1207, du 1er novembre, au 5 avril 1208. — Paris.
Philippe Auguste confirme la vente de biens sis à Grandchamp, faite à Pierre Tristan par Goubert, abbé de Saint-Magloire de Paris, et son monastère.
A. Original perdu.
Traduction française, copie du xiiie s., Archives nationales, K 28, n° 3.
a. R. Poupardin, Recueil des chartes de Saint-Germain-des-Prés, t. II, p. 148, n° 359, d'après A.
b. A. Terroine et L. Fossier, Chartes et documents de l'abbaye de Saint-Magloire, t. I, Paris, 1998, p. 530, Appendice II, n° *2, d'après la traduction française.
Felippes par la grace de Dieu rois de France. Sachent touz cil qui sunt present ensamble et qui sunt a venir que Goebers li abes et li couvenz de Saint Magloire de Paris, pour le proufit de leur eglise si comme il disoient, vendirent a Pierre Tristan nostre chambellain quanque il avoient en la vile c'on apele Grant Champ et quanque il avoient ou bos qui apartenoit a cele vile et en toutes les partenances de la vile et dou bos, a tenir a toujours d'icelui Pierre et de ses oirs et a faire toute leur volenté, parmi IIcc lib. de parisis, a acheter X lib. en rentes plus prouchiennes et plus proufitables a leur eglise. Et nous, a la requeste de l'abé et dou couvent devant dit, avons ceste vendicion ferme et greable, et si otroions encore a Pierre devant dit et a ses oirs a tout jours que le bois devant dit puissent vendre et essarter et sanz nul contredit faire de tout en tout leur volenté. Et pour ce que ceste chose tiengne force perpetuel, nous avons confermé ceste chartre de nostre seel. Ce fu fait a Paris, mil et IIc et VII°, en l'an de nostre regne XXIX. Et si estoient presenz en nostre palais ceus de qui les nons sont mis ci desouz et leur signes. Si n'avoit lors nul aporteeur de viandes. Le signe Guion le bouteiller, Mahiu le chambellanc et Drevon le connestable.