1210, du 18 avril au 31 octobre. — Paris.
Philippe Auguste reconnaît que Pierre de Châtres l'a associé à ses droits sur la justice de la voirie de Châtres [auj. Arpajon] et réglemente les conditions dans lesquelles cette justice devra s'exercer.
A. Original scellé en cire verte sur lacs de soie verte et rouge. Hauteur, 214 mm. ; largeur, 261 mm. Archives nationales, K 27C, n° 29.
B. Copie du xviie s., par Gaignières, Bibliothèque nationale, Collection Gaignières, vol. 201, p. 91, d'après A.
Indiqué : Tardif, Cartons des rois, p. 343, n° 758, d'après A.
In nomine sancte et individue Trinitatis. Amen. Ph[ilippus] Dei gratia Francorum rex. Noverint universi presentes pariter et futuri quod, cum dilectus et fidelis noster Petrus de Chastris ex omnibus forisfactis veiarie Chastrarum duas partes perciperet, nos, qui tantum terciam partem antea percipiebamus ex eisdem, sibi associavit in totum, ita quod nos et heredes nostri in perpetuum medietatem predictorum forisfactorum percipiemus et idem Petrus et heredes ipsius similiter in perpetuum percipient aliam medietatem libere et quiete ; quociens vero veiarium Chastrarum et prepositum nostrum de Monte Leherici continget amoveri, volumus et precipimus ut veiarius et prepositus de novo instituti, infra quindenam institutionis sue, postquam ab eodem Petro vel heredibus suis fuerint requisiti, jurent apud Chastras super sacrosancta quod ipsi, bona fide, ex omnibus proventibus et emendis quas percipient ex forisfactis sepedictis medietatem dicto Petro vel heredibus suis persolvent, nec in dampnum ipsius Petri vel heredum suorum ultra quinque solidos exinde retinebunt ; ipse eciam Petrus vel heredes sui dictis veiario et preposito prestabunt simile juramentum ; prepositus insuper et veiarius sepedicti dictum Petrum vel heredes suos vel servientem eorumdem vocabunt ad placita que coram eis super predictis forisfactis movebuntur, si tamen presentes sint in villa, et vice versa Petrus vel heredes sui sine preposito vel veiario aut eorum serviente placita de eisdem forisfactis non tenebunt ; si vero contra predicta ab alterutra parte fuerit interceptum, volumus et precipimus ut per ballivos nostros Stanpenses, statim cum exinde fuerint requisiti, plenius emendetur intra ipsam veiariam ad usus ville et consuetudines hactenus observatas. Quod ut firmum et perpetuum robur obtineat, presentem paginam sigilli nostri auctoritate et regii nominis karactere inferius annotato, salvo jure alieno, confirmamus. Actum Parisius, anno Domini M° CC° decimo, regni vero nostri anno tricesimo primo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.