1068, 15 juin. — Senlis.
Philippe Ier, à la prière d'Eudes, évêque, et des chanoines de l'église de Senlis, confirme toutes les donations faites à ladite église par le roi Henri, son père, par Frolland et Eudes, évêques de Senlis, et par Gautier, archidiacre.
A. Original perdu.
B. Copie du xviiie s., collationnée par Afforty, Bibliothèque nationale, Collection Moreau, vol. 29, fol. 168, d'après A, avec référence au Cartulaire de l'église de Senlis, p. 18.
C. Copie du xviiie s., Bibliothèque de Senlis, Collection Afforty, vol. 13, p. 369, d'après A.
D. Copie du xviiie s., Bibliothèque de Senlis, Collection Afforty, vol. 1, p. 17, le texte d'après le Cartulaire, p. 18, les souscriptions seules d'après A.
E. Copie du xviiie s., Bibliothèque nationale, Collection de Picardie, vol. 233, fol. 206, et les souscriptions au fol. 208 (E′), de la main de Dom Grenier, d'après A.
a. Gallia christiana, t. X, instrumenta, col. 205.
Indiqué : Bréquigny, Table chronologique, t. II, p. 110.
In nomine sancte et individue Trinitatis. Ego Philippus, gratia Dei Francorum rex. Notum fieri volo universis fidei catholice cultoribus tam presentibus quam futuris quia adierunt presentiam nostram Odo, Silvanectensis episcopus, omnisque sancte Marie congregatio, implorantes clementiam nostram quatinus ecclesie sancte Dei genitricis Marie preceptum manus nostra firmaret de donis que fecerat eis Henricus rex, pater meus, Frollandusque, pastor eorum venerandus, necnon et Odo presentialiter vivens episcopus, similiter Walterus, ejusdem ecclesie archidiaconus ; quorum petitionem dignam intelligens, precibus eorum assensum non denegavi, sed, pro anime patris mei refrigerio, preceptum quod poscebant manus nostra firmavit ac primatum meorum manibus illud insigniri precepi. Que vero sint ipsa dona seriatim subscripta sunt : omnes consuetudines terrarum sancte Marie beatique Reguli ecclesiis necnon et dominio pontificis adjacentium extra munitiones hujus civitatis sitarum pater meus eis concessit, et inde coronam matris sue Constantie cum monilibus accepit. Frollandus itaque presul preposituram rerum canonicalium, quam ab antecessoribus suis ecclesie fuisse traditam fratres reclamabant, eis dimisit et concessit, et justitias quas ex atriis canonicorum habebat et commessasiones, quas in villulis fratrum itineris occasione faciebat, dimisit. Odo, vero Frollandi successor, res fratrum angustissimas augmentare similiter decrevit et altare quod est in Tremillii villa fratribus concessit. Walterus quoque archidiaconus unam prebendam, que sui juris erat, et a Frollando pontifice sic ei data fuerat, ut cuicumque vellet eam post mortem suam relinquere posset, cum domo sua fratribus reliquit. Hec omnia et firmitates omnium domorum sancte Marie canonicorum ut tunc temporis fratres eorumque successores sine ulla inquietatione possiderent, ego Philippus, gratia Dei Francorum rex, preceptum hoc regia dignitate firmavi meaque imagine sigillare precepi et propria manu signavi. Hoc actum est feliciter in aula regia Silvanectis, quadam die dominica festivitate sanctorum martirum Viti et Modesti, anno incarnati Verbi millesimo sexagesimo .VIII°. regnique Philippi regis octavo. Si quis hoc preceptum violaverit, mille solidos denariorum regie potestati persolvat.
(Monogramma regis.)(Locus sigilli.) <+ Ꞩ. Petri. +><Signum＋Theobaldi.>+ Ꞩ. Manasses Remorum archiepiscopi. Ꞩ. + Gaufridi Parisiacensis episcopi.Ꞩ. + Alardi Suessionis episcopi. + Ꞩ. Fulconis episcopi.Ꞩ. + Rotgeri Catalaunensis episcopi. <+ Ꞩ. Clarenbaldi episcopi.>+ Ꞩ. Rabodi Noviomensis episcopi.+ Ꞩ. Walteri Meldensis episcopi. + Ꞩ. Hugonis, fratris regis. <+ Ꞩ. Ivonis, episcopi ejusdem civitatis.><Ꞩ. + Ursionis, ipsius civitatis episcopi.>+ Ꞩ. Widonis, Belvacensis episcopi. (1a col.)(2a col.)(3a col.)(4a col.) + Ꞩ. Odonis, ipsius civitatis episcopi.Ꞩ. Berengerii sacerdotis.Ꞩ. Willermi, comitis Nivernensis.Ꞩ. Hugonis, filii Rainboldi. <Ꞩ. + Ingelardi, ipsius civitatis episcopi.>Ꞩ. Girardi sacerdotis.Ꞩ. Rainauldi, filii ejus.Ꞩ. Balduini, fratris Waleranni. Ꞩ. Eustachii capellani.Ꞩ. Wiscelini capellani.Ꞩ. Waleranni camerarii.Ꞩ. Radulfi de Puteo. Ꞩ. Gaufredi capellani.Ꞩ. Walantii sacerdotis.Ꞩ. Radulfi dapiferi.Ꞩ. Rainoldi, fratris Waleranni. Ꞩ. Hugonis decani.Ꞩ. Theobaldi comitis.Ꞩ. Ingenulfi buticularii.Ꞩ. Widonis, filii Walteri militis. Ꞩ. Ulberti archidiaconi.Ꞩ. Radulfi comitis.Ꞩ. Baldrici, regis stabularii.Ꞩ. Widonis mariscalli. Ꞩ. Warneri prepositi.<Ꞩ. + Almarici episcopi.>Ꞩ. Friderici militis.Ꞩ. Drogonis mariscalli. Ꞩ. Widonis precentoris.<Ꞩ. + .>Ꞩ. Almarici militis.Ꞩ. Oscelini mariscalli. Ꞩ. Wigeri levite.<+ Henrici episcopi.>Ꞩ. Ade pincerne.Ꞩ. Odonis prepositi. Ꞩ. Reinauldi levite.<+ Gaufridi episcopi.>Ꞩ. Odonis panetarii.Ꞩ. Herberti monetarii. Ꞩ. Radulfi levite.Ꞩ. Rotberti vicedomni.Ꞩ. Gaufridi militis. Ꞩ. Teudonis levite.Ꞩ. Gaufredi militis.Ꞩ. Ingelranni, pedagogi regis. Ꞩ. Hugonis subdiaconi.Ꞩ. Guarneri, filii ejus.Ꞩ. Herberti, fratris ejus. Ꞩ. Walteri subdiaconi.Ꞩ. Henrici, fratris ejus.Ego Petrus cancellarius relegendo subscripsi.