1210, du 18 avril au 31 octobre. — Paris.
Philippe Auguste confirme un accord conclu entre l'abbesse de Montmartre et les bouchers de Paris, au sujet des étaux de ces derniers qui devront désormais, à l'abbaye, en quatre termes, un cens de cinquante livres parisis.
A. Original perdu.
B. Copie du xiiie s., copié en 1223 dans le Registre E de Philippe Auguste.
C. Copie du xiiie s., Cartulaire de Montmartre, Archives nationales, LL 1030, n° 1, fol. 5.
D. Copie du xvie s., Cartulaire de Montmartre, Archives nationales, LL 1605, fol. 45 v°.
E. Copie du xvie s., Cartulaire de Montmartre, Archives nationales, LL 1605, , fol. 63 v°.
F. Copie du xviie s., Bibliothèque nationale de France, fr. 21656, fol. 2.
G. Copie du xviiie s., Archives nationales, L 1030, pièce 13, fol. 13, d'après C, avec traduction française en vis-à-vis.
H. Copies du xvie, xviie et xviiie s., Archives nationales, S 4448, n° 1 et sqq..
a. De La Mare, Traité de la police, 2e éd. (1722), t. II, p. 559.
b. É. de Barthélemy, Recueil des chartes de l'abbaye de Montmartre, p. 146, d'après C.
Texte établi d'après CDEFa.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, cum contentio esset inter Elisabeth abbatissam et conventum Montis martyrum ex una parte et carnifices Parisienses ex alia, supra domo que fuit Guerrici de Porta et supra viginti tribus stallis que sunt in eadem domo et duobus aliis stallis que sunt cum veteribus stallis, que omnia ab illis pro triginta libris dudum tenuerant, mediante precepto nostro, compositum est in hunc modum : dicti carnifices domum predictam et viginti quinque stalla amodo ad censum quinquaginta librarum tenebunt ab abbatissa et conventu, de quibus singulis annis ipsi abbatisse et conventui reddent carnifices supradicti infra octabas sancti Johannis Baptiste duodecim libras et dimidiam, et infra octabas sancti Dyonisii duodecim libras et dimidiam, et infra octabas Nativitatis Domini duodecim libras et dimidiam, et infra octabas Pasche duodecim libras et dimidiam ; et nisi isti nummi in assignatis terminis redderentur, exinde emendam suam levarent abbatissa et conventus sicut de censu, et hoc modo sepefata abbatissa et conventus quitant et absolvunt carnifices de triginta libris tonleii de quibus vetus carta quam habent loquitur ; ne autem aliquo modo supra predictis stallis oriri possit contentio vel aliqua dubitatio, noverint universi quod viginti tria stalla sunt sita in domo predicti Guerrici, reliqua duo cum veteribus stallis ; in istis autem omnibus, tam in stallis quam in predicta domo, ponent sepefati carnifices omnia constamenta. Quod ut perpetuum robur obtineat, ad petitionem utriusque partis, sigilli nostri auctoritate et regii nominis karactere inferius annotato, salvo jure nostro et alieno, presentem paginam confirmamus. Actum Parisius, anno ab Incarnatione Domini millesimo ducentesimo decimo, regni vero nostri anno tricesimo primo, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria (Monogramme).