1208, du 6 avril au 31 octobre. — Saint-Germain-en-Laye.
Philippe Auguste confirme aux moines de Jumièges la chapelle Saint-Philibert du Tourp, six acres dans la forêt de Brotonne et d'autres biens que leur avait donnés Robert, comte de Meulan.
A. Original jadis scellé, selon C, en cire verte sur lacs de soie rouge et verte. Hauteur, 217 mm. ; largeur, 188 mm. Archives départementales de la Seine-Maritime, 9 H 24.
B. Copie du xiiie s., Grand cartulaire de Jumièges, Archives départementales de la Seine-Maritime, 9 H 4, p. 141, col. 2, n° 226.
C. Vidimus de 1430, Archives départementales de la Seine-Maritime, 9 H 403.
D. Copie du xviie s., Archives départementales de la Seine-Maritime, 9 H 11, p. 7.
E. Copie du xviiie s., par Dom Le Noir, Collection Moreau, vol. 111, fol. 129, d'après A.
a. L. Delisle, Cartulaire normand, p. 293, n° 163, d'après B.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod Robertus quondam comes Mellenti, dedit Deo et Sancte Marie Sanctoque Petro de Gemetico et monachis ibidem servientibus capellam Sancti Philiberti de Torpo cum masagio sex acrarum in foresta Brotonie et carrucatam terre arabilis, scilicet sexaginta acras cum bosco, mensurato cum pertica viginti quinque pedum, que terra incipit a Valle Vivarii, juncta marisco in longitudine. Dedit etiam mariscum a vivario usque ad viam que dicitur Le Barchet'. Dedit etiam predictis monachis quadraginta solidos publice monete, in eadem foresta annuatim reddendos per manum forestarii in festo sancti Michaelis, et quitantiam propriorum peccorum et decem vaccarum cum tauro et cum secta earum usque ad tercium annum, et quatuor boum et duorum equorum ad aratrum per totam forestam suam, exceptis quinque defesiis, scilicet haia Mori cum landis suis, et haia de Aise, et parqueto de Bornevilla, et Laumont, et haia de Lendino. Dedit etiam predictis monachis pasnagium propriorum porcorum per totam forestam suam et poma colligenda ad proprium potum eorum et servientum ipsorum per totam forestam suam, exceptis predictis quinque defesiis, et scutellam elemosine mense sue cum potu ad ipsam pertinente, quandocumque erit apud Watevillam, vel apud Hauvillam, vel apud Torponem ; boscum etiam ad edificia facienda et ad omnes proprios usus predicte domus de Torpo, ita quod non possint ibi facere domos nisi suas proprias, nec dare hospitibus ad hospitandum, nec capere de bosco in predictis quinque defesiis, nec extra etiam de vivo ad hospitandum nisi per liberationem forestarii. Quod ut perpetuum robur obtineat, sigilli nostri auctoritate et regii nominis karactere inferius annotato predictam elemosinam ad usus et consuetudines Normannie confirmamus. Actum apud Sanctum Germanum in Loia, anno Domini M° CC° octavo, regni vero nostri anno vicesimo nono, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Mathei camerarii. Signum Droconis constabularii. Data vacante (Monogramme) cancellaria, per manum fratris Garini.