1210, mai. — Saint-Germain-en-Laye.
Philippe Auguste notifie les conventions passées entre lui et Renaud de Dammartin à l'occasion du mariage de son fils Philippe Hurepel et de Mathilde, fille de Renaud : Renaud abandonne au jeune prince toute sa terre du pays de Caux, sauf Lillebonne et Alizay qu'il retient moyennant une compensation pécuniaire due au roi, et le comté d'Aumale, sauf Saint-Riquier.
A. Original perdu.
B. Copie du xiiie s., Registre E de Philippe Auguste, fol. 184 v°.
C. Vidimus original de 1236, par Mathilde, comtesse de Boulogne, Archives nationales, J 238, n° 34, d'après A.
D. Copie du xiiie s., Registre E de Philippe Auguste, fol. 172bis, d'après B.
E. Copie du xiiie s., Registre F de Philippe Auguste, fol. 137, d'après B.
F. Copie du xiiie s., Registre G de Philippe Auguste, n° 58, d'après E.
G. Copie du xviie s., par Baluze, Bibliothèque nationale, Collection Baluze, vol. 65, fol. 155, d'après B.
a. Baluze, Histoire de la Maison d'Auvergne, t. II, p. 99, d'après B ou E.
b. Martène, Amplissima collectio, t. I, col. 1244, d'après B ou E.
c. Léchaudé d'Anisy, Grands rôles de l'Échiquier de Normandie, p. 161, d'après F.
d. Teulet, Layettes du Trésor des chartes, t. I, p. 351, n° 926, d'après C.
e. H. Malo, Renaud de Dammartin, p. 288, Pièces justif. n° LXXVII, d'après a et d.
Indiqué : Cartellieri, Philipp II August, t. IV, p. 290.
Texte établi d'après BC.
Philippus Dei gratia Francorum rex. Noverint universi presentes pariter et futuri quod dilectus et fidelis noster Renaldus comes Bolonie Philippo filio nostro, propter conventiones que erant inter nos et eundem comitem super matrimonio ejusdem Philippi et Matildis filie sue, dedit et assignavit totam terram suam quam habebat in Caleto tenendam et possidendam, excepta Insula Bona cum pertinentiis ejus, et excepta terra de Alisiaco cum pertinentiis ejus, quas dictus comes retinet tali modo quod predicte terre de Insula Bona cum pertinentiis suis et de Alisiaco cum pertinenciis suis appreciabuntur cum pretio rationabili, et dictus comes Bolonie tenetur nobis reddere valorem terrarum illarum, unam medietatem scilicet ad quindenam Pasche, et alteram medietatem ad festum sancti Remigii, singulis annis. Preterea dedit dictus comes Bolonie eidem Philippo filio nostro totum comitatum Albemarle sicut illum tenebat possidendum, et retinet terram Sancti Richerii que fuit Rogeri de Mortuo Mari, et domum cum pertinentiis ejusdem, et quandocunque nos volemus, si nos non teneremus pro pagato de his partibus, poterimus reverti ad priores conventiones factas super maritagio dicti Philippi filii nostri et Matildis filie dicti comitis, sicut continetur in cartis que exinde conscripte sunt, et idem comes tenetur illas nobis prosequi quando exinde eum requisierimus, si de predictis nos non haberemus pro pagato, sicut dictum est. Predictus quoque comes Bolonie, si vellet, ad easdem priores conventiones posset reverti, sicut scripte sunt in cartis super maritagio illo factis, et nos tenemur illas prosequi eidem quando nos inde requireret. Et sciendum est quod si dictum assignamentum quod dictus comes fecit Philippo filio nostro amplius valeret quam divisum sit in prioribus conventionibus et in cartis exinde factis, tantum minus pagaret de eo quod pagare tenetur ad terminos qui prescripti sunt de valore terrarum de Insula Bona et de Alisiaco et earum pertinentiis. Quod ut firmum habeatur et stabile, presentem paginam sigilli nostri auctoritate roboramus. Actum apud Sanctum Germanum in Laya, anno ab Incarnatione Domini M° CC° decimo, mense maio.