1211, [mars].
Philippe Auguste confirme un accord conclu entre Pierre, comte d'Auxerre, et le chapitre de la même ville : le comte s'est engagé à ne pas recevoir sur ses terres les hommes ou les hôtes de l'église d'Auxerre ; de leur côté, les chanoines ne recevront pas les hommes de Mailly et de Bétry appartenant au comte ; les officiers dudit comte jureront à leur entrée en fonction de ne causer aucun préjudice à l'église d'Auxerre et, s'il s'élève un différend, il sera réglé par arbitrage.
A. Original perdu.
B. Copie du xiiie s., fragment du Cartulaire du chapitre de Saint-Étienne d'Auxerre, Archives de l'Yonne, G 1797, fol. 1 v°.
a. Lebeuf, Mémoires concernant l'histoire d'Auxerre, édition Quantin, t. IV, p. 70, d'après B.
In nomine sancte et individue Trinitatis. Philippus Dei gratia Francorum rex. Noverint universi presentes pariter et futuri quod, sicut ex autentico dilecti consanguinei nostri Petri comitis Autissiodorensis perpendimus, super querelis et contentionibus quas capitulum Autissiodorense habebat contra eundem comitem Petrum, ita pacificatum est inter ipsum et eos quod dictus comes concessit eis et adhuc concedit bona fide et juramento interposito firmavit quod nec ipse nec heredes ejus de cetero hominem vel hospitem ad Autissiodorensem ecclesiam quoquo modo pertinentem vel qui quandoque pertinuerit, in terram suam recipiet vel retinebit vel recipi sustinebit, nec canonici Autissiodorenses retinebunt homines ejus de Malliaco vel de Betriaco eodem modo. Homines autem eorum qui sunt apud Betriacum, videlicet isti : Bernardus de Valle Marci, Theobaldus frater ejus, Galterus Limateros, Abbas avunculus ejus, Bergondio, Hugonellus Planteronce, si ad terram capituli reverti voluerint, predicto comiti placebit et, si quandoque reversi fuerint, idem comes non poterit eos retinere, sicut nec alios. Preterea ipsi et servientes comitis necnon et omnes ballivi ejus qui se intromittent de Autissiodoro, de Malliaco et Betriaco, quotiens mutabuntur jurabunt quod nichil capient vel capi facient de rebus ecclesie Autissiodorensis, donec prius decano et capitulo Autissiodorensi monstratum fuerit et ipsi de jure faciendo in capitulo defecerint ; si vero inter comitem et ipsos super predictis orta fuerit querela, sine duello, per testimonium duorum vel trium bonorum hominum cognoscetur et emendabitur. Quod si contra predicta comes vel heredes suos contraire vel in aliquo contigerit attemptare, idem comes amicos et fideles nostros archiepiscopum Senonensem, Lingonensem et Autissiodorensem episcopos rogavit ut terram ejus tamdiu teneant interdicto suppositam et ipsum comitem excommunicatum donec fuerit competenter emendatum. Promisit etiam dicto capitulo et concessit quod bona fide ad hoc laboraret quod nos conventiones istas confirmaremus, et si dictus comes conventiones istas non teneret, nos ad universas res suas quas de nobis tenet assignaremus quousque dicto capitulo super hoc esset satisfactum. Quod ut perpetuum robur obtineat, sigilli nostri auctoritate et regii nominis karactere inferius annotato, ad petitionem dicti comitis, presentem paginam, quantum ad nos pertinet, confirmamus. Actum anno Domini M° CC° decimo, regni nostri anno XXX° secundo.