1065, avant le 4 août. — Laon.
Philippe Ier, avec l'assentiment des comtes Eudes et Thibaud, restitue l'abbaye de Saint-Menge à l'église Saint-Étienne de Châlons, et donne à ladite église Saint-Étienne la moitié des revenus des foires d'août et une partie du marché de Châlons, à la réserve de certains revenus dudit marché attribués à l'église de Toussaints-en-l'île.
A. Original perdu.
B. Copie de la seconde moitié du xiie s., dans le Cartulaire de l'abbaye de Toussaints-en-l'île, fol. 39 v°, ch. n° 44, Archives départementales de la Marne.
C. Copie de l'an 1876, dans le Cartulaire de l'abbaye de Toussaints-en-l'île, Bibliothèque nationale, ms. lat. nouv. acq. 1278, fol. 21, d'après B.
a. Gallia christiana, t. X, instrum., col. 155, n° ix, d'après B.
b. E. de Barthélemy, Diocèse ancien de Châlons-sur-Marne, t. II, p. 413, n° 40 bis, publication partielle, d'après B.
Indiqué : Bréquigny, Table chronologique, t. II, p. 97.
In nomine sancte Trinitatis. Philippus rex. Cum in exibitione temporalium rerum, quas humana religio, divino cultui famulando, locis sanctorum et congregationibus fidelium ex devotione animi largitur, tam presentis quam perpetue vite solatium adquiratur, saluberrimus valde et omnibus imitabilis est hic fructus et effectus primitive virtutis, scilicet karitatis, per quem et mundi preparatur tranquillitas et felici remuneratione eterna succedit felicitas. Innotescat ergo posteritati fidelium sancte Dei ecclesie et nostrorum abbatiam sancti Memmii, episcopi Cathalaunensis, partim occupatione, partim negligentia regum ab episcopali cathedra ejusdem civitatis esse alienatam. Quam, interventu et intercessione secundi Rogeri episcopi, loco sancti Stephani restituere volui. Quam restitutionem, ut legitima esset, per redditionem comitis Odonis et assensum Theobaldi comitis, sicut David, qui ejusdem loci prelatus erat, quondam eam tenuerat, ita eam concessimus ex integro predicto sancti Stephani loco. Inculcamus denique donum dono, videlicet medietatem redibitionis nundinarum kalendis augusti celebrandarum, quam comes dividebat cum episcopo accipiendo. Addimus preter hec partem fori Cathalaunensis, quam comes dividebat cum episcopo accipiendo. Hanc donationem ea conditione predicto loco concedimus ut decime denariorum, qui a foro ab hora nona sexte ferie usque ad horam nonam septime per totum annum exiguntur, ecclesie, in honore Omnium Sanctorum constitute in Insula, pro remedio anime mȩȩ et parentum meorum concedantur. Hanc donationem altari beati Stephani imposuimus et manu nostra firmavimus et manibus fidelium nostrorum corroborandam tradidimus et sigilli nostri inpressione signari precepimus. Ꞩ. Gervasii archiepiscopi. Ꞩ. Balduini, Flendrensis comitis, cujus auxilio hec omnia sunt adquisita. Ꞩ. Elinandi, Laudunensis episcopi. Ꞩ. Adalardi, Suessionensis episcopi. Ꞩ. Guidonis, Ambianensis episcopi. Ꞩ. Radulfi dapiferi. Ꞩ. Radulfi comitis. Ꞩ. Widonis comitis. Auctum Lauduni, anno incarnati Verbi .M°.LX°.V°. et regni Philipi. .V°. Ego Balduinus cancellarius relegendo subscripsi.