1077. — Charroux.
Philippe Ier confirme le monastère de Charroux dans la possession de ses biens.
A. Original perdu.
B. Copie du xve s., dans le Liber de Constitutione, Bibliothèque de la Société éduenne à Autun, fol. 25 (signé d 3, et anc. fol. 27).
C. Copie du xve s., dans un autre exemplaire du Liber de Constitutione, Bibliothèque nationale, ms. lat. 5448, fol. 45.
D. Copie du xviie s., par André Du Chesne, Bibliothèque nationale, Collection Baluze, vol. 44, fol. 191, d'après C.
E. Copie collationnée le 9 octobre 1665, dans Monasticon benedictinum, t. VII, Bibliothèque nationale, ms. lat. 12664, fol. 86, d'après B.
F. Copie du xviie s., Bibliothèque nationale, ms. lat. 12777, p. 339, «ex cartul., p. 33», probablement d'après B.
G. Copie du xviie s., dans Dom Estiennot, Fragmentorum historiæ Aquitanicæ tomus III, Bibliothèque nationale, ms. lat. 12765, p. 320.
H. Copie du xviie s., par Baluze, Bibliothèque nationale, Collection Baluze, vol. 72, fol. 361 v°, d'après C.
I. Copie du xviiie s., par Dom Fonteneau, Bibliothèque de Poitiers, Collection Fonteneau, t. IV, p. 69.
J. Copie du xixe s., Bibliothèque nationale, ms. lat. 18379, p. 15, d'après I.
K. Copie partielle, de l'an 1675, dans Dom Estiennot, Antiquitatum in diœcesi Pictaviensi Benedictinarum pars secunda, Bibliothèque nationale, ms. lat. 12756, p. 477.
Indiqué : Labbe, Novæ bibliothecæ manuscriptorum librorum tom. II, p. 757.
In nomine sancte et individue Trinitatis. Scimus et credimus quod omnes nos manifestari oportet ante tribunal Xpisti ut recipiat unusquisque prout gessit, sive bonum sive malum. Et quoniam Domini judicium examine ex nostro pendet et quod serimus metimus, quod damus accipimus, ideo, dum tempus habemus, operemur bonum non solum ad domesticos fidei sed pocius ad illum qui pro parvis magna, pro terrenis celestia, pro presentibus eterna recompensat, ut «eum qui ab Aquilone est procul a nobis faciat» et «secundum multitudinem dolorum nostrorum consolationes ejus letificent animas nostras» in die retributionis eterne. Pro his igitur ego Philippus, rex gratia Dei robusti brachii, regni Francorum scilicet, memor Domini, in cujus manu sunt omnia jura regnorum, qui in sentina hujus mundi, quibus ob meritum transgressionis concutiuntur regna terrarum, cuncta juste disponit, regia auctoritate, divina apposita majestate salvatoris nostri Jhesu Xpisti, locum qui vocatur Karrof, corroborans, volo atque jubeo ut omnia que eidem loco fuerunt data a Karolo magno et a Rotgerio comite ejusque uxore Eufrasia, qui fundatores et stabilitores fuerunt ejusdem loci, et que a successoribus eorum quibusque pro adipiscenda eterna sunt vita tradita, et que hodie ille locus possidet, et que vel fraude vel aliqua occasione non recta ab eo sunt ablata, et nominatim monasterium Itioderense atque castrum sancti Yvonii cum adjacentibus villis, scilicet villam Molangiam et Perusiam et Gadiniacum et Nubilliacum et Cadaloium, in Francia vero curiam que dicitur Fraxinidus, et in Remensi pago villam Dominicalem nomine, et in Meldensi villam nomine Montiniacum cum servis et ancillis ad eas pertinentibus ; in Lemovicensi pago monasterium et castrum sancti Angeli cum omnibus ad ipsum pertinentibus, et castrum Nuntronum et villam Colongiam et villam que Cella nuncupatur, et monasterium quod est in castro Rocacoardi, et monasterium sancti Germani in castro Varezia in Xanctonico pago ; hec, inquam, et que ab apostolicis viris Leone papa, consecratore ejusdem loci, et ab Johanne papa et ab alio item Leone, et post a Victore, dehinc ab Alexandro sunt etiam propriis scriptis et sigillis consignata, nostra et etiam confirmata permaneant auctoritate. Et quia divina providentia me ad ipsum locum, suo nomine et virtute insignitum, ad quem nullus antecessorum meorum elapsis jam prope centum sexaginta annis accessit, me venire fecit, ad rependendam vicem beneficiis ejus, secundum regalem munificentiam, pro salute mea et parentum meorum et statu regni Francorum, dedi ipsi loco .VI. familias servorum atque ancillarum in supradicta Fraxenide, cum sua progenie, que regii juris erant, ut amodo predicto loco senioribusque inibi Deo servientibus se noverint servituros. Regali ergo confirmatione et subtus anexo sigillo eterna maledictione se sciant dampnandos pervasores et violatores nostre sanctionis.
Actum Karroffo monasterio, Fulcaudo abbate, anno incarnationis Domini millesimo septuagesimo septimo, indictione sexta, epacta .XXIII., monarchiam regni Francorum tenente Philippo serenissimo rege.
(Monogramma.)
......................................... ad vicem Philippi regis.