1208, 6 avril au 31 octobre. — Mantes.
Philippe Auguste confirme les conventions conclues entre Nivelon le Maréchal et Girard, seigneur d'Équancourt, pour le mariage de leurs enfants, Nivelon et Lucie, et la cession par Simon de Marteville aux nouveaux époux de ses biens à Chaulnes et à Misery.
A. Original, jadis scellé d'un grand sceau de cire verte « avec le contrescel qui est une fleur de lys pendant en lacq de soie rouge et verte », selon B. Hauteur, 260 mm. ; largeur, 186 mm. Bibliothèque nationale, Collection de Picardie, vol. 238, fol. 7.
B. Copie du xviiie s. par Dom Grenier, Bibliothèque nationale de France, Collection de Picardie, vol. 198, fol. 59, d'après A.
a. Martène, Amplissima collectio, t. I, col. 1078, d'après A.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod, sicut ex autentico roborato sigillis Gyrardi domini de Squaiencort et Nivelonis Marescalli cognovimus, hec est conventio super matrimonio inter Nivelonem filium dicti Nivelonis Marescalli, et Luciam filiam predicti Gyrardi, scilicet quod ipse Gyrardus et Ydonea uxor sua contulerunt in matrimonio predicto Niveloni quicquid ipsi habent apud Chanle cum omnibus ejus proventibus et pertinentiis, et quicquid habent apud Miseri et in ejus pertinentiis que pertinent ad ejusdem ville districtum, et insuper quicquid habent apud Moileins cum omnibus ejus pertinenciis et proventibus, ita quod in universis jam dictis locis, supradicto Gyrardo vel uxori sue nichil remansit ; et preter hec, contulerunt eidem Niveloni duos vavasores quos habebant apud Lyons, scilicet Bernardum Torel et Radulfum Bricart. Predictus autem Nivelo Marescallus, post mortem suam et Marie uxoris sue, contulit pretaxato Niveloni filio suo et jam dicte Lucie uxori ejus, in matrimonio, quicquid habet apud Chanle et apud Fouches et apud Peronam, cum omnibus eorum proventibus et cum pratis de Hale. Si vero contingeret prefatum Nivelonem vel Luciam uxorem suam mori sine herede de carne sua, predicte hereditates ad rectos redirent heredes. Preter hec autem que continebantur in predicto autentico, Symon de Martevilla, miles, in presentia nostra constitutus, sepedicto Niveloni et Lucie uxori sue donavit et in perpetuum quitavit quicquid habebat apud Chanle. Nos vero, ad petitionem predictorum Gyrardi de Squaiencort et Nivelonis Marescalli, sigilli nostri auctoritate et regii nominis karactere inferius annotato predictas conventiones, salvo servicio nostro, confirmamus. Actum Medunte, anno ab Incarnatione Domini M° CC° octavo, regni vero nostri anno vicesimo nono, mense februario, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacan-(Monogramme)-te cancellaria, per manum fratris Guarini.