1208, septembre ou octobre. — Paris.
Philippe Auguste confirme l'accord conclu entre Geoffroy de Fougères et Guillaume de Fougères, son oncle, qui, en échange de droits à Coglès et Louvigné, a cédé à Geoffroy la terre de Raoul de Fougères.
A. Original perdu.
B. Copie du xviie s., Cartulaire d'Alençon, Bibliothèque municipale de Rennes, ms. 274, fol. 61.
C. Copie du xviie s., Cartulaire d'Alençon, Bibliothèque nationale, ms. fr. 22330, p. 6.
D. Copie du xviie s. par Pierre Hévin, Archives départementales d'Ille-et-Vilaine, F 53.
a. D. Morice, Preuves pour servir à l'histoire de Bretagne, t. I, col. 810.
b. Jacques Aubergé, Le cartulaire de la seigneurie de Fougères connu sous le nom de cartulaire d'Alençon, p. 165-167, d'après B, C, D et a.
Texte établi d'après BCDa.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod hec est finalis concordia inter Gaufridum de Filgeriis et Guillelmum de Filgeriis, avunculum suum, scilicet quod Gaufridus de Filgeriis concedit prefato Guillelmo Cogles et viginti libratas terre quas habebat in Lovigneio, in illis feodis in quibus eas antea capiebat, et hec debet prefatus Guillelmus possidere vita sua, et non potest prefatus Guillelmus facere aliquid de predicta terra, neque hereditate neque vadio neque alio modo, ita quod predicta terra non reveniat libera et quieta post decessum predicti Guillelmi ad predictum Gaufridum et ad heredes suos, et propter hanc compositionem, Guillelmus de Filgeriis dimittit prefato Gaufrido Marcilleium et totam aliam terram Radulphi de Filgeriis, ubicumque sit, ita quod predictus Guillelmus in prefata terra nihil amplius potest reclamare ; predictus vero Guillelmus debet habere in forestis Gaufridi de Filgeriis ignem suum et boscum ad edificia sua et ad molendina sua in feodo facienda, et pasnagium suum quietum ad proprios porcos suos ; et prefatus Guillelmus prefatam conventionem debet tenere a prefato Gaufrido ut de antenato, tali forma quod, cum prefatus Gaufridus erit submonitus de exercitu terre, ipse Gaufridus prefatum Guillelmum in feodo submonebit et, si prefatus Guillelmus servitium facere voluerit cum prefato Gaufrido vel cum ejus locato, per se faciet vel per ejus milites, et nisi facere voluerit, predictus Gaufridus exercitum capiet in feodo ; et si predictus Guillelmus vel ejus homines hujus prescripti feodi forifecerint corpori predicti Gaufridi vel ejus filio primogenito, dicto vel facto, in curia predicti Gaufridi debet idem Guillelmus hoc emendare et forisfactum hominum suorum per adductionem dicti Guillelmi ; et si aliquod contradictum in curia predicti Guillelmi evenerit, ad curiam predicti Gaufridi debet dictus Guillelmus illud adducere et ibi debet emendari ; et si prefatus Gaufridus servientes suos miserit propter justitiam faciendam propter hec predicta et ibi servientibus aliquid forifactum fuerit, ipse Guillelmus in curia Gaufridi de Filgeriis hoc emendabit de se et de suis hominibus per suam adductionem. Et ut hec perpetuam obtineant stabilitatem, sigilli nostri auctoritate et regii nominis karactere inferius annotato presentem paginam, ad petitionem partium, salvo servitio nostro, confirmamus. Actum Parisius, anno Domini millesimo ducentesimo octavo, regni vero nostri anno vicesimo nono, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria, per manum fratris Garini.