1065, après le 4 août. — Corbie.
Philippe Ier, à la prière de Baudouin, comte de Flandre, et de son fils, confirme l'abbaye de Saint-Pierre de Hasnon dans la possession de tous ses biens et spécialement de ceux qui lui avaient été donnés par ses fondateurs et que Baudouin le jeune lui avait restitués.
A. Original perdu.
B. Copie du 28 mai 1771, par Dom Queinsert, Bibliothèque nationale, Collection Moreau, vol. 28, fol. 208, d'après A.
C. Copie de la fin du xve s., dans le Chartularium monasterii sancti Petri Hasnoniensis, Bibliothèque de Douai, ms. n° 1342, fol. lxv.
D. Copie du xviie s., Bibliothèque nationale, Collection Baluze, vol. 40, fol. 78.
E. Copie du xviie s., Bibliothèque nationale, Collection De Camps, vol. 9, fol. 267, d'après a.
a. André Du Chesne, Histoire généalogique des maisons de Guines, d'Ardres, de Gand et de Coucy, preuves, p. 19, d'après D.
b. André Du Chesne, Histoire généalogique de la maison de Béthune, preuves, p. 8, les souscriptions et la date seulement, d'après D.
c. Jean Le Carpentier, Histoire de Cambray, t. II, preuves, p. 8, extraits.
d. Mabillon, Annales ord. S. Benedicti, t. IV, p. 755 (éd. Lucques, p. 692), n° lxxxiv, les souscriptions et la date seulement.
e. Gallia christiana, t. III, instrum., col. 84, n° ix, d'après A.
f. Miræi Opera diplomatica, éd. Foppens, t. III, p. 305, d'après e.
g. Recueil des histor. de la France, t. XI, p. 111, les souscriptions et la date, d'après c.
h. Brassart, Histoire du château et de la châtellenie de Douai, preuves, p. 8, n° 1, publication partielle, d'après C.
Indiqué : Bréquigny, Table chronologique, t. II, p. 96.
In nomine sanctae et individuae Trinitatis. Philippus, divina propitiante clementia rex. Si liberalitatis nostre munere locis Deo dicatis quiddam conferimus beneficii et necessitates aecclesiasticas ad petitiones servorum Dei nostro relevamus juvamine atque regali tuemur munimine, id nobis et ad mortalem vitam temporaliter transiendam et ad ȩternam feliciter optinendam profuturum liquido credimus. Unde notum esse volumus omnibus praesentis temporis et futuri aecclesie Xpisti nostrisque fidelibus quia precellentissimi et amabiles marchiones, Balduinus, pater, cum filio equivoco, cognato meo, petiverunt cum omni humilitate et reverentia magnificentiam nostre potestatis quatinus eis regali edicto illud inviolabile confirmaremus in posterum quod sanctae recordationis Johannes, vir illustris, et Eulalia, soror sua, tradiderunt de proprio jure cenobio Hasnoniensi, in honore Petri apostolorum principis fundato et a venerabili Vindiciano, Cameracensi antistite, dedicato, tam in aecclesiis quam in villis, agris, territoriis et reliquis possessionibus, quae jure et legaliter memoratum tenet cenobium in presenti vel quae deinceps in jure ipsius voluerit divina pietas augeri vel per se vel per successores suos vel per quoscumque nobiles seu servos redemptionem animarum suarum, quantum in eis est, provisuros. Hoc etiam inserendum superioribus utile et proficuum duximus quod Ermentrudis regina nobilitatis titulo prȩclara, cum filia sibi equivoca, loco prefato tam humiliter quam caritativae condescenderit eumque tam consilio quam rebus ditaverit atque tam munificentia quam privilegio corroboraverit. Habebat autem id temporis in sceptris Francia Karolum augustum, agnomine Calvum, apud quem memorata regina tam sui nobilitate quam probitate valebat non modicum, qui petitione tantae principis ei se loco inclinavit et majestatis regiae munificentia et privilegiis ditavit. Sed, quia processu temporis multa negligenter inde fuerant sublata et beneficiis militum seculariter