1065, après le 4 août. — Corbie.
Philippe Ier appose sa confirmation à la charte par laquelle Baudouin le jeune, fils du comte de Flandre, après avoir restauré le monastère de Hasnon, restitue au dit monastère les biens qui lui avaient été enlevés.
A. Original perdu.
B. Copie de la fin du xve s. ou du commencement du xvie s., dans le Chartularium monasterii sancti Petri Hasnoniensis, Bibliothèque de Douai, ms. n° 1342, fol. lxv v°.
C. Copie du 4 juillet 1771, par Dom Queinsert, Bibliothèque nationale, Collection Moreau, vol. 28, fol. 193, d'après le Tractatus primus in fundationem Hasnoniensis cœnobii, fol. 15 v°-fol. 17 v°.
a. Gallia christiana, t. III, instrum., col. 82, n° viii, «ex chartario Hanionensi», sans les souscriptions.
b. Ch. Duvivier, Recherches sur le Hainaut ancien, p. 402, n° li, d'après a.
Indiqué : Bréquigny, Table chronologique, t. II, p. 98.
Indiqué : Wauters, Table chronologique, t. I, p. 517.
In nomine sanctae et individuae Trinitatis, Patris et Filii et Spiritus Sancti. Ego Balduinus, filius Balduini Philippi regis Francorum procuratoris et bajuli, futurae posteritati, Spiritus Sancti gratia renatae, hujus conscriptionis paginam curavi transmittere qualiter omnipotentis et clementis Dei patientia et benignitas quae, teste Apostolo, adducit peccatores ad poenitentiam, me in gravi mei corporis invaletudine visitaverit et super restauratione Hasnoniensis cœnobii, in honorem beati Petri apostolorum principis olim constructi et a viris nobilibus sublimati vel ditati, nunc negligentia vel depopulatione tam laicorum quam clericorum ad nihilum pene redacti, me per visum monuerit. Quod scribo non accepi ab homine, sed ipsum testor quem praemisi Deum, monitus sum ab eo in nimia corporis mei aegritudine, per beatos martyres Marcellinum et Petrum qui infra septa requiescunt ejusdem basilicae. Hanc ergo admonitionem, cum patri meo Balduino matrique meae Adelae ex ordine recensuissem, eorum salubri consilio, aliorumque plurimorum abbatum, clericorum, laicorum exhortatione gratissima executurum me obligavi et sic ab importabili quam patiebar corporis molestia, misericorde Deo allevante manum, evasi. Processu vero aliquanto temporis, cum ingratus Dei misericordiae jam neglectui vel potius promissa mea tradidissem oblivioni, non enim sentiebam quae sensi, iterum gravis facta est super me manus Domini ; incidi quidem in languorem fortissimum, quo non erat qui me speraret evasurum ; recolligens igitur quibus olim me obligaveram et imputans peccatis meis graviter flens et ejulans quae ferebam, accitis iterum genitore meo et genitrice et aliis quamplurimis jurejurando astrinxi me reinformaturum quicquid neglexerat reatus oblivionis, repropitiante vero mihi misericordissimo coelorum rege et animam quam pene perdideram revocante, ubi adhuc jacens in terra, quasi positus in extasi, nimiis angustabar doloribus, dubius evasionis, per ardentem cereum, quia locus praefatus in ditione patris mei erat, eo donante et Deo disponente, recepi obedientiam coenobii ejusdem restaurationis. Receptis ergo viribus quibus pene fueram destitutus, ardentissimo fervore spiritus coepi mecum cogitare qua via quave ratione quibusque auxiliariis tam diu neglecta, tam distracta et prope ad nihilum inclinata, relevare possem vel redintegrare ; et quia didiceram a bonis sacrae Scripturae auctoritate instructis tam clericis quam monachis quod plane incendat peccati rubiginem qui valide ardet per amoris ignem, et tanto peccati rubigo consumitur quanto cor peccatoris igne caritatis concrematur, quia in sua erat diocesi, contuli me quantocius ad venerabilem sanctae Dei genitricis ecclesiae Cameracensis Lietbertum praesulem, cujus consilio et auxilio vel assensu, renovatis supradicti coenobii aedificiis vel officinis, monachorum promovi ordinem. Exquisitis autem cum omni diligentia et recuperatis ex parte bonis, coenobio suprafato a viris religiosis olim attributis, monachorum ibidem Deo deservientium restitui usibus, sed quia modica probavi adjeci de meis libera et ab omni exactione remota quae continentur inferius : recuperata Hasnonia tota in terra et silvis et aqua ut terminatur