1212, février. — Paris.
Philippe Auguste confirme l'accord conclu entre l'évêque de Meaux et Henri des Moitiers, par lequel celui-ci renonce à ses réclamations sur les biens qu'avait vendus à l'évêque son frère, Henri le Lorrain, et cède en outre le prieuré de Grandchamp, en réservant toutefois, pour lui et ses héritiers, l'avouerie de ce prieuré.
A. Original perdu.
B. Copie du xiiie s., Cartulaire 2 de l'Église de Meaux, Bibliothèque nationale, ms. lat. 5528, fol. 5 v°.
C. Copie du xive s., Cartulaire 3 de l'Église de Meaux, même dépôt. ms. lat. 18355, fol. 4.
a. D. Toussaints Duplessis, Histoire de l'Église de Meaux, t. II, p. 103 (fragment), d'après B ou C.
Texte établi d'après BC.
Philippus Dei gratia Francorum rex universis ad quos littere presentes pervenerint salutem. Noveritis quod hec est forma pacis facte inter amicum et fidelem nostrum episcopum Meldensem ex una parte, et Henricum de Monasteriis ex altera, quod dictus Henricus de Monasteriis quitavit in perpetuum dicto episcopo et successoribus ejus omnem querelam quam habebat vel habere poterat usque ad hanc diem super vendicione quam fecit Willelmus Lothoringus, frater ejusdem Henrici, A. episcopo Meldensi. Preterea, quitat managium et justiciam de terra illa de qua habet ibi terragium et que jam mensurata est, ita tamen quod si non fuerit requisitus ejus serviens pro terragio, sicut continetur in carta ejusdem Willelmi, fiet inde emenda que in terra illa propter hoc solet fieri, reliqua autem terra et nemus manebit omnino liberum et ab omni terragio et justicia, sicut in carta ejusdem Willelmi continetur. Preterea, quitat in perpetuum omnino prioratum Grandis Campi, ita quod ipse nec heredes ejus poterunt aliquid ibi de cetero reclamare, nec G. Meldensis episcopus nec successores ejus alium advocatum poterunt facere de dicto prioratu, nisi dictum Henricum et heredes suos, si contingeret quod dictus episcopus vel successores ejus alium advocatum quam dictum Henricum vel successores suos facere attemptarent. Hanc autem compositionem laudavit et approbavit Henricus frater dicti Willelmi Lothoringi et, fide interposita, tenendum creantavit. Quod ut firmum permaneat in posterum, presentem paginam sigilli nostri munimine fecimus roborari. Actum Parisius, anno Domini M° CC° undecimo, mense februario.