1078-1079.
Philippe Ier confirme de sa souscription la charte par laquelle Gautier, fils de Martin, sa femme et ses fils donnent à l'abbaye de Cluny, l'église d'Aulnay et divers autres biens et revenus.
A. Original perdu.
B. Copie de l'an 1778, par Lambert de Barive, Bibliothèque nationale, Collection Moreau, vol. 17, fol. 89, d'après A.
C. Copie du xviie s., Bibliothèque nationale, Collection Baluze, vol. 86, fol. 371, d'après A.
D. Copie de la fin du xie s., dans le Cartulaire B de Cluny, chap. Hugo, ch. n° lxviii, Bibliothèque nationale, ms. lat. nouv. acq. 1498, fol. 153 v°, sous la rubrique : «Galterius et uxor et filii ȩcclesiam de Alniaco et adjacentia».
E. Copie de l'an 1787, par Lambert de Barive, Bibliothèque nationale, Collection Moreau, vol. 17, fol. 90, d'après D.
a. Bruel, Recueil des chartes de l'abbaye de Cluny, t. IV, p. 474, n° 3379, d'après B et D.
In nomine Domini nostri Jhesu Xpisti. Ego Galterius, filius Martini, et uxor mea, nomine Addelina, duoque filii mei Petrus et Bartolomeus, pro redemptione animarum nostrarum sive parentum nostrorum, damus domino Deo et beatis apostolis ejus Petro et Paulo, ad locum Cluniaci, ubi preest domnus Hugo abbas, partem hereditatis nostrȩ, in primis videlicet ȩcclesiam de Alniaco, et quicquid in ea habemus, hoc est totum altare et terram totam quȩ ad altare pertinet, et duas partes decimȩ, et ad homines hospitandos, terram quȩ est prope ȩcclesiam, a quodam salice antiquo, super viam et subtus, usque ad viam quȩ vadit Parisius. Damus etiam in eadem villa medietatem silvȩ quȩ est juxta silvam regis, et prata quȩ sunt juxta ȩcclesiam, et molendinum quod est in eadem villa, excepta quarta parte quȩ non est nostra, et medietatem alterius molendini simul cum stagno, et semi arpentum terrȩ ad clibanum faciendum, quod est juxta terram altaris. Damus autem duas partes villulȩ quȩ vocatur Curcellas, scilicet terras, prata, silvam et totum quicquid in ea habemus. Damus vero terciam partem villȩ quȩ appellatur Maisnellus Albus et terciam partem decimȩ de villa quȩ nuncupatur Bulzeias, et vinearum .V. arpenta in villa quȩ appellatur Nuiliacus, et vadimonium quod est super .XII. libras nummorum et .X. solidos : videlicet medietas decimȩ et sepulturȩ est istius vuadimonii villarum quȩ appellantur Bercherias et Rosseius et Pontelz.
Istam donationem et cartam signant et firmant primitus Philippus, rex Francorum. Ꞩ. deinceps Gaufridus, Parisiacensis episcopus, et Droco archidiaconus, et comes Hugo de Domno Martino, et Letaldus vicecomes.
Hujus donationis testes existunt Rodbertus dapifer ; Albertus, filius Arnoldi ; Hugo de Bollenciaco ; Galterius, filius Manassei ; Radulfus, filius Odelardi ; Guido, filius Harvei ; Galterius, filius Haimonis ; Rogerius de Nantiaco ; Simon, filius Hugonis ; Isenbardus de Villa Nova ; Morinus de Va ; Ivo Rulfus ; Rodulfus Rulfus ; Anselmus pincerna.