1065, 26 janvier. — Orléans.
Philippe Ier et Baudouin, comte de Flandre, confirment de leur souscription la charte de Gobert, chevalier, portant donation de l'église de Chalette, sur le Loing, à l'abbaye de Saint-Benoît-sur-Loire.
A. Original perdu.
B. Copie partielle du xiiie s., dans un fragment de cartulaire, Bibliothèque du Vatican, ms. Regina 566, fol. 34, sous la rubrique : «Preceptum domini Philippi regis Francorum de Catelata».
C. Copie du xviiie s., dans le Cartulaire 1 de Saint-Benoît, p. 156, Archives départementales du Loiret, d'après un ancien cartulaire.
D. Copie du xviiie s., dans Dom Chazal, Historia monasterii Floriacensis, t. II, Bibliothèque d'Orléans, ms. 491 (anc. 270 bis), p. 336, d'après un ancien cartulaire, au fol. 67.
E. Copie de l'an 1672, dans le Cartulaire 2 de Saint-Benoît, fol. 297 v°, n° 240, Archives départementales du Loiret, d'après le même cartulaire que D.
F. Copie de l'an 1681, dans Jandot, Apparatus chronologici... ad historiam... monasterii sancti Benedicti Floriacensis, p. 528, Bibliothèque de M. Jarry, à Orléans, d'après le même cartulaire que D et E.
G. Copie abrégée de l'an 1682, dans Dom Estiennot, Antiquitates in diœcesi Aurelianensi, Bibliothèque nationale, ms. lat. 12739, p. 348.
H. Copie partielle du xviiie s., dans les notes de Dom Poirier, Bibliothèque nationale, ms. fr. 20838, fol. 321, d'après C ou E.
a. Prou, Les diplômes de Philippe Ier pour l'abbaye de Saint-Benoît-sur-Loire, dans Mélanges Julien Havet, p. 161, d'après BCDEG.
b. Prou et Vidier, Recueil des chartes de l'abbaye de Saint-Benoît-sur-Loire, p. 194, n° lxxv, d'après BCDEFG.
Quamdiu miser homo incolumis in hac vita superest semper pre oculis debet habere omnipotentis Dei discussionem judicii et pro remedio animȩ suȩ debet attentius invigilare atque de rebus suis ecclesiȩ Dei ejusque fidelibus secundum suam possibilitatem conferre ut in eterna vita mercedem sine fine mansuram possit accipere. Quapropter ego Gausbertus, miles, in Dei nomine, considerans gravedinem peccatorum meorum Dominique credens promissioni dicentis : «Date elemosinam et ecce omnia munda erunt vobis», et illud : «Sicut aqua extinguit ignem, ita elemosina extinguit peccatum», plurimisque credens sacrȩ adhortationibus Scripturȩ, trado et humili mente concedo habendum et possidendum in perpetuo, cum consensu domini mei Rodulfi, comitis, ex cujus beneficio habere videor, ecclesie in honorem sanctȩ Dei genitricis et perpetue virginis Mariȩ sanctique Petri apostolorum principis et egregii confessoris Xpisti Benedicti Floriacensis, corpore ibidem nobiliter quiescentis, necnon sanctȩ congregationi monachorum ibidem Deo famulantium, cui reverendus abbas Hugo gratia Dei preesse videtur, ecclesiam consecratam in honorem sanctȩ virginis Mariȩ, genitricis Dei, super fluvium Lupȩ, in pago Wastinensi, Kadelatam nomine, cum adjacentibus sibi quȩ mei sunt juris, videlicet totum burgum in atrio ejusdem ecclesiȩ constructum et silvam ad edificium domorum vel officinarum seu ad ea que necessaria fuerint in usibus monachorum vel suorum hominum inibi degentium, et terram ad unam carrucam, cum octo et eo amplius arpentis pratorum, et omnem piscationem aquæ, quæ contigua est ecclesiæ supradictæ, cum tribus molendinis. Ea nimirum de causa hæc omnia jam dicta Deo omnipotenti et sanctis ejus supradictis libenti animo contuli ut Deus et sancti ejus iniquitatibus meis propitientur et ut animæ meæ et prædecessorum meorum, patris mei videlicet Hatonis necnon meæ genitricis nomine Erdeburgis, quin etiam successorum meorum, filiorum meorum et filiarum, prosit in remissionem peccatorum quam unicuique retribuet prout gessit qui vivit et regnat per cuncta sæcula. Ut vero hæc carta firma et inconvulsa permaneat, roborandam obtuli domno Philippo regi et domno Balduino, comiti, cujus solerti cura et diligenti providentia regni procuratur monarchia, quorum etiam jussu procerum suorum et episcoporum nomina annotavimus infra.
Philippus (Monogramma) gratia Dei Francorum rex. Ꞩ. Anna regina. Ꞩ. Mainardi, archiepiscopi Senonensis. + Gaubertus, cujus beneficium est. Ꞩ. Rainaldi Pagani, fratris ejus. Ꞩ. Witdonis, fratris eorum. Ꞩ. Balduinus comes. Ꞩ. Rodulfus comes, cujus beneficium est. Ꞩ. Hatonis, filii Joscelini, quem supra nominavi. Ꞩ. Gaufredi, episcopi Parisiacensis ecclesiæ. [Ꞩ] Gelduini. Josbertus, Ayron, Seguinus, Gūhs, + Stephanus, Rainaldus, filii ejus, et filia Lætvis. Ꞩ. Adherici, episcopi Aurelianensis ecclesiæ. Ꞩ. Widonis, episcopi Ambianensis ecclesiæ. Ꞩ. Hugonis, Nivernensis ecclesiæ episcopi. Ꞩ. Gauscelini, castri Chalenaci. Ꞩ. Rodulfi, dapiferi regis. [Ꞩ.] Watbertuni. Ꞩ. Walerandi camerarii. Ꞩ. Engenulfi buticularii. Ꞩ. Engelranni, custodis regis. Ꞩ. Balduini, cancellarii regis.
Actum publice Aurelianis, .VII. kalendas februarii, anno ab incarnatione Domini .MLXV., anno quinto Philippi regis.