1184, du 1er avril au 31 octobre. — Fontainebleau.
Philippe Auguste confirme à l'abbaye de Barbeau la possession de vignes vendues ou données par Thierry de Saint-Ange, chevalier, et par Adam de Villemer.
A. Original perdu, se trouvait, selon D, encore muni de son sceau aux Archives de Barbeau au xviiie s.
B. Copie du xiiie s., Cartulaire de Barbeau, Bibliothèque nationale, latin 10943, fol. 49 v°.
C. Copie du xviie s., Bibliothèque nationale, latin 5466, p. 246.
D. Copie du xviiie s., Archives nationales, K 190, liasse v, n° 26, d'après A.
E. Extrait par Gaignières, Bibliothèque nationale, latin 17026, p. 52.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod Theodoricus miles de Sancto Angelo fratribus de Sancto Portu vendidit vineam quam habebat subtus larricium Samesii, prope ripam Sequane, acceptis inde quadraginta libris. Hoc vero laudavit uxor sua Aupes et filii sui, Adam scilicet et Milo, et filia sua Ysabella. Item ad noticiam tam presentium quam futurorum volumus pervenire quod Adam de Villamer concessit et dedit in elemosinam ecclesie Beate Marie de Sancto Portu et fratribus inibi Deo famulantibus vineam quam habebat apud Hericiacum, laudante Ansello, fratre suo, et matre sua Osilla et sororibus suis. Que omnia nos, intuitu Dei et ob remedium anime nostre et patris nostri bone memorie regis Ludovici, cujus corpus in prefata sepultum quiescit ecclesia, et pro animabus predecessorum nostrorum benigne concedimus et, ut perpetuam sortiantur stabilitatem, presentem paginam sigilli nostri auctoritate ac regii nominis karactere inferius annotato precipimus confirmari. Actum apud Fontem Blaaudi, anno incarnati Verbi M° C° LXXX° IIII°, regni nostri anno quinto, astantibus in palatio nostro quorum nomina supposita sunt et signa. Signum comitis Theobaldi, dapiferi nostri. Signum Guidonis buticularii. Signum Mathei camerarii. Signum Radulphi constabularii.
Data per manum (Monogramme) Hugonis cancellarii.