1184, du 1er avril au 31 octobre. — Mozac.
Philippe Auguste fait connaître les conditions auxquelles Florence, abbesse, et le couvent de Cusset l'ont associé à leurs droits sur le village de Cusset.
A. Original perdu.
B. Vidimus de Philippe V d'avril 1318 (n. st.), Archives nationales, JJ 56, n° 226.
C. Vidimus de de Jean II de mars 1361 (n. st.), Archives nationales, JJ 89, n° 604, d'après B.
D. Copie du xviiie s., d'après un vidimus de Charles VI daté de janvier 1413 (n. st.), rapportant le vidimus de Jean II (C), Archives nationales, K 184, liasse 2, n° 2.
E. Traduction française du xviiie s., Archives municipales de Cusset.
a. Ordonnances, t. IV, p. 205, d'après C.
b. Abbé Chaix de Lavarene, « Bullaire de l'Auvergne…, Correspondance des papes avec l'Auvergne chrétienne », dans Mémoires de l'Académie des sciences, belles-lettres et arts de Clermont-Ferrand, t. XIX, 1877, p. 611, n° LXIV, d'après a.
Texte établi d'après B.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quoniam universa que moniales Cuciaci habent tam in villa Cuciaci quam alibi, ad petitionem venerabilis patris nostri Lucii pape eoque potissimum intuitu quod eadem ad regale nostrum pertinet, in manum et protectionem nostram suscepimus, ad quam nostre protectionis susceptionem Florentia abbatissa totusque jamdicti loci conventus, ut affectum nostrum circa rem predictam redderent magis sollicitum, nobis hec habenda perpetuo dederant; videlicet medietatem justitie Cuciaci et medietatem justitie totius terre quam habet abbatia Cuciaci, et medietatem reddituum quos constituerunt ex equis, asinis, quadrigis, carris vinum seu merces alias per Cuciacum aut de Cuciaco deferentibus, excepto carcagio annone et salis, et medietatem omnium mercatorum que fient tam in tempore nundinarum quam in aliis temporibus apud Cuciacum, exceptis nundinis de septembri. Preterea dederunt nobis ut de singulis domibus terre quam habent extra Cuciacum habeamus, singulis annis, duos denarios in festo sancti Michaelis. Nos autem eis concessimus quod neque nos neque successores nostri reges Francie hanc terram et hos redditus extra manum regiam mittemus nec alicui alii conferemus. Quod ut apud posteros perpetuam sortiatur firmitatem, presentem cartam sigilli nostri auctoritate et regii nominis karactere inferius annotato communimus. Actum Mauziaci, anno ab incarnatione Domini millesimo C° LXXX° IIII°, regni nostri anno quinto, astantibus in palatio nostro quorum nomina supposita sunt et signa. Signum comitis Theobaudi, dapiferi nostri. Signum Guidonis buticularii. Signum Mathei camerarii. Signum Radulphi constabularii.
Datum (sic) per manum (Monogramme) Hugonis cancellarii.