praecinctus in parochia, libera et sine advocatura, et ab omni exactione remota ; habitatores vero quicunque habitaverint infra praecinctum, dominis suis censum tantum solvent capitum et post perpetuo sine advocato manebunt ; Asinium et sanctus Vedastus cum omni integritate, cum molendinis et pratis et cambis et bodiis, excepta advocatura ; Waverchinium quae est ejusdem legis, excepto quod advocatura non est in curte abbatis ; in Montinio, decima .I. ; in Scaldinio, decima .I. ; in Wallers de culturis decima cum curtili .I. ; in Harten, .III. curtilia cum terra .I. ; in Cauuentin, de culturis decima .I. ; in Fessan, decima .I. ; in Haspera, decima .I. ; in Marca sancti Remigii et Vesoniolo decima .I. ; in Dirivilla, de culturis decima ; in comitatu Hainau de Obesiis et Bavisiel medietas terrarum et bodii ecclesiae ; in Bercleris a le fossa, pars terrae plurima ampliata ; in Bermerain allodium .I. dedi quod emi ; in Sinio juxta Duacum, bodium ecclesiae cum curtili .I. libero ; Torhult juxta Duacum cum molendinis et aqua omnino libera et sine advocatura ; apud Courrieres, partem villae quam emi liberam ; juxta Islam, medietatem villae Ferieres quam emi liberam, in Vesonio partem villae quam emi ; tertiam partem allodiorum comitissae de Thoringa, neptis meae, Adelae, quam mihi legitime tradidit ; in Halost et in Lede, et in Hesengem ex hac parte aquae nomine Tenre in terra et silvis et servis ; ecclesiam de Felsech, bodium et altare ; in Flandria, terram nomine Strallant ; in Testerep, centum oves cum terra ; in ministerio Furnensi, bercariam .I. et .XXIIII. mensuras terrae ; apud Reninghem, curtem .I. cum terra et humecto ; apud Drincham, vacariam .I. ; juxta Bruetburc in humecto quod vulgo dicitur breuc, .V. rep. terrae et bodium et altare ; apud Boserich, duo rep. terrae ; medietatem villae Oen. His itaque patratis et in honorem Dei et beati Petri apostoli diligenter dispositis, meorum consilio et instinctu, regem Francorum adii optinuique precibus sui impressionem sigilli.
Superni clementia respectus rex Francorum Philippus. Qui domum Dei aedificat in terris vel olim aedificatam et, peccatis habitatorum exigentibus ad nihilum vel ad modicum redactam suscitat et in bonis ampliat, attestante Scriptura, sibi domum in coelis aedificat, et quem peccatorum multiplicatione repulerat Spiritum Sanctum, in se suscitat et ad manendum revocat. Unde ego Philippus rex, Balduini cognati mei justis assensum prebens petitionibus, regiae dignitatis auctoritate, Hasnoniensi coenobio ab eodem reparato et ampliato, et reparata et ampliata, concessa et concedenda, inconvulsa et inviolanda firmo, et ne quis auferre vel invadere vel alienare quicquam de concessis vel concedendis vel loco illi vim inferre praesumat, bannum regium Francorum regi solvendum viginti librarum auri decerno et regali potestate statuo. Ꞩ. Gervasii, Remorum archiepiscopi. Ꞩ. Balduini, Noviomensis episcopi. Ꞩ. Widonis, Ambianensis episcopi. Ꞩ. Widonis, Belvacensis episcopi. Ꞩ. Folconis, abbatis Corbeiensis. Ꞩ. Waleranni camerarii. Ꞩ. Radulfi dapiferi. Ꞩ. Widonis buticularii. Ꞩ. Baldrici conestaule. Ꞩ. Balduini, marchionis Flandrensis. Ꞩ. Balduini, filii ejus et reparatoris ejusdem loci. Ꞩ. Radulfi comitis. Ꞩ. Walteri, filii ejus, et Simonis, fratris ejus. S. Wilelmi, comitis Suessionensis. Ꞩ. Widonis de Monte Lietheri. Ꞩ. Tiebaldi de Monte Monrenci. Ꞩ. Navelonis de Pierefonz. Ꞩ. Widonis de Rocafort. Ꞩ. Wauselini de Calni. Ꞩ. Eustachii comitis. Ꞩ. Raingoti Gandensis. Ꞩ. Arnulphi de Aldinarde. Ꞩ. Walteri de Cimai. Ꞩ. Waulteri, comitis de Hesdin. Ꞩ. Balduini, comitis de Ghisnez. Ꞩ. Waulteri, castellani [Duacensis]. Ꞩ. Anselmi. Ꞩ. Roberti, advocati [de Attrebato]. Ꞩ. Johannis advocati. Ꞩ. Balduini Gandensis. Ꞩ. Arnulfi de Arde. Ꞩ. Ysaac de Valencenis. Ꞩ. Gossuini Montensis. Ꞩ. Lietberti de Lietsines. Ꞩ. Hugonis Hauet. [Ꞩ. Walteri de Lens. Ꞩ. Wietdrici de Tornaco.] Actum Corbeiæ, in basilica beati Petri apostoli, anno ab incarnatione Domini .M°.LXV°., indictione .III., epact. XI., regnante Philippo rege anno .VI°., episcopante Lietberto Cameracensi anno .XVII. Ego Balduinus cancellarius scripsi.
(Monogramma.)