1061, 14 mai. — Reims.
Philippe Ier donne à l'église Saint-Nicaise de Reims, restaurée par l'archevêque Gervais, la villa de Houdilcourt avec toutes ses dépendances.
A. Original perdu.
B. Copie du xiiie s., dans le Petit Cartulaire de Saint-Nicaise, ch. n° ii, Bibliothèque de la ville de Reims, ms. coté N 863, fol. 10 (anc. fol. xi), sous la rubrique : «De dono Hundeliace curtis».
C. Copie du xviie s., dans Rogier, Histoire de la ville de Rheims, t. II, Bibliothèque nationale, ms. fr. 8335, fol. 317 v°, d'après l'expédition originale d'un vidimus de Louis IX de mars 1267, la 32e année du règne.
D. Copie du xviie s., même manuscrit, fol. 322, d'après le même vidimus de Louis IX.
a. Marlot, Metropolis Remensis historia, t. I, p. 619, d'après B ; édit. franç., Histoire de la ville, cité et Université de Reims, t. III, p. 702, n° xxiii.
b. Labanoff, Recueil de pièces historiques sur la reine Anne, p. 22, n° x, d'après a.
Indiqué : Bréquigny, Table chronologique, t. II, p. 82.
Indiqué : Varin, Archives administratives de la ville de Reims, t. I, p. 211.
In nomine sancte et individue Trinitatis. Phillippus, divina providente clementia Francorum rex. Si divinorum munerum largitatem erga nos pensare volumus, quicquid ad eorum quasi recompensationem molimur, infra esse, immo nichil esse, non ambigimus ; unde, licet divinis beneficiis simus impares, in gratiarum tamen actione cum verbis tum etiam factis laborare debemus, nec quia non sufficimus ideo deficiendum nobis est. Igitur, more patrum nostrorum consilioque dilectissime matris nostre Anne et fidelium nostrorum rogatu, domni videlicet Gervasii, Remorum archipresulis, et ceterorum curialium nostrorum, pro anima patris nostri Hainrici et pro salute anime nostre, in usus Deo militantium in ecclesia beati Nichasii martiris, in qua predictus archiepiscopus divino instinctu abbatiam, suorum predecessorum negligentia destructam, instauravit, villam nomine Hundelicurtem perpetuo habendam eidem ecclesie tradimus, mansum indominicatum, ecclesiam, servos, aquam et aque decursum cum molendino, et postremo omnia ad eandem villam pertinentia eidem ecclesie concedimus. Et ut hoc nostre concessionis edictum per omnia tempora inviolabilem in Dei nomine obtinere valeat soliditatis vigorem, manu nostra propria illud firmantes, sigilli nostri inpressione subter sigillari jussimus. Quicquid etiam domnus Gervasius archiepiscopus eidem ecclesie dedit et daturus est simili modo firmantes ratum esse precepimus. Ꞩ. Phillippi gloriosissimi regis. Ꞩ. Elinandi, Laudunensis episcopi. Ꞩ. Quiriaci, Nannetensis episcopi. Ꞩ. Roberti, fratris regis. Ꞩ. Rodulfi comitis. Ꞩ. Manasse comitis. Actum Remis, anno incarnati Verbi millesimo. .LX°. .I°., Phillippi regis .II°., Gervasii archiepiscopi .VI°., in ecclesia sanctorum Agricole et Nichasii martirum, .II. idus maii, indictione .XIIII. Ꞩ. Anne regine. Balduinus cancellarius ad vicem Gervasii archiepiscopi subscripsit.