1063. — Lille.
Philippe Ier souscrit la charte par laquelle Bovon, abbé de Saint-Bertin, constate la sentence rendue en sa faveur par la cour du roi et confirmant l'abbaye de Saint-Bertin dans la possession de la villa d'Oosterzeele, donnée précédemment par Gerbon, et son frère Arnoul, et que lui contestait Gerbon le jeune.
A. Original perdu.
B. Copie de 1775-1776, par Dom Dewitte, Grand cartulaire de Saint-Bertin, Bibliothèque de Saint-Omer, ms. n° 803, t. I, p. 114, n° 78, d'après A.
C. Autre copie, de l'an 1783, par le même, Bibliothèque nationale, Collection Moreau, vol. 28, fol. 11, d'après A.
a. Haigneré, Les chartes de Saint-Bertin, p. 30, n° 80, d'après B.
In nomine sanctae et individuae Trinitatis, Patris et Filii et Spiritus Sancti, pax et dilectio omnibus..... Cum humanum ingenium simulandi et dissimulandi artificiosum in omne se tergiversationis et calliditatis vertat argumentum, utile valde ac necessarium est litterale testamentum..... conventionis solidum servetur monimentum, ut nil corrigi, nil mutari, nil addi, nil minui possit post bipertitum utriusque partis cirographum. Complacitum et confirmatum est inter me et, sancti coenobii nomine, non merito abbatem Bovonem, et inter Arnulfum, virum illustrem, ut tertiam partem villae Ostreselae, hereditariam scilicet fratris sui portionem Gerbodonis, quam is vivens Deo et sancto Bertino contulerat in aeternam videlicet et propriam sibi mercedem, ut hanc ipsam sibi, quamdiu in vita superesset, ea lege et ratione prestarem quatinus post ejus mortem omnem suae hereditatis partem una cum nostra ad integrum reciperemus ; hac, inquam, grata complacitum est vicissitudine ut, sicut ipse nunc utramque possidet portionem vivens, ita nobis, cum omni copia rerum et fructu cuncti generis, tam animantium quam frugum, relinquat moriens, ut et hic habeat necessitatis suffragium et apud Deum pro sua parte mercedem in perpetuum. Hinc plurimi testes adsunt qui interfuerunt utriusque partis, viri clarissimi, quorum hic placuit nomina cum signis adnotari. Ꞩ. Balduini marchionis, in cujus praesentia haec acta sunt. Ꞩ. Balduini, filii ejus. Ꞩ. Rodberti, filii ejusdem marchionis. Ꞩ. Johannis. Ꞩ. Anselmi. Ꞩ. Rodberti advocati. Ꞩ. Gilbodonis. Ꞩ. Clarebaldi. Ꞩ. Raingoti. Ꞩ. Raingeri. Ꞩ. Arnoldi. Ꞩ. Vualteri Lotharingi. Ꞩ. Vualonis. Ꞩ. Eustachii comitis. Ꞩ. Lanberti castellani. Ꞩ. Vulfrici, filii ejus.
In nomine Patris et Filii et Spiritus Sancti, pax et veritas. Suprascriptam traditionem, quia, post tantam commendationem, necessitas erat rationando defendere, fuit quoque consilium ejus defensionis fidem subjunctis reconsignare litteris, quae eo nunc artius postulat religari quo violentius pridem timuit dissolvi ; nam et avi traditionem et patris confirmationem Gerbodo, junior et aetate et consilio, cum temptaret occasione temeraria sibi vendicare, pene anathematis jugulandus mucrone, ego, sancti hujus conventus, licet indignus, abbas, nomine Bovo, coram inclito marchione Balduino et rege adhuc puero Philippo, in plena procerum curia causam nostram exposui atque ipsas duas partes totius villae cum omnibus appenditiis suis, ita quidem integra, ut praescriptum est, nonnullis primatum testibus, evici, et sic demum sine alicujus reclamatione nostrae cessit ditioni. Inde ego, annuente tam rege quam comite, hanc secundam cartam primae supponere feci, ut certo indicio veritas semper posset defendi et ut sciat cui perditioni obnoxius erit si quis ultra haec aliquid praesumpserit. Ego Philippus, gratia regis æterni rex, huic confirmationi subscripsi. Ego Balduinus comes subscripsi meoque jussu hi proceres mei testimonio hujus confirmationis testes sunt appellati, in quorum presentia una cum domino rege hanc auctorizavi. Ꞩ. Balduini juvenis comitis. Ꞩ. Johannis. Ꞩ. Anselmi. Ꞩ. Rodberti advocati. Ꞩ. Raingoti. Ꞩ. Arnoldi. Actum apud Islam, coram rege et marchione Balduino, anno Domini millesimo .LXIII.