[1208, avril.].
Philippe Auguste déclare au pape qu'il a été fort peiné du décès de Pierre de Castelnau, dont l'assassinat avait eu l'assentiment du comte de Saint-Gilles ; il énumère tous les griefs qu'il a contre le comte, mais il ne pourrait aider à le réduire que s'il avait une trêve bien assurée avec le roi d'Angleterre ; de l'avis d'hommes compétents, il ne pense pas que le pape ait le droit d'offrir aux occupants la terre du comte sans l'avoir fait condamner comme hérétique ; une fois cette condamnation prononcée, ce sera au roi d'offrir cette terre comme étant de son fief.
A. Original perdu.
B. Copie du xiiie s., cancellée, Registre A de Philippe Auguste, fol. 61 v°.
a. L. Delisle, Catalogue des actes de Philippe-Auguste, p. 512, d'après B.
Secunda responsio quam rex fecit domino pape de Albigeis.
Super eo quod nobis mandavistis de morte Petri de Castro Novo, qui mortuus est assensu comitis Sancti Egidii, sciatis quod multum piget nos de morte ejus, tamquam de tam probo homine et qui in actu erat tam bonorum operum. Et si vos materiam habetis conquerendi de eo, nos similiter multam habemus materiam ad conquerendum de eo. Sciatis enim quod in majori guerra quam habuimus contra regem Anglie Ricardum, contra nos cepit in uxorem sororem ejusdem regis Ricardi, quamvis pie memorie pater noster et nos magna constamenta et impensas miserimus ad defendendum patrem ejus et ipsum et terram ejus ; et cum nos guerrearemus regem Johannem propter injuriam suam, invenimus homines ejus in munitione contra nos infra Falesiam. Et bene sciatis quod de omnibus guerris quas habuimus, nullum auxilium de eo habuimus, nec per ipsum nec per gentem suam, quamvis de nobis teneat unam de majoribus baroniis de regno nostro. Super eo quod nos monuistis quod super hoc consilium apponeremus quod apponendum videremus, noveritis quod, quando littere vestre ad nos pervenerunt, eramus in itinere exercitus nostri ad eundum contra gentes regis Anglie que interceperant in treuga nec emendare volebant nobis nec hominibus nostris. Sciatis autem quod episcopis qui super hoc nobiscum loquti sunt respondimus quod, si clerus et barones apponerent competens auxilium quod nos videremus posse prodesse terre, et nos haberemus talem treugam quam videremus quod bene assecurata esset et servata, ad auxilium libenter mitteremus de hominibus nostris et de pecunia nostra. De eo autem quod vos predicti comitis terram exponitis occupantibus, sciatis quod a viris litteratis et illitteratis didicimus quod id de jure facere non potestis, quousque idem de heretica pravitate fuerit condempnatus. Cum autem inde condempnatus fuerit, tunc demum id significare debetis et mandare ut terram illam exponamus tanquam ad feodum nostrum pertinentem. Nondum enim nobis significastis quod eumdem comitem pro condempnato habeatis. Non tamen id ipsum excusando dicimus, cum potius accusare quam excusare velimus, sicut, Deo volente, cum se oportunitas obtulerit, ostendemus per effectum.