1211, du 1er novembre au 24 mars 1212. — Paris.
Philippe Auguste notifie la ratification par le prieur de Grandmont, de l'accord conclu entre le roi et les religieux de Cléry, au sujet des fours et des droits de fournage de Cléry et confirme les donations que leur a faites Hescelin de Linas et Hugues de Meung.
A. Original perdu, scellé en cire verte sur fils de soie selon le vidimus copié par B.
B. Copie non authentique, du xviiie s., avec traduction, Archives départementales de Loir-et-Cher, G 2671, d'après un vidimus de février 1325 (n. st.) par Charles IV.
In nomine sancte et individue Trinitatis. Amen. Philippus Dei gratia Francorum rex. Noverint universi presentes pariter et futuri A. priorem Grandimontis et ejusdem loci capitulum ratam habere et libere concessisse conventionem quam fratres sui de Clariaco, in eleemosyna nostra conversantes, nobiscum fecerunt super medietate furnagii et furnorum totius ville Clariaci quam iidem fratres sui de donatione Hecelini de Linays possidebant, ita quidem quod fratres sui qui pro medietate fructuum quos percipiebant, medietatem quoque expensarum facere tenebantur, quartam partem furnagii totius ville jamdicte, absque omni expensa et exactione, libere et quiete perpetuo possidebunt. Preceperunt etiam dictus prior et capitulum ut furnarius, quando calefaciendi officium accipiet, cum sacramento promittat se eisdem fratribus suis suam quartam partem fideliter redditurum, ita quod eorum damnum, nec per se nec per alium, faciat nec fieri consentiat, usque ad pretium quatuor nummorum per totum annum. Preterea, donationem quam fecimus predictis fratribus de parte nostra nemoris cum fundo terre in quo habitant dicti fratres, prout fossatis clauduntur circumquaque, cum omnibus suis pertinentiis, ratam et firmam habere volumus, pariter et acceptam, nihil juris vel dominii nobis vel successoribus nostris infra fossata memorata retinentes. Confirmamus etiam ipsis fratribus donationem quam fecit ipsis fratribus de alia parte predicti nemoris cum fundo terre Ecelinus de Linays et Ahles uxor ejus, et G. filius ipsorum, et confirmamus eleemosynam quam fecit dictis fratribus Hugo de Magduno de molendino domui dictorum fratrum vicino, cum stagno adjacenti, et omnes eleemosynas acquisitas et acquirendas et possessiones memoratis fratribus, amore Dei, confirmamus pariter et acceptamus, mandantes et precipientes omnibus ballivis nostris et prepositis ut dictos fratres et domum suam cum omnibus pertinentiis suis custodiant et defendant quotiescumque fuerint requisiti. Quod ut firmum sit et stabile, ad petitionem dicti prioris et capituli, paginam istam confirmamus. Actum Parisius, anno ab Incarnatione Domini millesimo ducentesimo undecimo, regni vero nostri anno trigesimo tertio, astantibus in palatio nostro quorum nomina supposita sunt et signa. Dapifero nullo. Signum Guidonis buticularii. Signum Bartholomei camerarii. Signum Droconis constabularii. Data vacante cancellaria.