1060, après le 4 août. — Senlis.
Philippe Ier confirme la renonciation de ses prédécesseurs aux coutumes que le roi de France percevait sur les terres du monastère de Saint-Lucien de Beauvais sises à Cinqueux, Rosoy et Verderonne. Il accorde au même monastère le libre passage pour ses charrettes et sommiers sur la rivière d'Authie, à Nampont, et le libre parcours jusqu'à Montreuil.
A. Original perdu.
B. Copie du xviiie s., par Dom Grenier, Bibliothèque nationale, Collection de Picardie, vol. 198, fol. 126, d'après A.
C. Copie du xviiie s., Bibliothèque nationale, Collection Moreau, vol. 26, fol. 109, d'après B, mais avec fac-similé des cinq premiers mots en caractères allongés, et des mots : «Si veri culmen honoris» en minuscule.
D. Copie du xviiie s., par Dom Grenier, Bibliothèque nationale, Collection de Picardie, vol. 172, fol. 229, d'après A.
E. Copie du xviiie s., collationnée par Lelong, conseiller maître à la Chambre des Comptes, Archives nationales, K 189, n° 47, d'après A.
F. Copie du xviiie s., Bibliothèque nationale, Collection de Picardie, vol. 194, fol. 264 v°, d'après A.
G. Copie du xviiie s., Bibliothèque de Senlis, Collection Afforty, vol. 13, p. 339, d'après A.
H. Copie du xviiie s., Bibliothèque nationale, Collection de Picardie, vol. 233, fol. 189, d'après B ou D.
a. Vicomte de Caix de Saint-Aymour, Anne de Russie, 2e édit., p. 99, n° ix.
In nomine sanctȩ et individuȩ Trinitatis, in nomine Patris et Filii et Spiritus Sancti. Ego Philippus, gratia Dei Francorum rex. Si veri culmen honoris adipisci desideramus, veras divitias amare cum bonȩ voluntatis astutia debemus, quarum diligentiam patres et antecessores nostri divino nutu conpuncti juste querentes amaverunt et amantes invenerunt, dum quibus uti possent divitiis Xpisti sponsam quȩ est ȩcclesia honestando locupletarunt et Xpisti pauperibus eas erogare studuerunt, inde est quod hostilis virtus perimitur, imperium roboratur, ȩternȩ remunerationis donum adquiritur. Quapropter notum fieri volumus sanctæ matris ecclesiæ fidelibus tam presentibus quam et futuris quod per interventum matris nostrȩ et ob remedium animȩ meȩ et antecessorum nostrorum qui ante nos hoc idem firmaverunt cedimus et imperpetuo condonamus cenobio Xpisti martyris Luciani et fratribus inibi regulariter degentibus, omnes consuetudines quȩ in terris eorum sitis, in villis scilicet Senquatio et Roseto et Verderona, ab antecessoribus nostris constitutȩ sunt, ut deinceps non aliquis nostrorum sive imperii nostri regnum habitantium audeat ibi accipere latronem neque bannum, sive falconatum neque rotatium et quicquid ad nos ibi videtur pertinere, loco predicti martyris Luciani imperpetuum dimittimus. Concedimus autem eis Nempontis transcursum super Alteium fluvium, ut carri et summarii totam habeant liberam potestatem eundi et redeundi et transeant et redeant quandocumque voluerint absque ullo debito et sine ulla inquietudine et injuria. Precipimus autem et regia auctoritate ista inviolabiliter sancimus, adjicientes ut nemo extra et intra Monasteriolum castrum presumat aliquid ex carris aut summariis eorum suscipere vel quodcumque pretium subripere ; ita tamen hoc concedimus ut monachi predicti loci Xpisti martyris semel in ebdomada quarta feria omnes in unum generaliter concelebrent pro nostra parentumque nostrorum salute missam, et sicut in vita ita peragant post nostri corporis dissolutionem. Et ut hoc inviolabile per succedentia tempora permaneat, sigillo nostro firmando insigniri fecimus et nostrum caracter impressimus et militibus nostris firmare fecimus.
(Monogramma.)Ꞩ. A. reginȩ.Ꞩ. Roberti regis fratris. Ꞩ. Frollandi episcopi.Ꞩ. Vualteri archidiaconi.(Locus sigilli.) Ꞩ. Hugonis Bardulfi.Ꞩ. Baldrici. Ꞩ. Gozberti clerici.Ꞩ. Amalrici. Ꞩ. Odonis prepositi.Ꞩ. Vuillelmi comitis. Ꞩ. Rodulfi comitis.Ꞩ. Vualeranni. Ꞩ. Hugonis.Si quis huic precepto contradicere ausus fuerit vel adnichilare, auri libras regali fisco .C. persolvat, immo eterno anathematis jugulo feriatur.
Actum Silvanectis anno dominicȩ incarnationis .M̅.LXmo. et regis Philippi primo.
Balduinus cancellarius dictavit et Eustachius subscripsit.