addita, supradicti marchiones, metu et anxietate futuri discriminis exterriti, supplicaverunt ut praecinctum parrochiȩ totius villae Hasnoniensis, quam ipsi concambio mutaverunt, ab his quorum erat beneficium, liberum et ab omni exactione absolutum firmaremus tam in campis quam in aqua et in silvis vel hominibus potestatis ipsius cenobii vel advenis quos albanos vocant vel servis tam sanctorum quam hominum infra precinctum commanentibus, nulla occasione vel advocaturȩ vel fiscalis debiti ab aliqua seu magna seu parva persona nisi ab abbate supramemorati loci distringendis. Precati sunt etiam ut instrumenta cartarum, quibus a fundamento cenobium ipsum usque ad presens tempus ditatum fuerat, per negligentiam ibidem commorantium perdita, nostra regali auctoritate repararentur ita ut quicquid in presenti idem cenobium quiete et absque ullius contradictione tenere vel possidere videtur in aecclesiis, villis, territoriis, bercariis, in electione etiam abbatis, nostra inconvulsa permanere dignanter decernat majestas regalis. Annuit itaque benignissima dignatio nostra precibus humilitatis eorum concedendo quod et in perpetuum supradicto cenobio ad munimen proficiat et dominationi nostrae celeberrimum nomen apud posteros semper exhibeat. Statuimus ergo et firmamus prȩcepto auctoritatis regiae celsitudinis ut illa quae Hasnoniensi cenobio a Johanne, viro illustri, et sorore sua Eulalia venerabili sunt concessa et a Balduino, cognato meo, recuperata seu de proprio possessionis suȩ aucta vel augenda vel a quocumque fideli pro remuneratione eterne hereditatis ampliata vel amplianda, sine retractatione vel diminutione permaneant illibata et, sicut a principio disposita sunt, omnino sint inviolata et nostro regali edicto omni tempore inrefragabiliter roborata, ita ut nec prefati marchiones, quorum hoc firmo rogatu, nec eorum successores vel alius aliquis magnus seu parvus dominium ullum audeant usurpare tam in incolis quam in possessione. Decernimus etiam quod si quis contra statutum regalis gloriae et fidelium nostrorum totiusque regni nobis a Domino collati agere temptaverit, quasi inimicus dominorum et rei publicȩ ab omni privetur aecclesiastico vel militari vel etiam fiscali beneficio. Ad quod perroborandum auctoritatis nostrae imprimimus sigillum, idoneorum testium auctoritate comprobatum. Ꞩ. Gervasii, Remorum archiepiscopi. Ꞩ. Balduini, Noviomensis episcopi. Ꞩ. Widonis, Ambianensis episcopi. Ꞩ. Widonis, Belvacensis episcopi. Ꞩ. Folconis, abbatis Corbeiensis. Ꞩ. Waleranni camerarii. Ꞩ. Radulfi dapiferi. Ꞩ. Widonis buticularii. Ꞩ. Baldrici conestaule. Ꞩ. Balduini, marchionis Flandrensis. Ꞩ. Balduini, filii ejus et reparatoris ejusdem loci. Ꞩ. Radulfi comitis. Ꞩ. Walteri, filii ejus, et Symonis, fratris sui. Ꞩ. Willelmi, comitis Suessionensis. Ꞩ. Widonis de Monte Lietheri. Ꞩ. Tietbaldi de Monte Monrenci. Ꞩ. Navelonis de Peirefonz. S. Widonis de Rochafort. Ꞩ. Wazelini de Calni. Ꞩ. Eustachii comitis. Ꞩ. Raingoti Gandensis. Ꞩ. Arnulfi de Aldinarda. Ꞩ. Walteri de Cimai. Ꞩ. Walteri, comitis de Hesdin. Ꞩ. Balduini, comitis de Gisnes. Ꞩ. Walteri, castellani Duacensis. Ꞩ. Anselmi. Ꞩ. Rotberti, advocati de Atrebato. Ꞩ. Johannis advocati. Ꞩ. Balduini Gandensis. Ꞩ. Arnulfi de Arda. Ꞩ. Isaac de Vallentianis. Ꞩ. Gozuini Montensis. Ꞩ. Hugonis Haueth. Ꞩ. Iberti de Lietsines. Ꞩ. Walteri de Lens. Ꞩ. Wietdrici de Tornaco. Actum Corbeie in basilica beati Petri apostoli, anno ab incarnatione Domini .M.LXV., indictione .III., epact. .XI., regnante Philippo rege anno .VI., episcopante Lietberto Cameracensi anno .XVII. Ego Balduinus cancellarius scripsi.
(Monogramma.)