le même cartulaire que B et C.
E. Copie du xviie s., dans Dom Estiennot, Fragmentorum historiæ tomus XIII, Bibliothèque nationale, ms. lat. 12775, p. 111, probablement d'après le même cartulaire que BCD.
F. Copie du xviiie s., dans le Cartulaire 1 de Saint-Benoît-sur-Loire, p. 370, Archives départementales du Loiret, d'après un ancien cartulaire.
a. Prou, Les diplômes de Philippe Ier pour l'abbaye de Saint-Benoît-sur-Loire, dans Mélanges Julien Havet, p. 187, d'après BCD.
b. Prou et Vidier, Recueil des chartes de l'abbaye de Saint-Benoît-sur-Loire, t. I, p. 222, n° lxxxv, d'après BCDEF.
In nomine sanctæ Trinitatis. Philippus, Dei gratia Francorum rex. Sicut est regiæ celsitudinis ac majestatis statum regni emendare moribus, legibus exornare, ita etiam et eo studiosius ecclesiasticis negotiis et personis in ecclesiis Deo militantibus regali diligentia caritatis sollicitudinem debemus adhibere, ipsi namque pro statu regni nostri sine intermissione Deum exorant eundemque pro nostris excessibus offensum nobis repropitiando conciliant. Unde notum fieri volumus cunctis fidelibus sanctæ matris ecclesiæ tam præsentibus quam futuris Pontium de Glana ecclesiam sancti Symphoriani, in Æduensi suburbio sitam, ejusdem beatissimi Symphoriani martyris præsentia corporis ac spiritus sublimatam fultamque patrocinio, in qua ordo monachalis, beato Germano ejusdem loci fratre ac monacho, postmodum vero Parisiorum episcopo, antiquitus floruerat, adnullatam deinceps peccatis nostris facientibus, nunc vero Deo propitiante ad formam et honorem ejusdem ordinis revocatam, per auctoritatem sedis Romanæ præsulis, videlicet domni Gregorii, faciente idipsum et laudante duce Burgundionum domno Hugone, concedente etiam et approbante ejusdem Æduæ civitatis episcopo Aganone, per assensum Adelidis, uxoris supradicti Pontii, et eorum filiorum, sanctæ Dei genitrici sanctoque Benedicto Floriacensi contulisse. Hanc autem ecclesiam liberam faciunt et clamant supranominati, advocato tamen ejusdem loci Pontio remanente, et ut nos ipsam donationem laudemus et auctoritate nostra firmemus expostulant. Quorum petitioni annuendo, ecclesiam illam sancti Symphoriani, sicut supradictum est, sanctæ Dei genitrici sanctoque Benedicto Floriacensi solutam et quietam amodo in posterum concedimus. Et ut donatio ista et concessio nostra firma et inconvulsa permaneat, memoriale istud inde fieri præcepimus et nostri nominis caractere et sigillo nostro, adstipulatione etiam nostræ manus, in præsentia archiepiscoporum et episcoporum nostrorum et optimatum palatii nostri, quorum nomina subtitulata sunt, corroborando signamus et signando corroboramus. Signum (monogramma) Philippi regis Francorum +. Ꞩ. Berthæ reginæ. Ꞩ. Manasse, archipræsulis Remensis. Ꞩ. Richerii, archipræsulis Senonensis. Ꞩ. Richardi, archipræsulis Bituricensis. Ꞩ. Aganonis, Æduensis episcopi. Ꞩ. Rainerii, episcopi Aurelianensis. Ꞩ. Roderii, episcopi Cabilonensis. Ꞩ. Widonis, episcopi Belvacensis. Ꞩ. Landrici, episcopi Matisconensis. Ꞩ. Rabodi, episcopi Noviomensis. Ꞩ. Tetbodi, episcopi Suessionensis. Ꞩ. Hugonis, episcopi Nivernensis. Ꞩ. Frederici dapiferi. Ꞩ. Hugonis constabularii. Ꞩ. Gualeranni camerarii. Ꞩ. Hervei, magistri pincernarum. Ꞩ. Widonis, comitis Pictaviensis. Ꞩ. Stephani, comitis Campanensis. Ꞩ. Willelmi, Nivernensium comitis. Ꞩ. filii ejus, Rainaldi. Ꞩ. Odo, dux Burgundiæ. Actum publice Aurelianis, in palatio nostro celebrato regali concilio, anno incarnati Verbi .MLXXVII., anno regni nostri .XVIII. Gosfridus, Parisiorum episcopus, regis cancellarius, relegendo laudavi.