1210, du 1er novembre au 2 avril 1211. — Paris.
Philippe Auguste confirme un acte de Louis VII, qui, à la prière de l'abbé Bertrand, garantissait les biens de l'abbaye de Saint-Gilles.
A. Original perdu, scellé de cire verte sur lacs de soie rouge et verte selon C, mais sur lacets de cuir selon D.
B. Copie du xiiie s., dans un rôle de parchemin, Archives nationales, J 317, n° 9 (951).
C. Copie figurée du xvie s., sur un feuillet numéroté LVII d'un registre, ou cartulaire, d'origine non précisée, Archives de l'Académie des inscriptions et belles-lettres, sous forme de photocopie.
D. Copie du xviie s., Bibliothèque nationale, ms. nouv. acq. fr. 7579 (ancien portefeuille 32 de Fontanieu), fol. 354, d'après une copie prise sur l'original, par le notaire J. Facenderius et conservée dans les titres de Saint-Gilles, n° 8, à Montpellier.
E. Copie notariée, de février 1687, Archives du Gard, H 1, n° 9, d'après la même copie.
F. Copie du xviie s., Archives du Gard, H 2, n° 10, d'après un vidimus du 14 avril 1542 n. st., par Charles de Crussol, vicomte d'Uzès.
a. Ménard, Histoire de Nismes, t. I, Preuves, p. 48, d'après les archives du chapitre de Saint-Gilles.
Indiqué : Inventaire du xviie s., Archives du Gard, H 2, n° 9, fol. 2 ; Bibliothèque nationale, Collection Doat, vol. 255, fol. 132 ; « Inventaire ou répertoire des titres... de Saint-Gilles », de 1726, Archives du Gard, G 1588, fol. 59 ; Teulet, Layettes du Trésor des chartes, p. 360, n° 950, d'après B.
Texte établi d'après BCDEFa.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod vir venerabilis Bertrannus nomine, quondam abbas Sancti Egidii, karissimi genitoris nostri bone memorie Ludovici serenitatem petiit, regiam protectionem et possessionum suarum confirmationem humiliter deposcens. Karissimus ergo genitor noster pie recordationis Ludovicus, predecessorum suorum vestigia imitando, juste petitioni sue benignum prebuit assensum et quicquid ecclesie Beati Egidii ab antecessoribus suis regibus Francie collatum erat, et quicquid die illa in villa Sancti Egidii et in territorio ejus et in locis circumjacentibus habebat, tenebat, possidebat per clericos, monachos vel laicos in terris, pratis, pascuis, paludibus, nemoribus, in aquis et piscationibus et piscationum redditibus benigne concessit, specialiter donando dicte ecclesie jurisdictionem et districtum et justicias, portoria, vectigalia, tholonea, sicut illa die habebat, tenebat et possidebat vel in futurum juste et rationabiliter adquirere poterat, hoc ipsum similiter donans eidem ecclesie in omnibus castris et villis que die illa juste possidebat vel in futurum, Deo propitiante, acquirere poterat. Decrevit etiam ut predicta omnia in regio in perpetuum permaneant dominio et protectione, et ne aliquando nec aliquo modo ad aliam transferantur de cetero potestatem, regia prohibuit auctoritate. Nos autem, dicti patris nostri karissimi felicis memorie Ludovici et aliorum predecessorum nostrorum vestigiis inherentes, sepedicte ecclesie et abbati ejusdem hec omnia, sicut superius sunt expressa, salvo jure nostro, confirmamus et, ut perpetue stabilitatis munimentum obtineant, sigilli nostri auctoritate et regii nominis caractere inferius annotato presentem paginam roboramus. Actum Parisius, anno ab Incarnatione Domini M° CC° X°, regni vero nostri anno tricesimo secundo, astantibus in palatio nostro quorum nomina subposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.