1061, 27 mai. — Senlis.
Philippe Ier accorde à la basilique Saint-Adrien, fondée à Béthisy par le châtelain Richard, l'exemption de toute juridiction séculière, et la confirmation des biens attribués par ledit Richard à cette basilique.
A. Original perdu.
B. Copie de l'an 1682, dans Dom Estiennot, Fragmentorum historiæ tomus XIV, Bibliothèque nationale, ms. latin 12776, p. 93, d'après des notes de Robert de Gyvez.
C. Copie du xviiie s., collationnée par Porlier, conseiller maître à la Chambre des comptes, Archives nationales, K 189, n° 179.
D. Copie du xviiie s., par Afforty, Bibliothèque de Senlis, Collection Afforty, vol. 13, p. 333, d'après a et b.
a. Louvet, L'histoire de la ville et cité de Beauvais, p. 444.
b. Louvet, Histoire et antiquitez du diocèse de Beauvais, t. II, p. 9, d'après la même source que C.
c. Carlier, Histoire du duché de Valois, t. III, pièces justificatives, p. v, n° iv.
d. Labanoff, Recueil de pièces historiques sur la reine Anne, p. 51, n° ix bis, d'après a.
Indiqué : Bréquigny, Table chronologique, t. II, p. 73.
Philippus, Dei gratia Francorum rex. Instituta regia de rebus ecclesiasticis aut sæcularibus publica vel privata sine ulla juris controversia, priorum regum jussu et autoritate firmata, non violare sed inconcussa servare, nostra quoque, nulla juris parte reclamante, præsentibus ac posteris servanda mandare regii culminis est opus implere. Unde notum volumus esse cunctis orthodoxis ecclesiæ filiis tam præsentibus quam longe positis, viventibus et nascituris quod Richardus, Bistisiacensis castellanus, miles strenuus, orator aures adierit nostræ pietatis, suppliciter nobis intimans in eodem castro decentem basilicam se fundasse in honore et memoria gloriosi martyris Adriani, cujus dedicationi ut interessem exoravit et impetravit, atque nostræ sublimitatis decreto ita dudum postulat universæ potestatis dominium exterminari, ut grex dominicus in eadem basilica Deo serviens nullius extraneæ potestatis ibidem sævientis possit infestatione turbari. Cujus petitioni assensum libenter præbemus et regiæ majestatis sancimus autoritate, ut deinceps in prædicta basilica vel terra sive hospitibus omnibus eidem tam a præfato Ricardo quam quolibet alio datis et concessis, non regia manus, non aliqua quæcumque potestas aliquid sibi juris usurpet præter clericos ibidem Deo famulantes aut eos qui ab eis potestatem acceperint. Ipse quoque Ricardus tam sibi quam posteris suis hanc potestatem resecavit. Ea vero quæ eidem ecclesiæ a prædicto Ricardo vel cæteris fidelibus donata sunt vel quandoque donanda, præsenti testamento, Deo et ecclesiis debita libertate, donamus et irrevocabiliter de cætero possidenda qua præcellimus potestate mandamus. Quod si quis hoc nostræ autoritatis decretum quidquam moliri præsumpserit quodque pro reverentia tanti martyris tam pie sancitum est violare tentaverit, regiæ majestatis reus judicetur et sacrilega ejus pervasio irrita penitus habeatur. Sunt autem hæc quibus in præsenti dedicatione dotata est ecclesia. Præfatus Ricardus, annuente uxore sua Millesinde et filiis, dedit duo molendina, unum apud Solliacum et aliud apud Versenniacum, et ibidem tres hospites, et apud Nantolium unum ; apud Bistisiacum quoque pratum unum quod vocatur Insula, et juxta vivarium pratum aliud, et sub castello pratum et terram, et ad Cryptas duo arpenna vinearum et unum hospitem, et apud Glatenniacum quatuor modios vini, quos Hungerius persolvit quotannis. Hugo etiam, Ricardi filius, dedit pratum eidem ecclesiæ juxta fontem Theoderici. Hæc omnia comes Odo de Domno Martino, ad cujus feodum pertinebant, concessit eidem ecclesiæ pro anima patris sui Manasse. Ut autem testatior autoritas hujus nostri possit esse præcepti, nomina sublimium personarum, in quarum præsentia confirmatum est, fecimus assignari. + Heddo, Suessionensium episcopus, et Elinandus, Laudunensium præsul, qui eandem basilicam dedicaverunt. Sacravit quoque supradictus Heddo atrium ejusdem ecclesiæ tali quidem conditione ut juris pristini statum non amitterent adjacentes parochiæ, ita tamen ut quisquis sive miles sive rusticus in eodem atrio tumulari voluerit, debitum ecclesiæ cujus parochianus extitit persolvatur, et ita sine ulla controversia tumuletur ; castellanus autem et tota ejus familia hac lege non tenebuntur sed absolute, nullo contradicente, in eodem atrio sepelientur. Interfuerunt autem etiam huic adstipulationi Agnes regina, Frollandus Silvanectensis episcopus, Gualerannus camerarius, Theobaldus de Crispiaco, Nivelo de Petræfonte,
BC Arnulphus de Compendio, Arnulphus archidiaconus, Beraldus præpositus, Ivo præpositus, Balduinus regis cancellarius et alii.Ricardus castellanus, Hugo filius ejus, Clarus de Versiniaco, Rainaldus Bisencor et multi alii.Data in eadem basilica, sexto kalendas junii, anno ab incarnatione Domini .MLX., indictione .XIIII.