1208, du 6 avril au 31 octobre. — Mantes.
Philippe Auguste confirme aux moines de Lyre la donation que leur avait faite Laurette, comtesse de Leicester, de biens sis à Couvert.
A. Original perdu.
B. Copie du xiiie s., Cartulaire de Normandie, Bibliothèque municipale de Rouen, ms. 1235 (ancien Y. 201), fol. 14 (ancien XII).
C. Copie du xiiie s., même ms., fol. 41 (ancien XXXIX) v°.
a. L. Delisle, Cartulaire normand, p. 295, n° 1093, d'après B.
b. The Genealogist, 1893-1894, p. 16, d'après a.
Indiqué : Sir Frederick Maurice Powicke, Loretta, countess of Leicester, p. 254.
Texte établi d'après BC.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Laureta, quondam comitissa Leycestrie, dedit et concessit in liberam et perpetuam elemosinam, pro anima mariti sui Roberti quondam comitis Leycestrie, et pro salute anime sue et pro animabus antecessorum suorum, Deo et Beate Marie de Lyra et monachis ibidem Deo servientibus, de libero maritagio suo de Couvert in Normannia, XL acras terre de dominico suo ibidem ; dedit etiam eis similiter, de dominico suo ibidem, duas acras ad faciendum ibi herbergagium suum ; preterea dedit dictis monachis duos homines in ipso manerio de Couvert, scilicet Radulphum filium Odonis et Mauricium de Sancto Vigore, cum terris et tenementis suis et omnibus servitiis que inde debent, excepta solum modo secta quam debent ad molendinum de Couvert ; concessit etiam monachis predictis decimam de furno suo et decimam molendini sui de Couvert, tam in blado quam in denariis et aliis redditibus et consuetudinibus ad ipsum molendinum pertinentibus ; concessit quoque eis ut habeant communam pasture sue in ipso manerio et marnam de marneriis suis liberam et quietam ad marnandas terras suas, et omnia alia aisiamenta ejusdem ville libere et quiete ; et ipsa et quicumque post ipsam predictum manerium tenebunt et habebunt, garantizabunt eisdem monachis predictam elemosinam et acquitabunt eam erga nos et erga omnes homines de omnibus exactionibus et omnibus terrenis servitiis ; dedit etiam supradictis monachis predictam elemosinam ita liberam et quietam ab omni exactione seculari et ab omni terreno servitio sicut aliqua elemosina liberius et melius potest dari et possideri, excepta, sicut predictum est, secta molendini quam duo prenominati homines debent. Quod ut perpetuum robur obtineat, pro salute anime nostre et antecessorum nostrorum, predictam elemosinam ratam habemus et presentem paginam sigilli nostri auctoritate et regii nominis karactere inferius annotato confirmamus. Actum apud Medontam, anno incarnati Verbi M° CC° octavo, regni vero nostri anno XX° VIII°, etc.