1211, du 1er novembre au 25 décembre. — Paris.
Philippe Auguste confirme l'accord conclu entre Catherine, comtesse de Blois et de Clermont, d'une part, et Érard, abbé de Saint-Lucien de Beauvais, et son abbaye, d'autre part, au sujet des ventes de bois dans la forêt de Hez.
A. Original jadis scellé. Hauteur 346 mm. à gauche, 330 mm. à droite ; largeur 365 mm. Bibliothèque nationale, Collection de Picardie, vol. 304, fol. 7 (ancien carton 316, Saint-Lucien de Beauvais).
B. Copie annotée par Dom Grenier, Bibliothèque nationale, Collection Moreau, vol. 113, fol. 220, d'après A.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri quod, sicut ex autentico dilecte et fidelis nostre Katerine Blesensis et Claromontis comitisse cognovimus, quedam contentio erat inter ipsam comitissam ex una parte, et Erardum abbatem et conventum Sancti Luciani ex altera, super bosco Sancti Felicis qui est in foresta de Hex ; que tandem contentio sopita est in hunc modum, ita videlicet quod comit[i]ssa vendet nemus illud a Natali venturo anno Domini M° CC° decimo, undecima die julii, in annum, et si ipsa invenerit emptores, abbas et conventus Sancti Luciani debent ventam illam concedere, nec ipsam possunt contradicere nisi inveniant qui pro bosco illo magis donare velint ; et si inveniant qui magis donare velint pro illo, ipsa comitissa contradicere non poterit quin illi ventam habeant qui magis donare volent ; et si abbas et conventus primo emptores invenerint, ipsa ventam eorum concedere tenebitur, nisi invenerit qui magis donare velint pro bosco predicto ; et si invenerit qui magis donare velint pro illo, abbas et conventus contradicere non poterunt quin illi ventam habeant qui magis pro illa dabunt ; et quicumque boscum comparabit, nisi a die emptionis infra tres menses supervenerit qui plus offerat, venditio sua erit. De venta autem illa habebunt abbas et conventus Sancti Luciani medietatem et comitissa aliam medietatem, et sic erit in perpetuum de omnibus ventis que fient de bosco illo. A die autem qua nemus incipiet vendi usque ad triginta quinque annos, vice alia vendi non poterit et, a triginta quinque annis quamdiu seculum durabit in triginta quinque annos, utralibet pars que vendere voluerit vendere poterit, nec altera pars contradicere poterit quin vendatur secundum formam predictam, nisi ita esset quod comitissa in foresta de Hez boscum in grosso vendidisset quando abbas et conventus ipsam de venta submonerent, et si in dicta foresta boscum in grosso vendidisset comitissa, venditio dicti bosci Sancti Luciani differretur usque dum terminus illius venditionis comitisse esset elapsus ; quo elapso, venta bosci Sancti Luciani sine contradictione fiet, et si ipsa in dicta foresta de Hez ad detallium venderet, illa venta remaneret donec predictus boscus Sancti Luciani venditus esset, et dicta comitissa ad ventam dicti bosci Sancti Luciani vias competentes habere faceret et ventam et venditores garantizaret et custodiret sicut in ventis suorum nemorum propriorum. In bosco autem illo Sancti Felicis qui vocatur boscus Sancti Luciani, capiet in perpetuum domus Sancti Felicis hoc quod ad usus domus illius opus erit, hominibus ville ejusdem exceptis. Quando autem boscus Sancti Felicis qui dicitur boscus Sancti Luciani venditus erit, domus Sancti Felicis in ipso usque ad tres annos et dimidium post finem vente nichil capere poterit et, a tribus annis illis et dimidio in antea, capiet domus jam dicta Sancti Felicis usuarium suum sicut predictum est, et sic erit semper de omnibus ventis ; in illo etenim bosco Sancti Felicis qui dicitur boscus Sancti Luciani, retinet tantum comitissa custodiam nemoris et chaçam venationis, ita quod nullus ibi, nisi per ipsam, venari poterit, et omnium ventarum medietatem, et quod nullus boscum illum poterit exartare ; et quotiens abbas aut conventus Sancti Luciani mittent ballivum in domo sua de Sancto Felice, ballivus ille veniet apud Novam Villam et jurabit coram ballivo comitisse qui erit apud Novam Villam, quod nullum secantem in bosco Sancti Felicis qui dicitur boscus Sancti Luciani advodabit (sic), preterquam illos qui secabunt ad usuarium domus Sancti Felicis, sicut predictum est, et per hoc illi liberabuntur quos ipse advodabit (sic), et illi qui ibunt propter usuarium dicte domus Sancti Felicis habebunt vias competentes et liberas ad usuarium ducendum. Nos igitur prefatam pacis compositionem, sicut superius annotatur, laudamus et approbamus et, ne super hoc in posterum possit calumpnia suboriri, juxta tenorem carte ipsius Katerine necnon et carte Radulfi quondam Clarimontis comitis patris sui, cujus tenorem inspeximus, presentem paginam, ad petitionem utriusque partis, fieri precepimus eamque sigilli nostri auctoritate et regii nominis karactere inferius annotato, salvo jure alieno, confirmamus. Actum Parisius, anno Domini M° CC° undecimo, regni vero nostri anno tricesimo tercio, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante (Monogramme) cancellaria.