1208, septembre. — Compiègne.
Philippe Auguste fait connaître à quelles conditions Philippe, comte de Namur, lui a confié la garde de ses nièces.
A. Original perdu.
B. Copie, formules abrégées, du xiiie s., Registre A de Philippe Auguste, fol. 62 v°.
C. Copie du xive s., Registre B de Philippe Auguste, fol. 70, d'après B.
a. L. Delisle, Catalogue des actes de Philippe-Auguste, p. 514, d'après C.
b. Duvivier, La querelle des d'Avesnes et des Dampierre, Preuves, p. 7, n° IV, d'après a.
Indiqué : Mathieu Molé, Mémoires, t. II, p. 238 ; Cartellieri, Philipp II August, t. IV, p. 276.
Carta conventionum de neptibus comitis Namurcensis.
Philippus Dei gratia Francorum rex. Notum etc. quod amicus et fidelis noster Philippus comes Namurcensis tradidit nobis neptes suas tali conditione quod non maritabimus eas sine assensu ipsius comitis antequam pervenerint ad etatem legitimam et, cum ad etatem legitimam pervenerint, si voluerimus eas maritare viris competenter nobilibus qui offerant predicto comiti conventiones quas Regina comitissa Flandrie ei obtulit coram nobis et eum super hoc bene securum fecerint, comes non poterit prohibere quin maritentur. Et si non vellent illi quibus vellemus eas maritare predicto comiti facere conventiones quas dicta comitissa ei obtulit, illis habentibus etatem legitimam, si hoc non possemus facere, traderemus eas predicto comiti, ita tamen quod predictus comes non posset eas maritare sine assensu nostro et nisi essemus bene securi de servicio nostro et de rachato nostro et de hoc faceret nos securos per se et per omnes quos posset ad hoc inducere, bona fide. Has conventiones facit nobis predictus comes, salvo ballio suo, usque dum neptes sue ad etatem legitimam veniant, nisi de voluntate sua dimitteret ballium. Actum apud Compendium, anno Domini M° CC° VIII, mense septembri.