1208, septembre. — Compiègne.
Philippe Auguste ratifie un traité entre Renaud, comte de Boulogne, et Guillaume, comte de Pontieu, concernant le mariage de Marie, fille de Guillaume, avec Simon, frère de Renaud, traité dont la teneur complète sur certains points l'acte précédent.
A. Original jadis scellé sur double queue. Hauteur, 202 mm. ; largeur, 197 mm. Bibliothèque municipale d'Amiens, ms. 1020, n° 1.
B. Copie du xviiie s. par Dom Grenier, Bibliothèque nationale, Collection Moreau, vol. 110, fol. 186, d'après A.
C. Copie du xixe s., Bibliothèque municipale d'Amiens, ms. 1130, p. 32, d'après A.
Indiqué : Cartellieri, Philipp II August, t. IV, p. 276.
Philippus Dei gratia Francorum rex. Noverint universi presentes pariter et futuri quod [he sunt conventiones inter dilectos] fideles nostros Renaldum comitem Bolonie et Willelmum comitem Pontivi, quod idem Willelmus [dedit in uxorem Ma]riam filiam suam Symoni fratri dicti comitis Bolonie, et pro hoc matrimonio contrahend[o..............de]dit eidem Simoni fratri suo quingentas libratas terre parisiensis monete in terra sua Norm[annie. Has] autem quingentas libratas terre Hugo de Fontibus et Stephanus de Longo Campo debe[nt eidem Simoni assi]gnare ; quod si isti duo concordare non possent, Robertum de Bova ad hoc perficien[dum vocarent. Pre]terea, sciendum est quod inter Chamceiam et riveriam de Arguel, nisi de assensu predicti com[itis Pontivi nihil] adquirere potest memoratus comes Bolonie, nisi ea que tenebat ea die qua conventio ista facta fuit apud Compendium, excepto assignamento quod habet de Hugone de Ballolio pro fidejussione quam pro ipso fecit idem comes Bolonie, et si majus assignamentum poterit habere in terra illa de predicto Hugone, pro fidejussione supradicta ei tenere licebit, donec predictus Hugo vel alius pro eo de fidejussione illa gratum suum fecerit. Contentio autem que erat inter dictos comites super foresta de Moflieres et super feodis ad Albam Mallam et ad Arguel pertinentibus, sic sopita est quod sepedicti comites in legitimam inquisitionem proborum virorum compromiserunt et quod utrique ipsorum legitima inquisitio eorumdem virorum dederit, hoc tenebit et habebit nec de cetero super hoc aliquid poterit reclamare. Insuper, terram de inter Chameciam et Alteiam, de qua contentio erat inter dictos comites, idem comes Bolonie sepedicto comiti Pontivi toto tempore vite sue quitam clamavit. De castello Montanaii sic erit quod idem comes Bolonie denarios quos pro eodem castello habendo posuit, rehabebit ; quos cum rehabuerit, nec ipse nec sepedictus comes Pontivi nec Hugo Keres nec fratres ejus castella Walteri de Montenaio per vadium vel emptionem habere poterunt, nisi ad eumdem Hugonem Kerezt jure hereditario vel alia aliqua sufficienti ratione castella devolventur. Super hiis autem conventionibus firmiter tenendis, dictus comes Bolonie plegium nos constituit, ita quod si ab illis resiliret, absque aliqua interceptione ad feodum suum poterimus assignare donec fuerit emendatum. Quod ut ratum sit et stabile, predictas conventiones, salvo jure nostro et rachato nostro, sigilli nostri munimine confirmavimus. Actum apud Conpendium, anno Domini M° CC° octavo, mense septembri.