1070, avant le 23 mai. — Paris.
Philippe Ier confirme de sa souscription la charte de Robert, abbé de Saint-Germain-des-Prés, portant cession à l'église de Paris, de la moitié du domaine de Garches et d'un moulin sur la Sèvre, en échange de deux autels sis, l'un à Suresnes et l'autre à Avrainville.
A. Original. Parchemin. Hauteur, 400 mm. ; largeur, 270 mm. Archives nationales, K 20, n° 5.
B. Copie du xiie s., dans le Livre noir de l'église de Paris, Archives nationales, LL 78 (anc. LL 177), p. 140 (anc. fol. lix v°), sous le titre : «De altaribus datis sancto Germano .lxiiii.».
C. Copie partielle, du xiiie s., dans le Petit pastoral de l'église de Paris, Archives nationales, LL 77 (anc. LL 176), p. 224, sous la rubrique : «De altaribus datis sancto Germano de Pratis», sans les souscriptions.
a. Guérard, Cartulaire de l'église Notre-Dame de Paris, t. I, p. 56, n° l, d'après B.
b. Fac-similé des quatre premières lignes et des lignes 19 à 29, dans Nouveau traité de diplomatique, t. IV, pl. 77, p. 763.
CYROGRAPHVM
Cunctis sanctae aecclesiae rectoribus non solum satagendum et maxime est procurandum [2] ne detrimentum patiantur commissarum sibi animarum verum etiam ne ȩcclesiasticarum rerum incur-[3]-rant aliquo modo dispendium. Iccirco in nomine sanctȩ et individuȩ Trinitatis, ego Rotbertus, abbas coeno-[4]-bii sancti levitȩ et martyris Vincentii necnon almi confessoris Xpisti Germani, Parisiorum tutoris, notifico [5] cuncto coetui Xpisti fidelium quod pro coemptione vel potius commutatione duorum altarium damus [6] venerabili Parisiorum pontifici, domno videlicet Gosfrido, hȩc ex rebus nostrȩ ȩcclesiȩ, medietatem scilicet [7] cujusdam nostrȩ possessiunculȩ quȩ Garziacus dicitur necnon quoddam molendinum in fluviolo Savara [8] nuncupato situm, sibi ac sanctae Parisiacensi ȩcclesiȩ in perpetuum concedimus habere et possidere. Isdem vero [9] domnus episcopus, pro hoc supradicto commertio dat ȩcclesiȩ sancti martyris Vincentii almique Germani, Xpisti [10] confessoris, ut jam dictum est, duo altaria perpetim possidenda et habenda, annuente hoc idem [11] Joscelmo archydiacono et cuncto senatu clericorum, ita videlicet ut ab hac die et deinceps nulli [12] aut episcopo vel archydiacono aliqua occasione sint dedita aut ullius consuetudinis redibitione sint [13] obnoxia, exceptis circadis et synodis necnon et his quȩ ad animarum curam pertinent. Quorum alterum [14] situm est in quadam nostra possessione quȩ Surisnis dicitur, alterum quoque in quodam nostro [item] [15] predio quod Evrinivilla nuncupatur. Verum ut per cuncta succedentium temporum curricula [16] hȩc commutatio fieret rata, annuente domino nostro Phylippo rege ac manu propria hanc conscrip-[17]-tionis cartulam firmante in conventu nobilium tam clericorum quam laicorum, a fratribus nostris [18] unaque a nobis demum est stabilitum ac corroboratum.
[19] Actum Parisius, anno Verbi incarnati .M.LXX., regnante Phylippo rege anno .XI.
[20] Ꞩ. Manasse, Remensis archipresulis. Ꞩ. Gualterii, Meldensis episcopi. Ꞩ. Rogerii, Catalaunensis presulis.
[21] Ꞩ. Alberici monachi. Ꞩ. Gualterii monachi. Ꞩ. Girardi monachi. Ꞩ. Ebroini monachi. Ꞩ. Baldrici monachi. Ꞩ. Gualterii monachi. Ꞩ. Rotberti monachi. Ꞩ. Ademari monachi. Ꞩ. Ivonis monachi.
[22] Ꞩ. Rodulfi monachi. Ꞩ. Guillelmi monachi. Ꞩ. Amalberti monachi. Ꞩ. Durandi monachi. Ꞩ. Odonis monachi. Ꞩ. Hugonis monachi. Ꞩ. Leutfredi monachi. Ꞩ. alterius Odonis monachi. Ꞩ. Godefredi monachi.
[23] Ꞩ. domni Phy + lipri regis. Ꞩ. Alfredi monachi. Ꞩ. Vulfranni monachi. Ꞩ. Hermandi monachi. Ꞩ. Nivilonis monachi.
[24] Ꞩ. Adroldi monachi. Ꞩ. Osberni monachi. Ꞩ. Gualterii monachi. Ꞩ. Odonis monachi. Ꞩ. Johannis monachi. Ꞩ. Otgerii monachi. Ꞩ. Ivonis archydiaconi. Ꞩ. Fulcoii clerici. [25] Ꞩ. Rodulfi clerici. Ꞩ. Orrici clerici. Ꞩ. Henrici clerici. Ꞩ. Isembardi clerici. Ꞩ. Gualterii clerici. Laici : Ꞩ. Eustachii. Ꞩ. Hermeri. Ꞩ. Henrici. Ꞩ. Odonis. Ꞩ. Amalfridi. [26] Ꞩ. Lanberti. Ꞩ. Gosfridi. Ꞩ. Anselli. Ꞩ. Girelmi. Nostri laici : Josceranni. Ꞩ. Tetbaldi. Ꞩ. Guineranni. Ꞩ. Heldeberti. Ꞩ. Arnulfi.
[27] Ivo comes. Albericus, frater ejus. Guarinus cognomine Ridellus. Tetbaldus de Monte Maurentio. Guarnerius. Petrus, filius ejus. Hugo de Pusatio. [28] Hugo, dapifer episcopi. Balduinus, dapifer regis. Hugo, frater archipresulis Remensium.
[29] Ego Gislemarus cancellarius scripsi et subscripsi.