1211, du 1er novembre au 24 mars 1212. — Paris.
Acte faux
Philippe Auguste vidime et confirme les donations faites à l'église d'Uzès par Louis VII, et y ajoute le château de Collias, et les villages de Saint-Privat et de Dions, avec leurs dépendances.
A. Original perdu.
B. Copie de 1292 environ, dans un rôle de procès, Archives du Gard, G 1631, troisième paragraphe du rôle.
In nomine sancte et individue Trinitatis. Amen. Philippus Dei gratia Francorum rex. Noverit tam modernorum presencia quam posteritas futurorum sequtura, Ludovicum bone memorie quondam regem ac progenitorem nostrum Raimundo Ucicensi episcopo et suis successoribus, hujusmodi privilegium concessisse...
(Texte du privilège de Louis VII)
... Nos itaque volentes predecessorum nostrorum vestigiis inherere, Raimundo Uticensis ecclesie episcopo ejusque successoribus predicta omnia sicut superius adnotantur, cum quibusdam aliis castris et villis et rebus aliis que inferius subscribuntur, imperpetuum concedimus possidenda, videlicet civitatem Ucetie, castrum de Colias, villam Sancti Privati cum omnibus pertinenciis suis, villam de Dion cum omnibus pertinenciis tam villarum quam castrorum supradictorum. Ut autem predicta omnia robur obtineant perpetuum, cum omnibus illis que Raimundus venerabilis Ucicensis episcopus in episcopatu suo rationabiliter possidet et in futurum justis modis poterit adipisci, presentem paginam super hiis conscriptam sigilli nostri auctoritate et regii nominis karactere inferius annotato, salvo jure nostro et salva in omnibus dignitate regia, confirmamus. Actum Parisius, anno Domini millesimo CC undecimo, regni vero nostri anno tricesimo tertio, astantibus in palacio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Draconis (sic) constabularii. Data vacante cancellaria.